Hechos 2:23 - Sharanahua: Diospan Tsain

²³ Ascafia Upa Diosin inon pacoai cuscan shinanni cuscan mato ahuun Furun inanni man rutunon. Manfin nocofunu chacafo futan ihui coyan iquinanqui mastaitaqui nanon.

Hechos 2:23 Referans Kwoze

Lucas 22:22

Ascan Upa Diosin tsain inon pacoai uhuunoa cununi cuscacoinfin un naicain. Ascafia nan nocofunun ua ato achimanai cainyamanifin shara icuanaquin, —ishon Jesús ato yoini.

Hechos 4:28

“Uhuun facun nantifi yorafo omitsiscashoshquin ato nashonon,” ishon min shinanni. Min ahuamamishti huatiro. Ascan min shinanyoni cuscan huaitafo.

Hechos 3:18

Man aca cuscan tapiamafiaquin Upa Diosin nocon shunifo nan ahuun tsain yoishomisifoan inon pacoai yoiquin isca huanifo, “Cristo Diospan Furun omitsiscairan,” ishon inonpacoai cuscan yoinifo.

Génesis 50:20

Man ua chaca huapaini. Man ua chaca huahuunshon Diosin ua shara hua un yora ichapa numanon.

1 Pedro 1:20

Upa Diosin mai oni huataima Furun Jesús catonni noco Numamisi inon. Ascafia futsafoancai tapiyopaonima natiantan Diosin mato tapimana.

Hechos 13:27

Diosin tsain inonpacoai yoimisifoan cununifo isca huaquin, “Nocon numamisi rutushcaniran,” ishon cununifo. Tunutitiansin na cunu noco yoifafaini. Ascafiacai nocon Numamisi nocoano Jerusalén anoa icafo futan nocon niaifofoanri a onannifoma. Ascan Diosin tsain inonpacoai yoimisifo cununifo cuscan nanscacoin huaquin. Nocon Numamisi Jesús rutunifo.

Mateo 26:24

Ascan Upa Diosin tsain inon pacoai uhuunoa cununi cuscacoinfin un naicain. Ascafia nan nocofunun ua ato achimanai cainyamanifin shara icuanaquin, —ishon Jesús noco yoiaiton.

Romanos 4:17

Nannori Diosin tsain cunushoni isca huaquin, —Manifoti min aton upa cuscara. Un mia imashquinran, —ishon Upa Diosin Abraham yoiyoni. Abraham tau huaquin Upa Dios icoinra huani. Ascan norifi non chipo icoinra huaashu nocon upa cuscara itiroquin. Upa Diosin noco oin non Abraham ahuun facufo cuscaracun. Diosin yora nacun funimatiro ninon. Icataima rufofo Upa Diosin yoiqui tau huani.

Hechos 5:30

Manfin Jesús ihui coyan iquinanqui mastaitaquin rutushquin. Man asca huafia nocon shunifoan aton Diosin Jesús funimaita.

Daniel 4:35

Nantofin nantifi yorafo finoncoianquin. Nan manifoticai ahuuna ahuama. Nantifi nai murannoafo a fu icafo non mai ano icafori Ifo Diosin ato amapaiyai cuscan atiroquin. Nanto apaiyai cuscancai tsoan ahua shatumatiroma. Tsoancai yoitiroma isca huaquin, “¿Ahuuscai min asca huaimun?” ishoncai tsoan yoitiroma.

Apocalipsis 13:8

Ascan nanfoan nantififain nan yoina pofu cuscara noishcani. Ascashon yoiquin isca huashcani, —Minfin nocon Diosiquin, —huashquicani. Ascaifoancai nocon Ifo Jesús aton anu ahuun libro muran cunuima afu nipanonfo. Mai oni huataima Jesús nantifi icoinra huanonpacoaifoan ato anufo ahuun libro muran iquisi cunuyoni afu ipanonfo. Ascashu nan chashoanun facu cuscarashu noco nashoni noco nimapacushquin.

Judas 1:4

Futsafoan mato muran nocoi tau cashon man tapicuma mato fomanfo chaca huamisifiacashon. Ascashu nanfocai Diospan yorama. A furicai imisifoma non chaca huamisi cuscan non yoiaiton Upa Diosin Furunhuunshon noco soashona non afu ipanon. Nan fusti non yopai isharashquin. Ascafia nanfoan fasi amaquiri chacacoin mato tapimapaicani. Isca huaquin mato yoipai, —Man Jesús icoinra huashon man apaiyai cuscan man atiroqui. Maton ahuinma fu icain ainfofori aton funuma fu itirofo. Ascashon ahuara chaca futsafo man huapaiyai cuscan man atiro. Non asca huaitocai Dios noco onaintimaimaran, —ishon fasi amaquiri mato yosipaicani. Nocon Ifo Jesucristo fusti nicacasmacani. Nan cuscarafohuunoa Diospan tsain cunuyoni. Ato onaintimaicoinshquin.

Hechos 15:18

Diosin ahuamamishti tapian. Icataima inonpacoai cuscan yoiyoniran,” ishon cununi.

Lucas 24:20

Ascafiaiton nocon yorafohuunshon Dios cufimisi niaifofo non nocon niaifofoan achicashon mastaitafo.

