Hechos 20:18 - Sharanahua: Diospan Tsain

¹⁸ Nocoafoan Pablonun ato yoini isca huaquin, —Un mato muran nocoi tauashu un cani cuscan man man uhuunoa tapian.

Hechos 20:18 Referans Kwoze

Hechos 19:1

Ascatan Apolos Corinto ano iyoashu Pablo machi fai tapiaton cai afanan Efeso ano noconi. Nocoshon Jesús tanamisifo fuchini.

Hechos 18:19

Efeso ano nococatan Priscila yafi Aquila shasho naqui nichifaini cai Israelifoan aton ichananti pushu muran Pablo iquini ahuun caifo fu yoinanshquin.

Hechos 19:10

Fari rafutan nan pushu muranshon ato Jesushuunoa tapimani. Ascano Israelifo futan yora futsafoan Asia mai ano icafoan nocon Ifo Jesús tsain nicanifo.

2 Timoteo 3:10

Ascafia Timoteon min tapia uncai ato cuscarama. Un imisi cuscari man mian tapicoian. Un futsafo tapimana cuscan min nicamisi. Ascashon man min tapia nocon Ifo Jesús ua amapaiyai cuscan nan fusti un apaiyaiton. Min oinmisiri urifi un Jesús icoinra huacoinshon futsafoan amaquiri shinanchacafiainocai atohuunshon un shinanchacatamarocon un futsafohuun noicoinquin. Ahuara ahuuscarafiaino un tunumisi.

2 Corintios 1:12

Man non tapia manifoti iconcoin yoimisishaquin nocon nomuran non unimacoinni. Non mato murannoashu isharacoinmisi. Non Dioshuunoashu a cuscara sharacoin non imisi. Noncai mato paramisima. Icon fusti non mato yoimisi. Icoinra huamafoan shinanmisi cuscacai non mato ismamisima. Upa Diosin noco shinanmashara cuscan huafain non mato oinmana.

Hechos 20:4

Futsafo afu fonifo. Aton anufo futsan Sópater Berea anoa apa Pirro caino futsanfori Aristarco yafi Segundo Tesalónica anoafo foaino Gayo Derbe anoa caino rafunon fustiri Timoteo non Tíquico non Trófimo Asia anoashu afu fonifo.

Hechos 20:16

—Non Efeso ano rutiatiroma. Non Jerusalén ano nocoriscapai fusititian ahuun anu Pentecostés icaitian non nocopai. Asca Asia ano non Efeso anori non rutiatiromaran, —ishon Pablonun ato yoini.