Hechos 12:22 - Sharanahua: Diospan Tsain

²² Yoiquin anaititapaiyaino nantififain oi ashcafinin isca huanifo, —Nacai nocofunuma. Nafin Dioscoinquin. Diosin ahuun oi cuscaracoinran, —ishon yoinifo.

Hechos 12:22 Referans Kwoze

Apocalipsis 13:4

Ascan tanacashon yoiafo, —¡Aicho! Satanás ahuun shinanhuunshon na yoina pofu cuscaraton tsoa futsan atiroma cuscan huatiro. Ascacun ahuunoashu nantifi yorafo yonotiro. Ascan Satanás nocon Ifocoin. Noco yoipaiyai cuscan non nicacointiro. Nan yoina pofu cuscarari nocon Ifo. Tsoancai a finontiroma. Tsoa futsacai na yoina pofu cuscarama. Tsoancai a rututirofomaran, —ishon yoiafo.

Judas 1:16

Nanfoanri tsain chipumisifo icain futsahuun ahuara chaca nuutapaimisifo. Nan chaca huapaiyai cuscan fusti tanafafainmisi icain afiri yoimusharamisifo. Ascacanashu cacapaimisifo icain futsahuunoa tsain shara yoiamafiaquin futsa cuncun huapaimisifo, “Ua shara huanon,” ato huamapairan, —ishon Enoc huani.

Daniel 6:7

Nonfin nantifi niaifo patasharinoafoquin min mai anoshon nannorisi non shinan isca huaquin. Tsoan dios futsafo cufintan nocofunu futsahuunoa cufiainton non masharofoan ahuun quinin muran nan nocofunu non potashquin. Niaifon, nan mia fustifin nantifiton min mai anoafoan mia cufintirofoquin. Oshu fusti nanscara huanonfo. Min nannori yonoshquin tsoa mia nicacasmaiton masharofo muran ato potashquin.

Hechos 12:21

Ascaiton, —Ato yoihuu un samamashta atofu tsainnon, —ishon yoini. Chipo aqui funifo. Sahuuti sharacapacoin niaifoan sahuumisi cuscara sahuuashu tsaoan ini. Ahuun tsaoti ano tsaoni ato yoishquin. Tsain ichapa ato yoini.

Hechos 12:23

Herodescai, —Un Diosinma. Dios fustifin shararan, —inima. Asca huaifoannocai Diosin oinmatinin afu nai muran ica yonoa isinin imariscatani. Noinmanhuarasi ahuun shaqui muran fospitanaino nariscani.

Éxodo 8:4

Min non min yorafo non min niaifo patasharinoafoquiri un fushco ichapa nichiaino man fasi omitsiscashquiran,’ ” ishon Faraón yoitahuun, —Diosin Moisés yoini.