Hechos 4:27 - Sharanahua: Diospan Tsain

²⁷ Nanscarifi atan nan niaifo rafu Herodes yafi Poncio Pilaton Israeliyamafiashu nocon caifo Israelifo fu ichanaintafo min Furun nan min oinmati Jesús min catonni chaca huashcaquin.

Hechos 4:27 Referans Kwoze

Mateo 27:2

Ascatan munushcashon nan Romanon niaifoan ahuun anu Pilato ano Jesús iyonifo.

Hechos 4:30

Min oinmati sharacoin nan Jesushuunshon tsoan atiroma cuscan huahuu. Ahuunshon isinin icaifo caya huafain tsoan oinyomisima cuscara sharafo ato oinmahuu, Upan, —ishon cufinifo.

Lucas 9:22

Ascatan afu rafuafo yoiqui isca huani, —Un chipo fasi omitsiscashquin. Nocon yorafohuunshon Dios cufimisi niaifofo non Dios fu tsainti pushu cushumisifo Moisés cununi cuscan tapimamisifoan futan ua icoinra huashquicanima. Ascashon ua ato rutumafiafo osha rafu non fusti finontan un afanan funishquiran, —ishon Jesús ato yoini.

Hebreos 7:26

Ascan nan Jesusfin nocohuunoa Dios yoimisiquin. Yoimisi futsafo finoncoian. Aafin Diosin cuscara sharacoinquin. Tsoancai ahuunoa ahuashta chaca yoitiroma. Aatocai ahua chaca shinanyamafain yora chacafo cuscarama. Ascashon Apa Dios icanoafori finoncoian. Ascashon non yopai cuscarifi noco ashotiro.

Hechos 10:38

Ascan man man nicamisi Juan cachiori Jesús oni. Upa Diosin ahuun Furun Jesús ahuun Yoshin Shara nichian afu rafunon ahuunshon ahuamamishti yora atiroma cuscan anon. Ahuara sharafo huafoanfafaini. Upa Diosin afu imisi nantifi yora yoshin chaca ato yonoaiton atomaquinoa potani.

Juan 19:34

Ascaiton man naa oinquin ranushumuaton ahuun ashin pishi chachiaino imi focain unu foni.

Juan 18:28

Ascano funamanrishta Caifás ahuun pushu anoshon Pilato niaifo ano Jesús iyonifo. Nanfin Romanon iniquin. Ascafiashcai Pilato ahuun pushu muran iquinifoma aatsi Israelicun. Shinanpaonifo, —Non a muran iquiashu non chaca itiroran, —icashu ascashu iquicasmanifo. Afocai Israelifomaran icashu. Diosin oinmati nan afu imisiton nocon shuninfoan facu iyoafofo ato finonmani nan fusitin icaitian shinantacani. Nanscacun Pilato ahuun pushu muran iquicasmanifo. A muran iquiashu non chacacoin itiroran fusi muaimuran non iquitiroma. —A muran iquishocai nocon caifo futan non chashoanun facu pitiromaran, —ishon shinannifo.

Juan 1:11

Ahuun mai ano nocofiaitocai ahuun yora Israelifoan oinpainifoma.

Lucas 22:63

Ascaino nan cushuafo Jesusqui cashu mutsamai taunifo.

Lucas 4:18

“Diospan Yoshin Shara ufu ishon ua catoan. Ascashon ua nichian un ahuuomafo tsain shara yoifain nan cunu muran iqui cafiscaafo un ato caimanon. Ascashon fushofori un caya huai oinsharanonfo. Omitsiscaifori un numai afanan omitsiscatama isharanonfo.

Lucas 1:35

Diosin oinmatinin afu nai muran icaton afanan María cumani, —Diosin ahuun Yoshin Sharapan miqui oshon mia facu nanumashquin. Nanto ahuun curushhuunshon ahuamamishti huatiro. Nanhuunshon mia facu nanumashquin. Ascan nan facu cainshquiaifin shara fustisi imisiquin. Ahuashtacai chaca huamisima. Naanfi Diospan facuquin.

