Hechos 3:22 - Sharanahua: Diospan Tsain

²² Nocon shuni Moisés arifi yoini, “Nocon Ifon Diosin noco caifo futsa catonshquin noco inon pacoai yoimisi inon. Ua cuscara inon. Nantifi mato yoiai cuscan a nicasharacahuun.

Hechos 3:22 Referans Kwoze

Hechos 7:37

Nocon shunifo Israelifo yoini “Chipo Upa Diosin nocofunu ua cuscara matoqui nichishquin. Nocon caifo ishquiquin. Inon pacoai cuscan mato yoishquin a nicasharacahuun,” ishon Moisés ato yoini.

Gálatas 4:4

Ascatan Upa Diosin nan yoinitian Furun nichini noco cuscara cainon. Ainfoan shaqui murannoashu cainni. Moisés nocon yorafo yononi cuscan arifi nicapaoni. Ascafia nanrifi nuno mai ano oni nocon shunifoan noco yonopaoni cuscan non afanan ato yonomatifo cuscara itamarocon Diosin ahuun facu iyoafofo cuscara noco imanon. Nanscacufin mai ano oniquin.

Juan 1:17

Upa Diosin noco yonopaiyai cuscan Moisés nocon shunifo yoiniquin. Ascaiton ahuunshon norifi non tapitiroquin. Moisés nanfo noco tapimafiaino Jesucristo nocoqui oni nocohuun ramapaicain aafin iconmisicoinquin noco ismapaoni.

Hebreos 5:9

Nocohuunoashu omitsiscafiaquin Apa Diosin yoiai cuscan nicacoinni. Ascashon yorafo ismani ahua chaca huamisima. Ascashu ishara fustimisi. Ascashu nocon Numamisi sharacoin itiro. A nicasharaifoti Upa Dios fu ipatiroquin.

Juan 5:24

Un mato iconcoin yoinon. Tsoan uhuun tsain nicasharafain Upa Diosin ua nichini icoinra huafin Upa Dios fu ipasharapacunacaquin. Un nan cuscara yora onaintimaima. Afanancai Satanás ahuun yora itiroma. Omitsiscapatamarocon natian afi Upa Diosin ahuun yoracoinquin afu ipashquin.

Apocalipsis 1:1

Uhuun yoramishtichin natian un mato cunu fomai man tapinon. Unquian Juan un mato cunu fomai. Upa Diosin Jesucristo yonoa samamashta ahuara ahuuscaran huariscashquiai cuscan ahuun yorafo tapimashquin. Ascacun iquisi ua oinmayoa. Jesús ahuun oinmati nan nai muran ica uqui nichian. Upa Diosin ahuun yorafo tapimapaiyai cuscan ua tapimayoa. Ascacun nan ua tapimana cuscan un mato yoi.

Romanos 9:5

Maton shunifofoan Upa Dios tanasharafafainpaonifo. Nocon Ifo Cristo arifi Israeliri ini. Nocon shuni Abraham non Isaac non Jacobori aton funa. Aafin natian nantifiton aton ifoquin ato iquina. Ascan Upa Dios fasi shararan non huapanon. Amen.

Juan 12:46

Nuno mai ano faquishihuan cuscara. Ascacufin Uhuun Upa Dios icanoashu un nuno mai ano oniquin chashamati cuscara iquiyoi. Ascan un mai ano oni afanan yorafoan chaca huafafaintamarocon ua icoinra huashon Upa Dios tanasharanonfo shafacafi icoinsharashcaquin.

Romanos 8:3

Moisés yononi cuscan non tapifiacai aton noco isharamatiroma nocon chaca soashquin. Ascan Upa Diosin shinanni cuscan ahuun Furun nai muranshon mai ano nichini arifi noco cuscara yora inon. Noco cuscarafiashocai non chaca huamisi cuscan huamisima. Noco nashoni afanan chaca nocon ifo inonma.

Juan 8:12

Ascatan ainfomaqui caashon Jesús afanan yorahuanrasi yosini isca huaquin, —Unfin chashamati cuscaraquin. Un manifoti anoafo un ismasharatiro nipasharanonfo. Tsoan ua tanamisi icashucai funotiroma. Uhuunshon fai oinsharatiro Upa Dios ari noco sharashquin. Faquish muran ipashquima, —ishon Jesús yoini.

Lucas 24:19

—¿Ahua ahuuscaitamun? —ishon ato yocaiton. —Jesús Nazaret anoaya non tsainquin. Nanfin Diosin tsain yoimisiquin. Diosin ahuun curushhuunshon noco yoimisi. Dioshuunshon ahuamamishti noco huashomisi. Ahuun tsainman yora caya huafain ahuara sharafo noco huashomisi. Nan acai cuscan nantifi man non oian. Diosin yafi nantifi man non oian. Nocofunu sharacoinfin non oinmisi.

Lucas 13:33

Un natian uhuun Upa ua yonoa cuscan nan fusti un yonoyoi nan un naitian. Man man tapia Diosin tsain yoimisifo Jerusalén anoshon fusti ato rututirofo.”

Hebreos 2:1

Ascacun nan tsain icocoin shara Diospan Furunhuunoa non nicamisi cuscan noco nomuran non nanucoinfafainon cachiquiri huashquima.

Mateo 21:11

Ascaifoan nan Jesús fu foafoan yoinifo, —Nanfin Jesusquin. Diosin tsain yoimisi. Nanrifi pushurasi Nazaret nan Galilea anoaquin, —ishon yoinifo.