Hechos 17:10 - Sharanahua: Diospan Tsain

¹⁰ Ascacashon icoinra huaa futsafoan Pablo yafi Silas yamutan ato Beria ano nichinifo. Nococatan nan rafu Israelifoan aton ichananti pushu muran iquinifo.

Hechos 17:10 Referans Kwoze

1 Tesalonicenses 2:2

Man man tapia non matoqui nocoataima Filipos anoafoan noco omitsisca huafain noco roapaonifo. Ascashon noco shatumapaifiaquicai Upa Diosin ahuun curush noco inanno non ranotiroma nan tsain shara Jesushuunoa un mato yoini cuscan noco tsoan shatumanama.

Hechos 17:2

Ahuun fuyamisi cuscan iquishon tunuti rafu non fustitan Pablonun ato Diosin tsain yoini.

Hechos 20:4

Futsafo afu fonifo. Aton anufo futsan Sópater Berea anoa apa Pirro caino futsanfori Aristarco yafi Segundo Tesalónica anoafo foaino Gayo Derbe anoa caino rafunon fustiri Timoteo non Tíquico non Trófimo Asia anoashu afu fonifo.

Hechos 9:25

Asca Saulo caicuranaiton rutupaifiaifoanno fomancayan pochinin tsuhuu anori futanmanhuan muran nanushon yamutan tanamisifoan fotomapacufoannifo.

1 Samuel 20:42

Asca nan rafu fasi shinanonainfoan Jonatán yoini isca huaquin, —Natian min casharatiro. Non nocon Ifo Dioshuunoashu non yoinonan sharapacumisi. Ahuun ointaifi non yoicoian nocon Ifon Diosin min funafo non uhuun funafori ato cushusharapacunaca, —ishon Jonatán David yoini. Ascaino David nannoashu caino Jonatán pushu rasi ano nasoni.

Hechos 1:15

Cufiaifono nanno ciento veinte yorafo atofu ichanannifo. Ichananfono Pedronun ato nastui nishon yoini.

Hechos 9:20

Anoashu ichananti pushu ano nocoshon ato yoini isca huaquin, —Jesús Diospan Furunquin, —ishon ato yoini.

Hechos 15:22

Ascatan Jesús fu rafumisifo doce non Jesús icoinra huafo non cushumisifo non icoinra huaa futsafori ato futan rafu catonnifo Judas ahuun anu futsa Barsabás yafi Silas catonnifo Pablo yafi Bernabé fu Antioquía ano fononfo. Nan rafu icoinra huafoan nicacoinnifo.

Hechos 17:1

Ascatan focani Anfípolis yafi Apolonia mapaifainifo. Tesalónica ano noconifo. Nanno Israelifoan aton ichananti pushu ini.

Hechos 17:4

Nicacaquin atirifi Israelifoan ato futan icoinra huanifo. Griego ichapafo non ainfofoanri nicacoinpainifo afoanri icoinra huanifo.

Hechos 17:6

Ato fuchiyamacaquin Jasón yafi icoinra huaa futsafo achinifo. Achicashon niaifofo ano ato iyonifo. Iyoshon isca huanifo, —Pablo futan Silaspan manifoti anoafo shinanchacamamisifo. Natian nuno nocon mai anori man fuafo.