Lucas 22:37

Ascacun uhuunoa cununifo isca huaquin, “Arifi yoicaquin ‘man chaca huamisiran,’ huashquicani,” ishon uhuunoa cununi. Uhuunoa icon yoiamafiaquin nan icocoin yoi cafisca huaafo. Ascano uquin cununi cuscan samamashtacoin aiquin, —ishon ato yoiaiton.

Hechos 7:52

Maton shunifoan nantifi Diosihuunshon inon pacoai yoimisifo man ato omitsiscamapaoni. Inonpacoai yoimisi futsafoan yoinifo, “Nocon Numamisi isharamisi nocoqui oshquiquin,” ishon yoipaonnifo. Nanfoanri nocon shunifo man rutunifo. Man yoinifo cuscan nocon Numamisi shara nocofiacun nanrifi man rutuafo.

Juan 19:24

—Fashnuyamacahuun. Nanscara muma shara non finon. Non aya cashutihuun aqui numero nuupacua potashon futsa shuhuianton ahuun sahuuti ashcapari chichia fitiroran, —icashu yoinannifo. Nannori Diosin tsain Jesushuunoa inonpacoai cuscan aqui cunuyoni isca huani, “Uhuun sahuutifo aya cashutihuun aqui numero nuupacua potashon futsa shuhuianton uhuun sahuuti finonran,” ishon inon pacoai cununi. Ascano ranushumuafoan nanscacoin huaquin.

1 Pedro 2:8

Afanan Diosin tsain yoini cuscan huafain un maton yoi isca huaquin, “Toquiri uhuapa fai namancaia racafiano oinsharatamacai otisicaini non pacutiro. Nanscarifi aqui tsoan nocon Ifo Jesús icoinra huacoianshma pacui cafiscashu funotiro Upa Dios icari nocopaifiai omitsiscapanacafo muran focaniran,” ishon Diospan yoini. Diosin yonofiani Cristohuunoa nicacasmafain yoitimashu funopacunacafo. Nannori Diospan tsain yoiyoni.

Mateo 20:19

Ascashon caifo futsafori ua inancani nanfoan ua cashu mutsama huafain fichi cunoqui tuchiaton ua coshacani. Ascatan ihui coyan iquinanqui ua mastacani un nanon. Ua asca huafiafo osha rafu non fustitan Upa Diosin afanan ua funimairan, —ishon noco yoini.

Mateo 27:35

Asca huatan Jesús iyocashon mastanifo. Mastacatan ahuun sahuuti fianpacunifo. Toquiri tocoro rafuya cashuqui nan finonmanaton ahuun sahuuti fiqui tau huani. Ascashon cuyonfianifo.

Marcos 15:24

Ascatan Jesús ihui coyan iquinanqui mastanifo. Mastacatan ahuun sahuuti fianshcaquin. Toquiri tocoro rafu ya cashuqui potapacunifo. Nan finonmanaton ahuun sahuuti fiqui tau huani. Asca huapatan cuyonfianifo.

Lucas 23:33

Ascatan anoshon mastaifoanno noconifo. Nanno ahuun anu mapo shao ini. Nannoshon Jesús mastanifo. Ascashon nocofunu chaca rafuri ocuma futsa futsafain ocuma futsari futsa mastanifo.

Juan 19:18

Jesús yomutso rafu yafi mastanifo. Yomutso rafutan naquihuano Jesús mastanifo.

Hechos 2:36

Ascacufin nantifi Israeli anoafoan maton nomuran tapisharacahuun. Jesús man ihui coyan iquinanqui mastaitafo Diosin yonoa nocon Ifo Cristo inon. Nan Apan catonni, —ishon Pedro yoini.

Hechos 5:28

—Non mato cayacafi yoita Jesushuunoa man yosinonma. Ascafia man Jerusalén anoafo atoti man yoiacufaina. Man ato shinanmapai nonmain na nocofunu Jesús rutumaitaquin. Noco rafancaniran, —huaifoan.

Romanos 2:12

Nantifiton chaca huamisicun ato onaintimashqui. Uhuun caifo Israelifoanma atirifiton Upa Diosin tsainquin cununifo cuscan oinyamafiamisishaquin ahuara shara aton nomuran tapiafo. Tapifiacashon shara huamisifoma. Chaca huafiacatan aton nomuran shinanquin isca huamisifo, —Un chaca huaran, —iyamarai, —Uncai chaca huamaran, —ishon shinancani. Ascacun chaca huaifoan ato onaintimashqui. Ascashu omitsiscapanacafo muran foshcani. Ascan uhuun caifo Israelifoan Upa Diosin yononi cuscan noco cunushoni cuscan non aya. Tsoan man tapifiashon chaca huaiton nan yononi cuscan huaquin ato onaintimaicain nan omitsiscapanacafo muran foshcani. Diosin tsain cununi cuscan nicafiashucai ascacoianfoma ato imasharanon. Ascano Diosin yononi cuscain ato yoishquin, —Min shararan, —ishon ato yoishquin.

1 Tesalonicenses 2:15

Ascashon nocon Ifo Jesús rutufain ahuun tsain yoimisifori rutunifo. Ascano nocorifi atomaquishon potanifo. Noco asca huaifoan oincai Upa Diosin atoqui unimaima. Nantifi yorafo chaca huapaicani. Nocori shatumapaicani non nocon caifoma Jesushuunoa yoinonma ato numapaiquin Dios fu ipanonfo. Ascashocai Dios chaca huaquin unumisifoma. Ascaifoan oinquin Diosin afanan tunuyamacaiquin ato fasi onaintimai.