Hechos 8:24 - Sharanahua: Diospan Tsain

²⁴ —Ua Ifo Jesús cufishohuun min ua yoia cuscan ua Diosin onaintimanonma, —ishon Simón cumani.

Hechos 8:24 Referans Kwoze

Éxodo 8:8

Ascashon Faraón Moisés yafi Aarón cunani ato yoiquin isca huani, —Ua mato Ifo Diosi cufinshocahuun un non uhuun yorafomaquinoashu fushcofo fotanon. Man asca huano un maton caifofo nichishotiro mato Ifo Diosi cufinfain man maton inafo rutushon Diosin mato yonoa cusca ismashquin, —ishon Faraón Moisés yafi Aarón yoini.

Santiago 5:16

Ascacun man chaca huaa cuscan yoinonancahuun Upa Diosin maton chaca soashonon mato caya huanon. Ratoran futsan Jesushuunoashu isharashon nanton mato Upa Dios cufishonaiton nicasharashquin nan cufiai cuscan ahuamamishti huashotiro.

1 Samuel 12:23

Un mato nocon Ifo Diosi cufinshoyamaquin un aqui chaca huatiro. Ascan unfin mato Upa Diosi cufinshofafainniquin. Nan un mato tapimanai cuscan man isharafain man cayacafi shara nocon Ifo tanasharanon.

Éxodo 10:17

Un chaca hua cusca afanan ua rau huapun. Maton Ifo Diosi ua cufinshocahuun nan ocutsurufo noco mai anoashu fotanon non nanoma, —ishon Faraón yoini.

Génesis 20:7

Abraham uhuun tsain yoimisi. Ascacun ahuun ahuin afanan aqui nichihuun. Afanan aqui nocoshon Abraham ua mihuunoa cufinquin min nanonma. Ascafia ahuun ahuin aqui nasoyamaino min tapisharatiro min non nantifi min yorafo samamashta nairan, —ishon Diosin Abimelec yoini.

1 Samuel 12:19

Ascashon Samuel yoiqui isca huanifo, —Nonfin nocon Ifo Diosi chaca huamisiquin. Nonfin chaca huaquin finacoinmisiquin. “Noco niaifo futsa catonshonhuun,” ishon non yoia. Natian nocon Ifo Diosi noco cufinshohuun. Min noco cufinshoyamaino non nai futsutiroquin, —ishon Israelifoan ratucoincaquin nannori Samuel yoinifo.

Génesis 20:17

Abimelec Sara ahuun pushu muran ihuuni ahuin huapaiquin nantiari nocon Ifo Diosin yononi cuscan rato ainfoancai Abimelec pushu anoshon facu atiroma iyoni. Ascano Abraham Diosi cufini niaifo caiyanon. Ainfofohuunoari cufini afanan facu nanunonfo.