Hechos 3:24 - Sharanahua: Diospan Tsain

²⁴ Samuel Diosin tsain yoiquin tau huani. Nan inonpacoai cuscan. Ascano chiporifi Diosin tsain yoimisifoan nannoricoinri yoinifo cuscacoin man aa. Nantififain Jesushuunoasi yoinifo.

Hechos 3:24 Referans Kwoze

Hechos 3:21

Ahuun yonoshomisifoan nan inon pacoai Jesushuunoa yoinifo isca huaquin, “Upa Diosin yoiyotiani, ‘Un chipo nantifi funa shara imai. Afanan ahua chaca inonma. Un asca huayoai chain uhuun facu ufu nai muran iyoiran,’ ” inonpacoai cuscan Diospan tsain yoinifo.

Lucas 24:27

Ascacun tau huaquin ahuunoa Moisés cununi cuscan yoifain Diosin tsain yoimisifoanri ahuunoa cununifo yoifain nantifi Diosin tsain ahuunoa cununi cuscan atofu cafoquin shafacafi ato yoifoni.

1 Samuel 3:20

Ascano nantifi Israeli maifoti icafoan yoinifo isca huaquin, —Samuel Dioshuunshon noco yoimisi. Noco yoimisi cuscan huamisiran, —ishon ahuunoa yoinifo.

Romanos 3:21

Upa Diosin noco yononi cuscan Moisés noco cunushoni. Noco cunushoni cuscan non apaifiai non itiroma Diospan yora iishquin. Ascafia ahuuscashomain nocon chaca noco soashotiroquin a cuscara shara non inon Upa Diosin natian noco tapimana. Nannori Moisés yafi Diospan tsain yoimisi futsafoanri cununifo. Ratoranfo nocon caifo Israelifo iyamarai nocon caifoma non Jesucristo icoinra huacun nocon chaca noco soashotiro a cuscara noco imasharashquin.

Hechos 13:20

Nocon shuni Abraham ahuun mai anoashu cainitian yafi nocon mai ano nocon shunifo funifotian cuatrocientos cincuenta fari finonni. Ascano Diosin yononi nocon shunifo futsan nocon caifo aton niaifo inon. Samuel niaifoataima nocon shunifoan aton niaifofo ichaparasi iyopaoni. Samuel inonpacoai cuscan yoimisi ini.

1 Samuel 3:1

Ascano nantianri nan furonanfacu Samuel Elí yononi cuscan huashoni. Nanscahuahuunshon Samuel nocon Ifo Diosi ashomisi. Nantiancai nocon Ifo Diosin ahuun tsain tsoan tapiyonima. Fusti rasiton ahuun tsain nicanifo. Aton namapanhuunshon Diosin ato tapimapaiyai cuscan fusti rasi tapinifo.

1 Samuel 2:18

Ascan Samuelcai Elí facufo cuscarama. Nocon Ifo Diosin Samuel amapaiyai cuscan huani. Ascatan Israelifohuunoa nocon Ifo Diosi cufinmisifoan sahuumisi cuscaran nanscaracoinri Samuel sahuumani. Sahuuti ahuun anu lino sahuuni.

Hechos 3:19

Ascacun man chaca huamisi cuscan shatucahuun. Chaca huatamarocon Upa Dios shinancahuun maton chaca soashonon.

Hechos 17:3

—Cristo noco omitsiscashoni. Naafiacun funimani. Jesushuunoa un mato tapimai nanfin Cristoquin. Upa Diosin catonni nocoqui nichishquin, —ishon Pablonun ato yoini.

Hechos 26:23

“Nocon Cristo omitsiscai. Naafiashu funi tauniquin. Funishon uhuun caifo nan Israelifo yafi Israelifoma yoishquin ahuuscashumain Upa Dios fu ipatirofoquin,” ishon ato yoipaoni. Urifi nannorisi un yoimisiran, —ishon Pablonun yoini.