Hechos 17:16 - Sharanahua: Diospan Tsain

¹⁶ Nannoshon ato manaquin oian Atenas anoafoan ahuarafo fasi ichaparasi rami huacashon, —Nocon diosiran, —huaifoan. Oinquin ahuun ointi fucash huariapaoni, —¡Ohua! Ahuuscaquin Diosicoinmafo icoinra huacanimun, —ishon ahuun nomuran shinanni.

Hechos 17:16 Referans Kwoze

2 Pedro 2:7

Ascan nan Sodoma yafi Gomorra coataima nan nocofunun Lot Diosin yononi cuscan tanacoianshu isharapaoni. Ascan nanno icafoan chaca fustisi shinanpaonifo. Ascaifoan shafatifi Lotpan ato oinni chacanisi tapiaifoan. Ascaifoanno ahuun nomuran fasi fucash mupaoni. Nocofunufoan shafatifi tsain mutsama yoifafainafoaino nicai ahuun nomuran fasi ihuucoin muuni. Ascacun Diosin nan fusti numani chaca huamisifoya nanonma.

Marcos 3:5

Ascatan sinaquin ato oiancutan ahuun nomuran fasi shinain, —¡Ohuashta! ¿Ahuuscashon aton nomuran shinanchacamisifomun? Ua icoinra huacatama, —ishon shinanni. Ascashon a nocofunu musufimua yoini, —Min mucu mushan huahuun, —huaino. Yonoa cuscan mushaniquin. Ascashu ahuun mucu muma sharacoin iriscatani.

Hechos 17:23

Nuno man icano un cahuacacainquin mun oian man cufimisi anoshon man cunuquin isca huaa, “Dios futsa tsoancai onanmisima non cufipairan” ishon man cunua. Mancai nan Dios onanmisima. Ahuunoa natian un mato tapimaicain.

Juan 2:13

Diosin ahuun oinmati afu imisiton nocon shunifoan aton furun iyoafofosi finonmani rutunonma. Faritifi nanfohuunoa shinanpaonifo. Israelifoan noco fusititian. Nan fusiti nocoti chaima Jesús nan pushurasi Jerusalén ano cani.

Hechos 17:15

A fu focani Atenas ano iyonifo. Nannoashu afanan nasofainifo. Pablonun ato cunu inanno Silas yafi Timoteo inanonfo, —Uqui furiscacahuun, —ishon ato cunushoni.

Hechos 17:21

Nantifi nan Atenas ano icafo non yora futsafori ichananmisifo yoinanshquin. Ahuarafo tsoan anori nicayomisima yoipaicani. Atirifiton nicashon atirifi yoinifo. Ahua futsacai huanifoma.

Hechos 18:1

Ascano chipo Pablo Atenas anoashu Corinto ano cani.

Hechos 20:22

Ascano natian Diospan Yoshin Shara ua yonoa cuscan un Jerusalén ano cai. Anoashumain un ahuuscai caicain uncai tapiama.

1 Tesalonicenses 3:1

Un fasi matohuun noi. Mato ari fasi capaifiaquicai un tapinima ahuuscashumain un mato ari catiroquin. Fasi un mato ari capaifiaquicai afanan un tunutiroma matohuunoa tapipai. Ascan un shinan uficoin Atenas ano un nituyoi. Ascashon Timoteo un matoqui nichishquin. Arifi no fu Diospan facu. Ascashon no futan Upa Dios yonoshoquin tsain shara Cristohuunoa yoifoanfafainmisi. Ascacun un Timoteo matoqui nichini mato yoisharanon man Jesús tanasharaquin finacoianshu man omitsiscafiaquin man tunucoinnon.