Hechos 21:14 - Sharanahua: Diospan Tsain

¹⁴ Noco nicayamaitocai non afanan ahua yoitiroma. —Nocon Ifoan mia amapaiyai cuscan min huatiroran, —ishon non yoini.

Hechos 21:14 Referans Kwoze

Lucas 22:42

—Upan, min ahuara futsa yorafo numashqui atiromamainquin nan min apaiyai cuscan huahuu. Unfi mun itisharaquin atohuunoashu omitsiscacai naashquin, —Apa huaino.

Mateo 26:42

Ato asca huatan afanan apa Dios cuficaicani. Cashon apa yoini, —Upa, min ahuara futsa yorafo numashqui atiromamainquin nan min apaiyai cuscan huahuu. Unfi man itisharaqui atohuunoashu omitsiscacaini naashqui, —ishon Jesús apa cufini.

Mateo 26:39

Ato asca huatan chaimashta caashu fuopacucahuan Apa Dios cufini, —Upa un omitsiscai cuscan mian numatiromainquin ua numahuu. Ascafiashon un apaiyai cuscan huaquima nan min apaiyai cuscan fusti ua huahuu, —huani.

Mateo 6:10

Min apaiyai cuscan min ica nai muranshon samamashta arisca huamisifo. Nanscarifi nuno manifoti anaoafoan huanonfo cuscan nanscacoinrifi nuno mai ano anonfo. Manifotiton aton niaifo iishquin mia ifoannonfo.

Lucas 11:2

—Isca huacahuun, —ishon Jesús ato yosini, “Nocon Upan nai murannoaton min fasi sharacoin. Manifotiton aton niaifo iishquin mia ifoannonfo.

1 Samuel 3:18

Nannori Elí huaiton nicaquin nan nocon Ifo Diosin yoia cuscan Samuel nantifi Elí tapimani. Ahuashtacai fomannima. Nan yoiaiton nicaquin Elí yoini isca huaquin, —Naanfin nocon Ifoquin. Nan shinan cuscafin sharaquin. Nantofin nan apaiyai cuscan huatiroquin, —ishon Elí Samuel yoini.

Génesis 43:14

Nocon Upa Diosin ahuamamishti huatiro. Nanton nan nocofunu ahuun ointaifin matohuun ramapaiquin mato yora futsa non mato ushtori afanan matoya nichinon man afanan uqui nasosharanon. Ascafia afanan nan niaifoan uhuun facu umaqui pashcaiton uncai ahuusca huatiromaran, —ishon Jacob ahuun facufo yoini.