Hechos 17:22 - Sharanahua: Diospan Tsain

²² Ascaifoanno nan ichananmisifo ahuun anu Areópago anoashu Pablonun aton ointaifi ninacahuan ato yoini. —Atenasfoan ua nicacahuun un mato yoinon. Mun oian manfin Diosihuunoa fasi tapipaimisifoquin.

Hechos 17:22 Referans Kwoze

Hechos 25:19

Ascatamarocon atofu Diosihuunoa fochismanantanancani yoifain nocofunun Jesushuunoari ua yoiafo. “Nan Jesús naafiashu man funini,” Pablonun yoia.

Hechos 19:35

Ascaifoan niaifo futsan ato, —Tsainyamacahuun, —mushanshoquin huani. Ascaino pusinifoma. —Efeso nocofunufoan ua nicacahuun. Nantifi manifoti anoafoan tapicani nonfin Efesofoquin. Non Artemisa pushu cushushomisi. Ahuun rami huati nai murannoashu pacuaran inifo. Nanrifi non cushushomisiquin.

Hechos 17:16

Nannoshon ato manaquin oian Atenas anoafoan ahuarafo fasi ichaparasi rami huacashon, —Nocon diosiran, —huaifoan. Oinquin ahuun ointi fucash huariapaoni, —¡Ohua! Ahuuscaquin Diosicoinmafo icoinra huacanimun, —ishon ahuun nomuran shinanni.

Hechos 17:15

A fu focani Atenas ano iyonifo. Nannoashu afanan nasofainifo. Pablonun ato cunu inanno Silas yafi Timoteo inanonfo, —Uqui furiscacahuun, —ishon ato cunushoni.

Hechos 17:19

Yoifiacashon Areópago ano Pablo iyonifo. Nanno ichananmisifo ahuarafo futsahuunoa nicamisifo. —Min noco tapimapaiyai cuscan tsoa nicamisima. Non tapipaicain. Min yoiai cuscan funacoin. Tsoacai anori nicayomisima. Ascan afanan noco yoihuu nonri tapinon, —ishon yoinifo.

Hechos 17:34

Nocofunu fustirasiton Jesús icoinra huacashon Pablo tanacoinnifo. Futsan ahuun anu Dionicio. Nan Areópago ano atofu ichananmisi ato yoi. Ainfo futsa ahuun anu Dámaris. Futsafoanri icoinra huanifo.