Hechos 7:60 - Sharanahua: Diospan Tsain

⁶⁰ Yoitan ratoconun mai chachishon oi ashcafinin yoini, —Ifon, ua chaca huafiaifoan ato numahuu. Ato rau huahuun, —ishon yoini. Yoitan nani.

Hechos 7:60 Referans Kwoze

Mateo 5:44

Nannori yoifianifo un mato yoiquin isca huai, Naan mato noicasmafiaifoan atohuun noicoincahuun. Tsoan mato omitsisca huairi Dios cufishocahuun.

Lucas 23:34

Ascashon mastaifoan Jesús Apa cufini, —Upan, ato rau huahuu. Ua isca huaifo cuscan tsoan tapiamaquin. Un min facufiacun tapiafoma, —ishon Jesús apa cufini. Mastacatan ahuun sahuuti pashcananshcaquin. Aya cashuti ya cashunifo nan finonmanaton ahuun sahuuti fiqui tau huani.

1 Corintios 15:20

Ascafia anorima. ¡Aicho! Iconcoin Cristo funini. Aafin funi tauniquin afanan nashquima. Ascan nantifi icoinra huafo funitirofo afu ipashcaquin.

Hechos 20:36

Ahuun tsain yoiquin anaititan ato futan ratoconun mai chachishon Upa Dios cufinifo.

Hechos 9:40

—Chifi cainfaintacahuun, —Pedronun ato huani. Foainfono ratoconun mai chachipacufoantan Dios cufini. Ainfo yamashta oinquin yoini, —Tabitan, funinaca huahuun, —huaino. Fupuinacahuatan Pedro oinni. Ointan tsaoinacahuani.

Lucas 6:28

Tsoan mato chaca huai copitama rau huafain ato yoisharacahuun. Tsoan mato roafiacun ato Dios cufishocahuun.

1 Corintios 15:18

Ascashu Cristo funiyamainocai nan icoinra huafo nacanashu funocani. Omitsiscapashcaquin.

Hechos 21:5

Jesús tanamisifo aton ainfofo ya aton facufori no fu pushurasi murannoashu unuhuan cusumunri fonifo. Nannoshon non nantififain ratoconun mai chachishon Upa Dios cufini.

Hechos 13:36

Davidhuunoacai cununima. Man non tapia Diosin yonomani cuscan David ahuun yorafo ashoquin. Anaititan naani. Ahuun shunifo maini ano arifi maini. Ascano ahuun caya payoconni.

Lucas 22:41

Ato asca huatan chaimashta atomaqui caashon Apa cufinquin isca huani ahuun ratoconun mai chachipacufoan Apa cufini.

Mateo 27:52

Ascaino nan Diospan yorafo naacun mahua quini muran mai huanifo. Nan toquirinin huafo fupucui futsuaino Diosin afanan ato nimani. Ascashu Jesús funiaitian nanfori nan mahua quini murannoashu Jerusalén muran iquinifo. Ascaiton nanoa yora ichapafoan oinnifo.

Daniel 6:10

Ascan niaifoan cununi cuscan Daniel nicain ahuun pushu ano cani. Pushu cunu futsa fomancaya inashon shoi ventana Jerusalenhuuri fupuni. Nannoshon imisi cuscan ratoconun mai chachishon Daniel nocon Ifo Diosi cufini. Shafatifi cufinquin rafu non fusti huani. Nocon Ifo Diosi cufinquin ahuunoa shara yoiquin aichoran huani.

1 Corintios 15:51

Tsoancai nicayomisifoma cuscara tsain shara un mato yoi. Tapipaiquin ua nicasharacahuun. Asca noncai atifi naima. Ascafia non nantifi fiananain futsushquin.

Daniel 12:2

Nantiari yora ichapa namisifo funishquicani. Ascashu funitan Diosi icano a fu nipashquicani. Atirifoanri niyoshon tsoan Ifo Diosi nicapaimisima nanfofin rafipaishquicaniquin. Nanfohuunoa Upa Diosin shinanchacapacunacaquin.

Juan 11:11

Nannori noco yoitan Jesús afanan yoini isca huaquin, —Nocon yorahuan Lázaro oshafiacun un moimanicain, —huaiton.

2 Timoteo 4:16

Ascan ua tau huaquin niaifofo ano iyonifo tsoancai uhuunoa yoisharanima. Nantifi ratucaquin ua potafaini focaquin. Ascacun Upa Diosin ato onaintimayamapainon.

2 Pedro 3:4

Ascashon mato yoiquin isca huacani, —¿Diosin yoini cuscamun a Jesús oa raniquin? Nocon shunifo nayopaonitiancai ahuashta fianananma nanscara fustisi. Diosin mai onihuani chaincai ahuashtari fianananma. Nanscasi airan, —ishon yoishquicani.