Hechos 7:42 - Sharanahua: Diospan Tsain

⁴² Ascano Upa Diosin afanan atoqui unimanima. Ato potayoni “Ua afanan tanapaicanima. Ascacuncai un ato numaima. Aton diosicoinma ipaitsi aton nomuran shinantirofo. Fishifo ipaitsi shinantiro aton diosiran,” ishon Diosin yoini. Nocon shuni Amós inonpacoi cuscan Diosin tsain yoimisi ini. Diosin atohuunoa yoini cuscan cununi isca huaquin, “¿Man cuarenta fari pushu yamai ano cahuacacainnai ua yoina rutushon ua inanpaicani. Ahuara futsari ua inanpaicanimun?

Hechos 7:42 Referans Kwoze

Deuteronomio 4:19

Ascatari nai ari oinquin fari non oshu non fishifo, “Nanfori nocon diosifo non ato cufinon,” ishon anori shinanyamacahuun. Nanfofin nocon Ifo Diosin oni huaniquin nan yora manifoti icanoafo ato chashasharashonon.

Hechos 7:36

Nanno Dioshuunshon ahuarashta tsoan oinyomisima shara ato ismani yoran atiroma cuscan ato ismani. Unuhuan ahuun anu oshin anori tsoan atiroma cuscan Dioshuunshon ato ismani. Tsoan istaipamashon nanscasi huapaoni.

Josué 24:20

Man nocon Ifo Dios potashon caifo futsafoan aton dioscoinfoma nan rami huafo man aton oinmati icai mato yonoai cuscan man aiton. Man ascaiton nocon Ifo Diosin mato shara huamisifiashon mato omitsiscamashquin mato namaquin cuyoshquiran, —ishon Josué ato yoini.

Hebreos 3:9

“Maton shunifo tsoan istaipamanoashu icaino yoitimafiaifoan funaquima uhuun yono un ato ismapaoni. Tsoan oinyomisima cuscara shara cuarenta fari un ato ahuamamishti ismasharapaoni.”

Juan 6:45

Diospan tsain yoimisiton ahuun tsain cununi isca huaquin, “Upa Diosin afincoin yorafo ato tapimashquiran,” ishon cununi. Ratoranfoan Upa Dios nicaifoanfin ahuunshon tapicaniquin. Upa Dios nicacashonri uarifi icoinra huashcaniquin.

Hechos 13:40

Oinfain nan inon pacoai yoimisifoan cununi cuscan man anonma.