Hechos 26:2 - Sharanahua: Diospan Tsain

² —Niaifo Agripa un unimai uhuunoa un mia yoitiro. Uhuun caifo nan Israelifoan ua chaca huafo cuscan un natian mia yoitiro uhuunoa yoiafo cuscan min icoinra huanonma.

Hechos 26:2 Referans Kwoze

Lucas 12:11

Ascano ichananti pushu muran mato iyocashon niaifofoan ahuun ointaifi raquirira mato huafiaifoan shinanchacayamacahuun.

Hechos 26:1

Ascatan niaifo Agripan Pablo yoini, —Min noco yoipaiyai cuscan noco yoihuu, —huaiton. Ascano Pablonun mushainacahuan ato yoini ahuunoa shinanchacanonfoma.

Hechos 26:3

Min uhuun caifo imisi cuscan nocon shunifoan noco yonopaoni cuscan nanfo min tapicoian. Ascan niaifoan funaquima ua nicasharapun un mia yoinon.

Hechos 26:7

Uhuun yorafo nan shoco doce maniafo shafatifi yonofafaincani Diosin nocon shunifo yoiyoni cuscan fishcaquin. Uhuun niaifoan, uarifi fuchipaifiaiton, “Na nocofunun chaca huaran,” ishon uhuun caifoan ua chaca huafo.

Mateo 10:19

Ascatan mato achifiafo shinanchacayamacahuun ahuuscashomain man ato cumasharaicai. Ascashon niaifofoan ointaifi mato yocaifoanno nantianri Upa Diosin mato shinanmani man ato cumasharanon.

Lucas 21:12

Ascataima achicashon mato ichananti pushu muran iyoshcani niaifofoan mato yocanon. Ascashon chipo mato cunu muran iquimashcani. Asca huatan niaifo futsafoan ointaifiri afanan mato asca huashcani. Uhuunshofin mato asca huashquicani.

Hechos 25:26

Ascafia ahua chaca huayamacucai un ahuunoa Cesar niaifo cunushotiroma. ¿Nocofunucai ahua chaca huaa non yoitiroma? ¿Ahuuscai non niaifon Cesar ano nichitiromun? Un shinan un asca huacai sharama. Ascan mato ointaifi un na nocofunu iquimani man non nocon niaifo Agripa man nicaiton man yoitiro ahuarafo raquirimain un niaifo Cesar un cunushonicain, —ishon Festopan ato yoini.

Hechos 26:19

Asca huatan, niaifon Agripa, ua nai muranshon yoini cuscan cai un yoitimamisima.

Hechos 26:26

Un mato yoia cuscan niaifo Agripa nicamisi. Ascan un shafacafi afohuunoa yoitiro. Un shinan arifi afohuunoa nicamisi. Man onan. Un mato yoia cuscacai onutirofoma. Nantifiton nicacuanifo.