Hechos 12:24 - Sharanahua: Diospan Tsain

²⁴ Ascafiaino Diospan tsain shara Jesushuunoa manifoti yoiacunifo. Paratama yorafoan icoinra huanifo.

Hechos 12:24 Referans Kwoze

Hechos 6:7

Ascatan Diosin tsain mai futsafoanriri yoifoanfafainifo. Jerusalén anoshon samamashta icoinra huanifo Jesús tanamisifo ica ini. Israelifoan aton yorafohuunshon Dios cufimisifo ichapafoanri Jesús icoinra huacashon ahuun tsain nicacoinnifo.

2 Tesalonicenses 3:1

Ascan uhuun yoramishtichin uhuun tsain unutaqui un mato yoinon. Ascano noco Upa Dios yocashocahuun nocon Ifoan tsain shara man nica cuscan huafain noco Ifohuunoa nantifi futsafori yoicahuun arifi onihuafoanricai futsafori samamashta yoiaifoan icoinra huanonfo.

Hechos 19:20

Asca huacashon maifoti anoafoan nocon Ifo Jesús tsain nicanifo. Ahuun tsainhuunshon finacoinnifo icoinra huafoan Jesús tanacoinnifo.

Mateo 16:18

Un mia afanan yoi. Minfin Pedroquin, —ishon Jesús yoini. Ascan Pedrofin Israeli tsainman toquirininhuan. Tsoan putsiquitiroma. Ascasho Jesús afanan yoiqui isca huani, —Min yoia cuscahuunshon futsafoan aarifi icoinra huashquicani. Ascaifoan uhuun yorafo un ato imashquin. Yoshin chacafoan aaton curush huahuunshon ato namapaifiaquicai ato shatuyamafain aato finontiroma.

Colosenses 1:6

Nan tsain shara Jesushuunoa nicaquin tau huaquin man icoinra huani. Ascashon nicaquin man tapini nan iconcoin. Diosin matohuun ramapaiquin Jesucristohuunshon maton chaca soashoni man icoinra huanon. Ascacufin nan tsain sharahuunoashu man fiananan. Nicacani arifi manifoti nanscarifi amisifo.

Hechos 11:21

Upa Diosin ahuun Yoshin Shara atofu ini. Aton tsainhuunshon Israelimafoan ichaparasiton nocon Ifo icoinra huanifo.

Daniel 2:44

Ascan nan niaifofo mani futsafo fu icaitian Diosin nan nai muran icaton ahuun yorafo ichanan huai. Nanfin ato niaifo iishquin. Tsoancai Diosin yafi ahuun yorafo potayamafain cuyopacunacama. Diosin ahuun yorafo futan nantifi niaifo futsafo ato shatumashqui afanan tsoa nipanonfoma. Ascanfia Diosin yafi ahuun yorafocai unupacunacama. Diosifin nantifiton niaifo ipanacaquin. Nantofi manifoti iquinaquin.

Daniel 2:24

Cufintan nan Daniel niaifo Arioc ano cani. Nanton niaifo Nabucodonosor Arioc yononi nantifi Babilonia mai anoafo tapicoianfo rutunonfo. Ascan Daniel yoini isca huaquin, —Niaifo Arioc, Babilonia anoa tapiafo ato rutuyamahuu. Ua niaifo Nabucodonosor ano iyoicahuu. Un natian nama cuscahuunoa un yoinon, —ishon Daniel yoiaiton.