Hechos 8:17 - Sharanahua: Diospan Tsain

¹⁷ Ascano Pedro futan Juanpan manmanyanan Upa Dios cufishonifo ahuun Yoshin Shara ato iquinon.

Hechos 8:17 Referans Kwoze

Hechos 19:6

Ascashon Pablonun ato manmainno Diospan Yoshin Sharapan ato imaino tsain futsanman inifo. Diospan tsainri yoipacunifo.

Hechos 6:6

Aton catoncashon Jesús fu rafumisifo ano iyonifo. Ascan nan doce ato manmancashon Upa Dios cufishonifo.

2 Timoteo 1:6

Ascacun un mia afanan shinanmapaiyai cuscan fusti shinanhuun. Un mia mayatasho Upa Dios cufishoni nantianri afin mia amapaiyai cuscan min huanon. Ascashon min ahuun Yoshin Sharapan ahuun tsain yoisharafain min ato cushumisi inon. Ascacun aqui tushcuyamahuu. Upa Diosin mia amapaiyai cuscan fusti unimacain ahuu. Non chi cutu huasharayamaino nocatiro. Nanscarifiai Upa Diosin noco amapaiyai cuscan non huayamai non funotiro. Ascashocai non afanan ahuun tsain yoisharaima. Ascafia non chi cutu huasharaino afanan urutiro. Nanscarifiai Diosin noco amapaiyai cuscan non afanan acaino non ato yoisharatiro.

Hechos 8:18

Jesús fu rafumisifo rafu Pedro futan Juanpan ato manmanni Diospan Yoshin Shara ato iquinaiton Simón oinni. Oinshon yoini isca huaquin, —Uarifi tapimahuun man aca cuscan un ratoran yora mayatashon Diospan Yoshin Shara ya un ato imanon. Man ua tapimacun un mato pui inanon, —ishon ato yoini.

Hechos 2:4

Ascaino Diospan Yoshin Shara aton nomuran nanutanaino nantifi tsain futsanman ipaitama inifoannifo. Nantifi ascai futsunifo.

Romanos 1:11

Un fasi mato oinpai mato Diosin tsain yoipaiquin. Ahuun Yoshin Sharahuunshon man icoinra huanon man yoinonansharanon Jesús tanasharashquin. Un icoinra huaino marifi man icoinra huainofin non unimanantanantiroquin.

Hechos 9:17

Ascatan nicafainicai Ananías cani. Cai pushu muran iquini. Iquicain Saulo fuchitan manmantoshini. —Mun oa. Uhuun yorashtan, min fain oquin nocon Ifo Jesús oian. Nanton ua nichian min afanan oinsharafain ahuun Yoshin Sharapan mia iquinon, —ishon yoini.

Números 27:18

Ascaiton nocon Ifo Diosin cumani isca huaquin, —Nunpan facu Josué mun catoan. Uhuun Yoshin Shara a fu rafumisi. Ascan Eleazar nan ahuun caifohuunshon ua cufinmisi non nantifi Israelifo icano Josué iyotahuun. Ascashon aton ointaifin Josué manmanhuun. Ascatan min Josué yoitiro nan min naitian naanfin mia cuscaran Israelifoan aton niaifo iishquiquin ato iyosharafain ato cushusharashquin. Nannori min yoiaiton min caifofoanri tapitirofo unmain aton Ifo Diosicun unfin Josué catoanquin aton niaifo funa inon.

1 Timoteo 5:22

Ascano ichananfo aton cushumisi catonriscayamahuu. Iquisi oinsharayohuu Jesús tanasharamisi iyamarai tanasharamamainquin. Tsoan ahuun chaca fomanpairiai cushumisi catonyamahuu. Ascaran min catoanfin mirifi min ahuun chaca fomanshonni cafiscaiquin. Ascacun ascayamahuu. Jesús cuscara isharacoinhuun. Ahua chaca huayamahuu.

1 Timoteo 4:14

Ichananfo ato cushumisifoan mia manmanshon cufishonaifono nantianri Diosin mia amapaiyai cuscan mia ashoni min icoinra huaa futsafo tapimasharafain min ato cushusharanon. Ascan Upa Diosin mia cashman tapimani cuscan huafain futsafori shara huashofafainquin shatuyamahuu.

Hechos 13:3

Ascatan piqui tununifo Upa Dios cufinquin anaiticashon Bernabé yafi Saulo manmanshon cufishonifo. Ascashon ato nichinifo futsafo Diosin tsain yoitanonfo.

Marcos 5:23

—Uhuun facushta isinin ishoinquin. Uhuun pushu ano ufu capun. Uhuun facushta ua maiatashoshquin cayanon, —huani.