Marcos 15:31

Ascano nanscarifiai nocon yorafohuunshon Dios cufimisi niaifofo yafi Moisés cununi cuscan tapimamisifoan aqui cashupai yoinannifo, —Nanton futsafosi numafiatiroshaquicai aficai numatiroma.

Marcos 10:33

—Ua nicacahuun. Non Jerusalén ano canon. Nannoa futsan ua achimashquin nocon yorafohuunshon Dios cufimisi niaifofo yashon Moisés tsain tapimamisifoan ua tsain chaca huashcani. “Jesús ato fasi chaca huamisi. A rutucahuun,” icashu uhuun yoinanshon. Mani futsafoan ua iyoshcani ua rutunonfo.

Mateo 23:37

¡Ohua! Jerusalén ano icafoan. Manfin Diosin tsain yoimisifo rutufain nan Diosin matoqui nichian futsafori man toquirinin ato tsacaqui nanonfo. ¡Ohua! Tacaranun ahuun facufo ahuun pui naman onutiro cuscan huaquin un mato yorafoya cushupaifia mancaifin ua nicacasmamisiquin. Manricai uqui fumisima un mato cushunon.

Mateo 21:28

Asca huatan ato yocani, —¿Man raquiri shinainmun? Nocofunu facu pushcohuai rafuya ini. Ascashon furu iyoa apan yoini, “Upashta, nocon mau ano yonotahuun,” huaiton.

Mateo 14:1

Ascano nantian Herodes nan Galilea mai anoa ato niaifoan Jesushuunoa nicaquin ahuun oinmatifo yoini isca huaquin, —Nanfin Juanqui. Un tushtumayamua afanan man funia. Ascashofin Diospan curushuunshon tsoan atiroma cuscan huafafainiquin, —ishon ato yoini.

Salmos 2:6

Ascacun Ifo Diosin yoia, —Un niaifocoin catonni Jerusalén ano nantifi ato iquinon. Unfin Jerusalén catoanquin nanno iishquin. Nan un Jerusalén machi ano icainofin fasi sharaquin.

Salmos 2:2

Manifoannati aton niaifofo non niaifo patasharinoafori ichanancani nocon Ifo Diosi yafi Furun Cristo potapaicani.

Mateo 14:3

Herodes Juan rutumanataima yoiqui isca huani, —Niaifo Herodes, min ushto Felipe ahuun ahuin min fia. Ascaquicai min shara huama. Nocon shuni Moisés Diosin tsain cunuqui isca huani, “Futsan ahuin min fitiromaran,” ishon Moisés cununiran, —ishon Juanpan Herodes yoini. Ascaiton nicai Herodes fasi sinacoinquin ahuun ranushumuafo yononi Juan achishon cunu muran iquimanonfo.

Mateo 14:6

Ascano Herodes cainnitian yorafo ichananni fuusishcaquin. Ascashu ichananfoanno Herodías ahuun facu shomaya arusu aton ointaifi mononi. Nan Herodías Herodes ahuun ushto ahuin ini. Ascashu shomaya monoaino Herodes fasi unimacoinquin yoini, —¡Aicho! Min monoai cuscan un fasi miqui unimai. Ahuarashta fipaiquin ua yoihuu un mia inanon. Diosin tapia un mia icon yoiaiton min fipaiyai cuscan un mia inantiroran, —ishon yoini.

Lucas 23:1

Ascatan Israeli niaifofoan Jesús aton niaifocoin shinanmaqui iyonifo. Nan Pilato niaifofin Romanonfoan ato niaifo iniquin.

Juan 18:29

Ascaino chifi cainacahuan Pilato ato yocani, —¿Ahua chaca huacunmun na nocofunu uano man ihuuaquin? —ishon ato yocaiton.