Hechos 13:26 - Sharanahua: Diospan Tsain

²⁶ Uhuun yoramishtichin, manfin Abraham ahuun funafoquin. Uhuun caifomafiashon Dios icoinra huatan marifi ua nicacahuun. Upa Diosin ahuun Furun nichini nocon Numamisi inon. Na tsain shara Jesushuunoa manifoti Upa Diosin yoipai.

Hechos 13:26 Referans Kwoze

Colosenses 1:5

Nan tsain shara iconcoin Jesushuunoa cayacaficoin man man nicamisi. —Jesucristo icoinra huashu Dios icari man afu ipasharatiroran, —ica man man nicamisi. Nan tsain icoinra huashu man futsafohuun noicoinmisi.

Efesios 1:13

Marifi man Israeliyamafiashon Diospan tsain icocoin nicaquin man man Cristo icoinra huaa. Ascacun maton chaca soashona marifi ahuun yorafo man inon. Upa Diosin yoiyotiani cuscan huafain ahuun Yoshin Shara matoqui nichini mato onanti huaacoinshquin man ahuun yorafocun tapishquin.

Romanos 1:16

Nan tsain shara Cristohuunoa Upa Diosin ahuun curushhuunshon icoinra huafoti ato numatiro afu nipanonfo. Uhuun caifo Israelifoan nicaquin tauhuanifo. Natiarifi mani futsafoan nicacani Upa Dios fu nipashcaquin. Ascacufin un ranotama manifoti ahuun tsain shara un ato yoicain.

Lucas 1:77

Diosin fasi nocohuun ramapaiqui nocon Ifohuunshon noco chaca soashona non afu ipashanon,’ ishon noco caifo min ato yoishquin. Nii muran faquishiainocai non oinsharatiroma. Chashamatimaisicai non fai tanasharatiroma nocosharapaiquin. Nanscarifiai nocon Ifo oataimano tsoan Diosin fai tapiataima. Shafaino fari otiro afanan faquish inonma. Nanscarifiai nocon Ifo nai murannoashu oataima nan faquish cuscara. Ascafia nan nocoqui oaitian nan chashamati cuscara shara iishquin. Ascashon Diospan fai noco oinmashquin ahuunoashu non Dios fu rafunon. Nonricai nai afanan ratutiroma. Naashumain non Upa Dios fu ipasharatiro. Non nicuri noco cushusharafain nocon ointi fucash huanonma non isharashquin,” ishon Diosin Yoshin Sharahuunshon Zacarías yoini.

Lucas 1:69

Diosin nocon Numamisi nan ahuamamishti huamisi nocoqui nichian. Noco shunifoan aton niaifo David ipaoni. Nanton ahuun funa nocoqui nichian noco niaifocoin ipashanon.

Hechos 13:46

Asca huafiainfoanno ranotama ato cumanifo, —Non Diosin tsain Jesushuunoa mato yoiqui tauhuai yoi non oa. Ascafiaiton man nicacasmai. Nicacasmashucai man Upa Dios fu ipatiroma. Ascacun non nocon caifoma yoicai.

Hechos 13:43

Ascano nantifi ichananti pushu murannoashu fonifo. Israelifo yafi futsafoanri Upa Diosin tana cuscan afoanrifi tanapaicani atofu fonifo. Pablo yafi Bernabé mufainifo. Ascashon ato yoini, —Nocon yoramishtichin, Diosin mato shara huashoiain cuscan shinancahuun. Unuyamacahuun, —ato huani.

Hechos 10:35

Manifoti ahuun tsain nicapaicani shara huan tananmisifofin Upa Diosin ahuun facufo itirofoquin.

Hechos 4:12

Tsoa futsacai noco numatiroma. Manifotifoan tsoa futsahuunoashucai non ipatiroma. Jesucristo fustitofin nocon chaca soatiroquin non Upa Dios fu nipanon, —ishon Pedron ato yoini.

Mateo 10:6

Ari fotamarocon nocon caifo Israelifo muransi fotacahuun. Nanfofin chashoan funoa cuscarafoquin.

Mateo 3:9

Ascashon maton nomuran shinanquin isca huayamacahuun, “Nonfin Abraham funafo non ahuun caiforiquin. Diosin Abraham yoiyotiani cuscan nocorifi ashotiro. Ascan Diosin noco onaintimashquimaran,” ishon anori shinanyamacahuun. Diosin onihuapaiquifin na unu cusumunnoa toquirifo Abraham ahuun funafo oni huatiroquin.

Hechos 16:17

Nanton Pablo yafi noco mufoquin oi ashcafinin yoifoni, —Nan nocofunufofin nan Diosin nantifi finoanton ahuun oinmatifo. Ahuunscashumain non Dios fu ipatiroquin noco yoi fuaforan, —ishon yoini.

Hechos 3:26

Ascan ahuun Furun Jesús matoqui nichini ahuun oinmati inon. Matoqui nichiqui tau huani mato shara huanon maton chaca man cachiquiri huapanon, —ishon Pedronun ato yoini.

Hechos 28:28

Ascaino marifi Upa Diosin noco numapaiyai cuscan man nicapaiyamaino un caifo futsafo ahuun tsain yoicain. Afoanfin nicacaniquin, —ishon Pablonun ahuun caifo yoini.

Juan 6:68

Pedronun cumani, —Ifon, non rato futsacai non catiroma. Mirus fusti min noco yoitiro ahuuscashumain non nipasharatiroquin.

Hechos 10:2

A non ahuun yorafori Diosquiri shinansharamisifo. Nocofunu fasi shara. Ahuuomafo ato inanmisi. Dios cufifafainmisi.

Hechos 22:5

Un mato yoiai cuscan nocon yorafohuunshon Dios cufimisi niaifocoin non nocon Dios fu tsainti pushu cushumisifoan mato yoitiro iconquin. Ua cunu inanni ahuun yorafo Damasco ano inannon Jesús icoinra huafo anoashu Jerusalén anoa ihuushon ato cunu muran iquimanon.