Hechos 10:14 - Sharanahua: Diospan Tsain

¹⁴ —Ma, Ifon. Ascaracai un pimisima. Moisés noco yononi na cuscara non pitiroma. Suya chacaran, —huaiton.

Hechos 10:14 Referans Kwoze

Daniel 1:8

Ascano Daniel shinanni isca huaquin, —Uncai niaifo ahuun tushu piyamafain ahuun ayati un ayaima. Un ascaran piatofin ua chaca huatiroquin, —ishon ahuun nomuran shinanni. Ascaiton Daniel Aspenaz niaifo yocani isca huaquin, —Niaifon Aspenaz, un mia yocapai. Un niaifo Nabucodonosor ahuun tushu un pipaima. Tau huaquin afin rami hua, “Uhuun diosiran,” ishon tushu inan. Nanscaran tushu un picun ua chaca huamatiro. ¿Ascacun un futsa cuscaran pitiromun? —ishon Daniel niaifo Aspenaz yocani.

Hechos 10:28

Ato yoini, —Man man tapian nocon shunifoan yonoa non Israelifoma fu rafutiroma. Non matofu oinmitsatiromaran, ishon noco yoini. Ascafiacun uhuun namapan cuscara Upa Diosin ua tapimaita un tsoahuunoa shinanchacatiroma. Atofin nantifi manifoannati noicoinquin.

Hechos 9:5

—Ifon, ¿Minmun tsoaquin? —ishon yocaiton. —Unquian Jesús. Mian omitsisca huai.

Mateo 25:9

Nan itisharafoan ato cumani, “Ma. Noconariraca itiroma. Ascan kerosene inanmitsafo ari fotacahuun fiishcaquin,” ato huanifo.

Mateo 16:22

Ascaiton Pedronun Jesús mutsofaitan yoini, —Ifon, ascayamahuu. Miacai tsoan rutupacunacama, —huaiton.

Éxodo 10:11

¡Ma! Uncai mato ainfofo yafi facufo nichishoshquima. Nocofunufosi man fotiroquin mato Ifo Diosi cufinshquin. Nan man ua yoimisi cusca nocofunufosi man fotiro. Natian umaquinoashu catahuun. Ua fucash huayamahuu. Natian nunoashu cariscatahuun, —ishon Faraón ato curushcain yoini.

Génesis 19:18

Lotpan cumani, —Ma. Uhuun niaifo rafutan, noco machifo ano nichiyamapun. Manfin noco ichapa shara huamisiquin. Ascashon man noco numafain nocohuunri man ramapaimisi. Ascacun noco machifo ano nichiyamapun. Un machi pochinin nocoyamashu Diosin Sodoma cuyoaino urifi fai pochininnoashu natiroquin.

Mateo 8:2

Jesús caino nocofunun ahuun yoratishon ranimamishti rashquishi futsua Jesusqui nocoshon ratoconun mai chachipacufoan yoini isca huaquin, —Ifon, ua caya huapaiquifin mian cayahuatiroquin, —huaiton.

Mateo 15:11

Ahuarafo non piatocai noco ointi chaca huatiroma. Nocofununfin ahuun nomuranshon nan shinain cuscan yafi nan yoia cuscan chaca huatiroquin, —ishon ato yoini.

Marcos 7:2

Oianfo Jesús fu rafumisifo piataifoma muchoquimupaonifiacashon aton shunifoan yononi cuscacai anifoma.

Juan 4:11

—Min cuti yafi rusfi yamai. Na pozo fasi noacoin. ¿Ascaiton ahuuscashomun min na unun yora nimapacutiro min fitiroquin?

Hechos 10:13

Oinquin ahuun oi nica isca huani, —Pedron, funihuu. Rutushon piishquin, —huaiton.

Hechos 22:8

“¿Min tsoamun, Ifon?” un huaiton. “Unquian. Jesús. Un Nazaret ano iyopaoni. Min ua omitsisca huairan,” ua huaiton.