Hechos 2:17 - Sharanahua: Diospan Tsain

¹⁷ Upa Diosin noco yoi isca huaquin, “Uhuun facu oti chaima un manifoti anoafo uhuun Yoshin Shara atoqui nichishquin. Ahuunshon maton facufo nocofunufo non ainfofori inonpacoai yoishcaquin. Maton pushcoaifo namapan cuscara un ato ahuarafo ismai. Maton anifofoanri uhuunshon aton namapan cuscara ahuarafo shara oinshcani.

Hechos 2:17 Referans Kwoze

Hechos 10:45

Ascano anori tsain nicayamafiamisishacaquin Diosin Yoshin Sharahuunoashu tsain futsanman iqui futsunifo. Ascaifoan nicacani Israelifoan nan icoinra huafo nanno mustairinifo. —¡Aira! Nan yorafo nocon caifomafiashu Upa Diosin ahuun Yoshin Shara atoti nanumanaran, —ishon yoinifo. Ascano Pedron ato yoini.

Hebreos 1:2

Asca huapaonifiashu natian noco yoipaiyai cuscan Furunhuunshon noco yoia. Furunhuunshon nantifi nai murannoafo yafi mai anoafori onihuani. Furun catonni nantifi nai murannoafo yafi mai anoafoti ahuuna inon.

1 Corintios 12:28

Ascan nantifi nan Jesús icoinra huafoti Upan Diosin noco catonni ahuunshon ahuara futsa futsa huaquin non ashonon. Cristo nuno mai ano niyoatian futsafo catonni afu rafunonfo. Ascashori ato nichini ahuun tsain ato yosifoanfafainonfo. Cristo afu rafumisifo catonquin tau huani. Ascashon chipo Diosin tsain yoimisifo catonfain Diosin tsain tapimamisifo catonfain tsoan oinyomisima cuscara ahuunshon atirofo catonfain Jesushuunshon isinincaifori cayahuamafain futsafo ashofafainmisifo catonfain futsafo yonosharamatirofori catonfain futsafoan nan tsain futsaman ahuun Yoshin Sharahuunshon yoitirofo nanfori Diosin ato catonni. Nantifi catoan ahuunshon yorafo ashonsharanonfo.

Lucas 3:6

Nan Diosin catoan nocon Numamisi oaiton nantifiton oinshquicaniran,” ishon Isaías cununi.

Hechos 21:9

Ahuun facu shomaya rafu non rafuri Diospan Yoshin Sharahuunshon ahuun tsain yoipaonifo. Nanfo funuomafo ini.

2 Pedro 3:3

Iquisi un mato tapimapai Jesús man oti chaimacoin. Nantianri atirifi yorafoan chaca huapaiyaifo cuscan fusti huashquicani. Nanscarafofin matoqui cashu mutsamatirofoquin.

1 Corintios 12:10

Futsanri Diospan Yoshin Shara fustihuunshon tsoan atiroma cuscan atiro. Futsanri Diospan Yoshin Shara fustihuunshon nan Diosin yoiai cuscan noco yoiaino. Futsanri Diospan Yoshin Shara fustihuunshon tapitiro futsamain noco Diospan Yoshin Sharahuunshon yoiyamaraquimain yoshin chacahuunshon noco yoicain. Futsanri Diospan Yoshin Sharahuunshon nan tsain futsanman yoifain nan tsain futsaman yoiai cuscan huafain futsan nicayoyamafiamisishaqui Diospan Yoshin Sharahuunshon nan tsain yoia cuscari noco tapimatiro.

Romanos 5:5

Upa Diosin ahuun Yoshin Shara nocoqui nichini. Ahuunshon non tapitiro noco fasi noicoin. Nan tapishocai non shinanchacatiroma. Noncai iscatiroma, —¡Ohuashta! Un ipaitsi Jesushuunoashu un omitsisca. Ua yoiyoni cuscan ua ashoshquimaran, —ishoncai non anori shinantiroma.

Juan 17:2

Mian yonoa un atoti yonopacunon. Mian inanti un ato nimapacunon.

Génesis 49:1

Nantian Jacob ahuun facufo cunani ato yoishquin, —Uqui fucahuun. Ua cutsaomui fucahuun un mato yoinon ahuuscamain man aicai.

Santiago 5:3

Maton puiri afanan ahuushta ahuun nuima. Man maton pui ichapacoin mucua oinquin futsan yoitiro, —Mifin min yoashicoin. Mina fusti min shinain. Ascashocai man futsafohuun ramapaimisima. Ascacun Diosin mato onaintimashqui. Maton ointi ihuucoin mui. Man ahuuscamapaishquin. Man fasi ratucoin nan tapiashu chipo man omitsiscashquiran, —ishon ato yoi. Nanfin ahuun unutaniquin.

Daniel 10:14

Ascan natian un miqui nocoa ahuarafo ishquiai cuscan mia tapimashquin. Min namapan oiain cuscan chipo ishquiran, —ishon ua yoini.

Génesis 6:12

Ascano Diosin oinni nantifi yorafoan fasi chaca fustisi shinanfafainaifoan. Ascan nan acaifo cuscan fasi chacacoin ini. Nanscara chacafo oinqui Diosin Noé yoini isca huaquin, —Un shinain cuscan un nantifi yorafo cuyoi. Nanfohuunoashu nantifi yorafo fasi sutumitsamisifo non rutumitsamisifori ichapacoin maitio ano. Ascacufin un ato nantifi cuyofain nan maitiori un ununhuanun fuposhquin.

Hechos 11:28

Ascan icoinra huafo ichanancanashu ato nicapai futsan ahuun anu Agabo Diospan Yoshin Sharahuunshon ato yoini isca huaquin, —Nantifi maitio Romanofoan ato yonoafo tushu cuyoiran, —ishon ato yoini. Icon nan Romano Claudio niaifotian tushu cuyocoinni.

Hechos 2:16

Non pauntamarocon man oiain cuscan nocon shuni Joel inonpacoai cuscan yoiniquin. Diosinhuushon isca huaquin yoini,

Hechos 2:18

Ua yonoshonafori nocofunufo yafi ainfofo uhuun Yoshin Shara un nantianri atoqui nichishquin inonpacoaifoanri uhuun tsain yoishcani.

Hechos 2:33

Natian Apa Dios fu niaifocoin nantifi iquina. Apa yoiyotiani cuscan Jesús ahuun Yoshin Shara nocoqui nichian. Ascacufin natian man oian cuscan huafain man nica cuscan Diospan Yoshin Sharapan aca.

Hechos 11:27

Ascaino nantianri Diosin tsain inon pacoai cuscan yoimisifo Jerusalén anoashu Antioquía ano funifo.