Hechos 23:11 - Sharanahua: Diospan Tsain

¹¹ Nan yamutan nocon Ifo Jesús Pabloqui noconi. —Pablon shinanchacayamahuu. Jerusalén anoafo min ato uhuunoa yoimisi cuscan huafain Roma anoafori nanscarifi huaquin yoihuu, —huani.

Hechos 23:11 Referans Kwoze

Hechos 19:21

Ascatan Diosin ahuun Yoshin Sharapan Pablo shinanmanaino yoini, —Un natian Efeso anoashu Jerusalén ano cai. Caquin un Macedonia yafi Acaya ano un mapufainicai. Jerusalén ano nituyoshquin un anoashu un chipo Roma ano cairan, —ishon shinanni.

Hechos 18:9

Ascano yamu futsan Pablo ahuun namapan nocon Ifo Jesús yoini, —Ratuquima uhuun tsain ato yoifoanfafaincahuun. Shatuquima. Un mifu icaquin. Tsoan mia ahuusca huanonma. Nuno nan pushurasi ano uhuun yorafo ichaparan, —ishon yoini.

2 Timoteo 4:17

Asca huafiaifoanno nocon Ifo ufu ica. Ahuun curush ua inan un fasi chai ahuun tsain shara uhuun caifoma un yoiaiton cayacaficoin nicasharanonfo. Ascashon nocon Ifoan ua numani masharofo muran ua potanonfoma.

Mateo 14:27

—Unqui. Ratuyamacahuun, —ishon Jesús noco yoini.

Filipenses 1:13

Ascano nantifi ranushumuafo futan nunoa yorafoanri man tapiafo un Cristohuunoa yoiaiton ua cunu muran iquimanifo. Un ahua chaca huayamafiaiton.

Mateo 9:2

Asca caini pushu muran iquicun rafu non rafuri nocofunufoan aton caifo isinincai afi raqui caiyamacai afiri ahua huatiroma Jesús shinanmaqui shuhua naratashon ihuunifo a cayahuamanon. Ascaiton Jesús oian nan nocofunu isinincaiton ahuun yorafoan fasi icoinra huaifoan oinquin isinincai yoiqui isca huani, —Uhuun yorashta, ratuyamahuu. Natian mun mia chaca soashona, —huaiton.

Hechos 20:22

Ascano natian Diospan Yoshin Shara ua yonoa cuscan un Jerusalén ano cai. Anoashumain un ahuuscai caicain uncai tapiama.

Hechos 2:25

Nocon shuni David niaifoan Jesushuunoa yoini isca, “Mun tapian uhuun Ifo ufu ipanaca. Ua potapacunacama. Ua cushui. Ascan tsoancai ua ahuasca huatiroma ua ratupaiquin.

Juan 16:33

Un mato yoiafo uhuunshon maton ointi man unimamafain man isharanon. Nuno icoinra huafoma murannoashu omitsiscafiacaquin shinanchacayamacahuun. Un Satanás yafi icoinra huafomati finoncoianquin. Ascan un mato cushuicai, —ishon Jesús noco yoini.

Juan 14:18

Uncai matomaqui iquima. Un mato potacoinma. Un matoqui afanan nasoshquin.

Mateo 28:20

Ascashon nantifi un mato yonoa cuscan huafain yorafori yosicahuun icoinra huafain ua nicasharanonfo. Unfin matofu iquicai. Ascashu nan un afanan oaitian un mato furi ipanacaran, —ishon noco Jesús yoini. Nanti.

Hechos 22:15

Min oian cuscan huafain min nicai cuscari yorafoti min ato yoishquin.

1 Corintios 9:1

Dios fustifin uhuun Ifoquin. Nan ua yonopaiyai cuscan un atiro. Tsoanricai aton shinanpan ua yonotiroma. Jesús ua catonni un afu rafumisi inon. Nocon Ifo Jesús oincoinfain nan ua yonoa cuscan un mato yoimisi man Jesucristo icoinra huanon. Ascacun nocon Ifo yonoshonahuunshon man icoinra huaa.