Hebreos 8:6 - Sharanahua: Diospan Tsain

⁶ Ascafia Diosin Furun Jesús yononi cuscan nan Moisés yononi cuscan finoncoian. Ascacun Jesús Apa icarishon nocohuunoa Apa cufifafaini nocon chaca soashonano non afu ipanon. Ascan Levipan funafoancai asca huapaonifoma. Upa Diospan Furun Jesús yoiyotiani cuscacai ato yoimisima. Ascano atorifi yoiyotiani cuscan sharafiashu nan Furun yoiyotiani cuscacaifin fasi shara finacaiaquin.

Hebreos 8:6 Referans Kwoze

Hebreos 7:22

Ascan Apa nannori yoinicun non tapitiro Jesushuunoashu non Upa Dios fu ipatiro. Ascano Leví ahuun funafocai ascarafoma. Nanfohuunoashucai non Diospan yora itiroma. Ascan Upa Diosin Moiséshuunshon Levipan ahuun funafo yononi cuscan sharafiashu nan furun Jesús yononi cuscan fasi shara finacoianquin.

Hebreos 12:24

Ascan man man Jesusqui fua. Nanton noco nashoantaimacai tsoa futsan noco nashonima. Ascacun natian ahuunoashu non Dios fu ipasharatiro. Nocon shuni Caín ahuun ushto Abel rutuni. Ascacun Upa Diosin Caín yoini isca huaquin, —Cain, ahuuscaquimun min ushto rutuaquin. Natian un mia curushcai onaintimairan, —ishon Diosin yoini. Ascafia Jesús rutuaifotiancai anori yoinima. Afimain nocohuunoashu naiton noco chaca soashoshquin. Ahuunoashu non Dios fu ipasharatiroran ishon noco yoini.

2 Pedro 1:4

Noco yoiyotiani cuscan ahuun curushhuunshon ahuara futsafo sharacoin noco ashoshquin a cuscaracoin non inon. Ascan nan icoinra huamafoan afin chaca huapaiyai cuscan huamisifo. Ascafiacun Jesús nocori numai non aton cuscara chacafo inonma.

Lucas 22:20

Nanscarifi huaquin cucho finifoantan ato ayamapacuquin yoini, —Na ayatihuunshon un mato ahuara funa shara yoi isca huaquin, “Uhuun imi foaino un matohuunoashu nai man ufu uhuun Upa Dios ari ipanon,” —ishon ato yoini.

Romanos 9:4

Upa Diosin ato catonni ahuun yorafo inonfo. Ato fu iyoshon ato ismapaoni ahuu cuscaramain aaquin. Ato shara huapaiyai cuscan ato yoiyoni. Ascashon ato yononi isharanonfo. Ato yosini ahuuscashomain ichananshon cufitirofoquin. Ascarifi atan ahuara sharacoin ato ashoain cuscan yoiyoni.

Efesios 2:12

Shinancapon. Ipaoni mancai Cristo fu iyomisima. Upa Diosin Israelifo catonni cuscan huafainricai mato catoantaima man atofu ahuun yorafo inon. Ahuun yorafo yoiyotiani cuscan huafaincai mato yoiataima. Man shinanqui isca huamisi, —¡Ohua! ¿Non ahuuscatiromun noco chaca soashonon non Dios fu ipanon? —ishon man shinanpaoni. Nantianri man icoinra huafoma muran iyopaoni man Dios fu rafuyamacain man onanyopaonima.

1 Timoteo 2:5

Iconcoin Diosifin fustiquin. Futsa yamai. Afin sharacoinquin. Yorafocai a cuscarafoma. Nantififain man non chaca huamisi. Ahuara chacacai Dios fu itiroma. Nan Jesús nocon cuscara nocofunuquin. Arus fustitofin noco nashoniquin nocon chaca soashoshquin non Dios fu ipanon. Nantifi yorafo numapaiquin noco nashoni. Upa Diosin yorafo tapimapaiquin Furun Jesús mai ano nichini noco nashoshquinon.