Hechos 19:18 - Sharanahua: Diospan Tsain

¹⁸ Ascashon Jesús icoinra huafoan aton ointaifi chaca huafo cuscan yoinifo.

Hechos 19:18 Referans Kwoze

Romanos 10:10

Ascan maton nomuranshon man icoinra huacun Upa Diosin maton chaca soashotiro man isharanon. Man futsafo, —Jesucristo uhuun Iforan —ishon yoiaiton mato imapacunaca.

Mateo 3:6

Ascashon aton chaca shatupaicaquin yoiaifoan Juanpan unu Jordán muran ato iquimapacuni afanan ipaoni cuscan huatama ismanonfo.

Salmos 32:5

Upa Diosin ipaitama un chaca hua cuscan mun mia yoia. Uncai afanan mia fomainma. Mun yoia isca huaquin, —Natian un chaca hua cuscan uhuun Ifo un yoiquin, —ishon un yoiaiton min uhuun chaca ua soashona. Minfin ua rau huaquin afanancai uhuun chacahuunoa min shinainma. Urifi uncai afanan uhuun chacahuunoa shinainma. Uhuuncai afanan chaca nuama.

1 Juan 1:9

Ascatamarocon nocon chaca non yoiaiton Upa Diosin yoini cuscan noco rau huatiro. Non chaca huamisi cuscan afanan Upa Diosin shinantiroma Furumun noco nashoni nocon chaca soashoshquin. Upa Diosin sharacoinshon noco yoini cuscan nanscacoin huai. Nantifi nocon chaca noco soashotiro non chaca huamisima cuscara non inon.

Hechos 19:17

Atohuunoa Efeso anoafo Israelifo non yora futsafori nicacani ratui futsunifo. —Nocon Ifon Jesús fasi shararan, —huanifo.

Hechos 19:19

Yofufoan aton yofu shatushon Jesús ifoannifo. Aton libro murannoa cununifo cunufo ahuuscashomain yoshin chacanun yonotiroquin cunupaoni. Ascan nan cunufo ichanan huacashon aton ointaifi coanifo. Shinanniquin nan cunufo nantifi fasi chicoin. Cincuenta mil aton pui nuua ini. Ascafiacun coanifo.

Santiago 5:16

Ascacun man chaca huaa cuscan yoinonancahuun Upa Diosin maton chaca soashonon mato caya huanon. Ratoran futsan Jesushuunoashu isharashon nanton mato Upa Dios cufishonaiton nicasharashquin nan cufiai cuscan ahuamamishti huashotiro.