Hechos 13:27 - Sharanahua: Diospan Tsain

²⁷ Diosin tsain inonpacoai yoimisifoan cununifo isca huaquin, “Nocon numamisi rutushcaniran,” ishon cununifo. Tunutitiansin na cunu noco yoifafaini. Ascafiacai nocon Numamisi nocoano Jerusalén anoa icafo futan nocon niaifofoanri a onannifoma. Ascan Diosin tsain inonpacoai yoimisifo cununifo cuscan nanscacoin huaquin. Nocon Numamisi Jesús rutunifo.

Hechos 13:27 Referans Kwoze

Hechos 3:17

Uhuun yoramishtichin, mun tapia man Jesús onanshoma rutua. Mato niaifofoanricai onanfoma.

Romanos 11:25

Uhuun yoramishtichin, tsain futsanhuunoa man shinanmisima un mato tapimai maton nomuran man shinanon. Nan tapianshu cacapaimisi man inonma. Icon natian uhuun caifo Israelifoan aton ointi curushu Diospan tsain shara Jesushuunoa nicacasmacani. Ascafia uhuun caifomafoan ahuun unutaqui Jesús icoinra huaifoan Upa Diosin ahuun yora imashquin. Nantianricai afanan uhuun caifoan nicacasmamisi ishcanima. Ascano nantifi Israelifoan Jesús icoinra huaifoan Upa Diosin ato numai ahuun yorafo inonfo. Nannori nocon shuni Isaías cununi isca huaquin, “Nocon Numamisi Sión ano icaquin. Afin Israelifo numai oi afanan chaca huanonfoma.

Hechos 15:21

Nanfohuunoa nocon ichananti pushu muranshon tunutitian yoimisifo. Afo ascayamacahuun. Nocon shunifoanri nannori yoimisiforan, —ishon Santiago ato yoini.

Lucas 24:20

Ascafiaiton nocon yorafohuunshon Dios cufimisi niaifofo non nocon niaifofoan achicashon mastaitafo.

2 Corintios 4:4

Nanfofin yoshin chaca Satanás aton ifoshofin ato yonomisiquin. Ascashon aton nomuran fufopomua cuscara ato huamano tsain shara Jesushuunoa tapinonfoma. Jesús ato oinmapai arifi Apa Dios cuscaracoin icoinra huanonfo. Nan tsain fasi shara iconcoinfiacun Satanás ato fusho cuscara huama aton nomuranshonri icoinra huanonfoma.

2 Corintios 3:14

Moisés fufopomuni cuscan uhuun caifofo nanscarafori. Ascashocai Diospan tsain oinsharatirofoma. Cristo fustitofin ato shinanmasharatiroquin afanan fufopomua cuscara inonfoma.

1 Corintios 2:8

Un na tsain mato yoiai cuscacai niaifofoan tapiyopaonima. Ascashon Jesús rutunifo. Tapicashocai tsoan nocon Ifo Jesús Diospan furun sharacoin masta cuanifoma.

Hechos 28:23

Ascatan —Non chipo mifu ichanantiroran, —huanifo. Ascano yora ichaparasi Pablo icano funifo nicacani. Funamanri yoitiashon ato yamu huani. Upa Diosin iquinaino ato yoifain Moisés cununi cuscan yafi Diosin ahuun yoishomisi futsafoanri Jesushuunoa cununifo cuscan ato icoinra huamapaiquin.

Juan 15:21

Man ua tanaiton ua amisifo cuscan matorifi huashcani. Upa Diosin ua nichifianicai tsoan onancoinmisima. Ascan matori asca huashcani.

Juan 16:3

Uhuun Upa onanyamafain uarifi onancoianfoma. Ascacun mato asca huashcani.

Lucas 22:34

Afanan yoini, —Pedro, un mia yoi. Tacara cuoataima min ato yoiquin, “Un Jesús oimisimaran,” ishon min ato yoiqui rafu non fusti huairan, —ishon Jesús yoini.

Mateo 22:29

Jesús ato cumani, —Man man funoa. Mancai Diosin tsain tapiamafain ahuun yonoricai man tapiama. Ascashofin amaquiri man ua yoiiquin.

Génesis 50:20

Man ua chaca huapaini. Man ua chaca huahuunshon Diosin ua shara hua un yora ichapa numanon.

Lucas 23:13

Ascacun Pilato afanan ato cunani. Nocon yorafohuunshon Dios cufimisi niaifofo yafi niaifofo futsafori ichanan huashquin.

Juan 5:39

Man Diosin tsain fasi oinfafainmisishaquin man Dios fu nipatiroran ishon man shinanmisiquin. Anori man shinanfiaquicai Diospan tsain uhuunoa cunufiacashon mancai uqui fupaicanima un mato nimapacunon.