Hechos 23:12 - Sharanahua: Diospan Tsain

¹² Ascan iyoco futsaino Israelifo ichanancashon yoinifo, —Non Pablo rutuataima non piqui tunufain non ahua ayaima. Non asca huayamaino Diosin noco asca huanonran, —ishon yoinannifo.

Hechos 23:12 Referans Kwoze

Hechos 23:30

Futsa uqui chania Israelifoan ua fuparapaicani Pablo rutushcaquin. Tapishon un miqui nichirisca. A chaca huafori un yonoa miqui focani Pablomain ahua chaca huaquin mia yoinonfo. Nanti uhuun niaifon Félix, —ishon cunushoni.

Hechos 23:21

Ato icoinra huayamahuu. Uhuun coca atoqui iyoyamahuu. Cuarenta nocofunufoan fai cusumunshon cushuafoqui uhuun cocan ato finoainton achishon rutushcaquin. “Non Pablo rutupaiyaichaincai non ahua piyamafain non ahua ayayoima. Non asca huayamaino Upa Diosin noco rutupainonran,” ishon yoiafo. Natian samamashta miqui fucani mia yocai fucaniran, —ishon furonanfacun yoini.

Hechos 23:14

Asca huacatan nocon yorafohuunshon Dios cufimisi niaifofo non Dios fu tsainti pushu cushumisifo ano fonifo chani huai focani, —Non yoia non Pablo rutuataima non piqui tunufain non ahua ayatiroma. Non asca huayamaino Upa Diosin noco asca huanon. Non nantififain anori yoi.

Hechos 25:3

Festo fuparapaiquin yoinifo, —Niaifo Festo, ranushumuafo yonohuun Pablo nuno ihuunon. Noco ashopun, —huanifo. Fai pochininshon Pablo cushupainifo rutushquin. Rutupaicaquin niaifo fuparapainifo.

Mateo 26:4

Ascashu ichanancashon shinannifo, —¿Ahuuscashomain non Jesús achinoanti rutushquin? —ishon ahuara chanishtahuunshon rutupaicaquin.

Gálatas 3:13

Ascan Moisés noco cunushoni cuscan non ayamaiton Upa Diosin noco onaintimashquiran ishon cunufiani nococairocon finonmacufoantan Furun onaintimani. Nocohuunoashu omitsiscani. Diospan tsain cununi isca huaquin, —Ratoran futsa ihuiqui mastaifo nanrifi Upa Diosin onaintimai omitsiscanon, —ishon cununi. Ascan non chaca huamisiano Cristo nocohuunoashu ihui coyan iquinanqui nani. Noco nashoyamanicun non omitsiscapacuana.

1 Corintios 16:22

Tsoan nocon Ifo noiyamashon afin shinantiro, —Ufin un apaiyai cuscan un aicai. Ua Diosin amapaiyai cuscan nanscanonquin, —ishon shinantirofo. Nanscarafo Diosin ato onaintimapainon. Omitsiscapanacafo muran potashquin. Ifo Jesús nocoqui ohuu.

Mateo 27:25

Nantififain cumanifo, —Nanscanon. A nai nocohuun nuunonquin. Nocon facufohuunri nuunon, —ishon yoinifo.

Mateo 26:74

Afanan ato yoini, —Uncai mato paratiroma. Diosin ua oin. Un chanicun Diosin ua chii uru muran potatiro. Nantonfin tapiaquin un mato icocoin yoiaiton. Ascan uncai na nocofunu Jesús oinmisimaran, —ishon Pedronun afanan ato yoini. Ascaino samamashta tacara cuoni.

Josué 7:15

Ascano nan rato nocofunun a mafo onua fuchishon rutucahuun cooashcaquin. Ua fasi chaca huaquin. Un mato yoiyoa cuscacai ua nicama. Manfin Israelifoquin nan nocofunun mato muranshon aca cuscan fasi chacacoin. Asca a non nantifi ahuun yorafori man ato rutushon cooatiroran, —ishon nocon Ifo Diosin Josué yoini.

Josué 6:26

Ascatan nan Jericó mai cuyonitian Josué ato yoini isca huaquin, —Nan ratoran nocofunun afanan Jericó ano pushu rasi huapaiyaiton nocon Ifo Diosin nan onaintimapainon naanon. Nan afanan futsan nuno Jericó mai ano pushu rasi huapaiquin pushu quishi nichiaitian ahuun facu iyoa naashquin. Nan ahuun cunu caincaiti huaitian ahuun facu chipocu naashquinran, —ishon Josué yoini.

Josué 7:1

Ascatan Israelifoan yoinifo Jericó murannoa ahuara sharamishti Diosina fusti itiro. Ascafia nan mani futsa Judá ahuun yora Acán chaca huani. Acán apa Carmi ahuun shota Zabdi ahuun shota apa Zara. —Nocon Ifo Diosin non nantifi cuno sharafo non inain ahuuna inon, —ishon Israelifoan yoifianifo Acán nan ahuara futsa fini. Ascano nocon Ifo Diosin Israelifoqui fasi sinani.

Génesis 37:18

Caiton chaicunoa iyoa rananun fuchinifo. —Non rutunon oiquin, —icashu yoinannifo.

Hechos 9:23

Ascano shafa rananun ichananshon Israelifoan shinanpainifo ahuuscashomain Saulo rutumatirofoquin.

Hechos 9:24

Ascano futsan Saulo yoini, —Mia rutupaicaniran —ishon tapimani. Yonoafono shafatishon yafi yamutishon cushushinifo Saulo oaiton rutushcaquin. Pushurasi aton caincaiti anoshon cushunifo.

Hechos 23:13

Cuarenta nocofunufoan anori yoinifo.

2 Corintios 11:26

Un cahuancacainaichain manifoti Jesushuunoa yoishquin nan unu coshicoiain fasi musucoin muran icain ua yomutsofoan achicashon ua musuni tapifain uhuun caifoncoinchi ua musuni tapifain nanscarifi aquin uhuun caifomafoan ua musuni tapifain. Pushurasifo anoafoanri ua musuni tapifain tsoan istaipama anoafoanri ua musuni tapifain unuhuan musuni muran futsafoan yoiquin isca huafo, —Norifi non Jesús Ifo huaran, —ifiacashon parafo. Nanfoanri ua musuni tapifain.