Hechos 7:45 - Sharanahua: Diospan Tsain

⁴⁵ Ascatan fari ichapa finontan nocon shunifoan nan pano pushu fonifo. Nantianri aton niaifo ahuun anu Josué ato iyoni mai futsa finonfo. Diosihuunshon caifo futsafo nan mai anoafo potanifo aton mai inon. Nan Josué niaifo taupaonino man fari ichapa finontan Davidrifi yositirofo pano pushu muran ichananpaonifo Upa Dios cufishcaquin.

Hechos 7:45 Referans Kwoze

Hechos 13:19

Siete mani futsafo aton mai muranshon ato potani. Nocon shunifo inanni atona inon.

Josué 24:18

Nan caifo futsafo Amorreofo aton mai anoshon nocon Ifo Diosin ato potani nococai ahuusca huanifoma. Aton mai nocon Ifo Diosin noco inanni. Nanscacufin norifi nocon Ifon Diosi noco yonopaiyai cuscan non acoinnicain. Arus fustifin nocon Diosiquin, —ishon Israelifoan yoinifo.

Josué 23:9

Nocon Ifo Diosin matohuunshon caifofo mutsisipacoinfo aton yora ichapafoya aton mai anoshon ato potani. Nantiaricai rato caifofoan mato nitumatiroma. Maton Ifo Diosin matohuunshon ato rutumisi.

Hebreos 4:8

Ascashon Josué ahuun caifofo aton mai ano iyoni nannoashu isharanonfo. Ascafia nan maicoinhuunoacai Diosin chipo noco yoima. Nan Israeli maihuunoa yoiquicai isca huacuanima, —Natian man ua nicasharaquicai afanan man shinanchacaima. Ascatamarocon maton nomuran unimacain ufu man rafucacaishquinran, —ishoncai yoi cuanima.

1 Samuel 4:4

Ascashon nocofunufo Silo ano nichinifo Diospan casho ahuun tsain a muran ato fushononfo. Nan nocon Ifo Diosin ahuun curushhuunshon noco ahuamamishti huashotiro ahuun nai oinmati rafu aton ointsa rami huacashon nan casho camaqui ocuma rafu nimanifo. Nan nocon Ifo Diosin arifi nanno ini nan casho ano. Ascano Elí facu rafu Ofni yafi Finees nocon Ifo Diosi ahuun casho ano inifo. Nan casho muran Diosin Israelifo cunushoni cuscan nanunifo.

Deuteronomio 32:49

—Machifo fari oaiquiri mai Moab ano catahuun. Nanno nan machi ahuun anu Nebo ano mapuhuu. Nebo pushu rasi Jericó ocuma futsa ini. Machi Nebo mamaquinoashu mai Canaán ointahuun. Naan mai maton yora Israelifo un ato inanshquin atona inon.