Hebreos 7:26 - Sharanahua: Diospan Tsain

²⁶ Ascan nan Jesusfin nocohuunoa Dios yoimisiquin. Yoimisi futsafo finoncoian. Aafin Diosin cuscara sharacoinquin. Tsoancai ahuunoa ahuashta chaca yoitiroma. Aatocai ahua chaca shinanyamafain yora chacafo cuscarama. Ascashon Apa Dios icanoafori finoncoian. Ascashon non yopai cuscarifi noco ashotiro.

Hebreos 7:26 Referans Kwoze

2 Corintios 5:21

Cristocai ahua chaca huayamafiamisicun Apa Diosin nocon chacafo amuran cuyoimani. Ascan ahuunoashu nan cuscara shara non inon.

1 Juan 2:2

Noco nashonishaquin nocon chaca noco soashotiro. Noco fustima. Nantifi manifotihuunoashu noco nashoni nocon chaca soashoshquin.

Hebreos 8:1

Ascan nan Jesusfin Apa Dios niaifocoin icari afu icaquin. Ascashon non yopai cuscan nocohuunoa Apa yoipacushquin. Aafin noco yoishomisi niaifocoinquin. Nan icaricai tsoa futsan onihuanima. Dios fustiton nanri onihuani. Nanriashu nocohuunoa Apa fu tsaincacaini. Nan ica ari Dios fu tsainti pushu cuscaracoin. Ascano un mato cunushona cuscan nanfo man shafacafi tapi.

1 Pedro 2:22

“Ascan nantocai tsoa chaca huayamafain tsoa paramisima.”

1 Juan 3:5

Man man tapia nocon Ifo Jesús noco cuscara nocofunuri ini nocon chaca noco soashoshquin. Atocai chaca huamisima. Apa Diosin yonoa cuscan fustisi huapaoni.

Hebreos 12:2

Ascacun non Jesús fusti shinanfafainoncahuun. Nanfin noco Ifocoin noco tapimamisicoinquin. Ascan nanton noco ismaquin tau huani ahuara ahuuscarafiaino non Dios icoinra huacoinnon. Ascashon Apa yoia cuscacoin huacoinpaoni. Ascacun norifi non ahuun caononcahuun. Ascashon nan mastacaquin yorafoan ointaifi rafini huanifo. Asca huafiaifoanno fasi omitsiscafiaquin tunucoinni manmain tapiashu chipo nocon Numamisi icain. Nanscara tapiashu fasi unimacoinni.

Hebreos 9:14

Nanfo iconfia fasi mimacaia Cristo noco nashonihuunshon chaca noco soashotiro. Ascashon atocai ahuashta chaca huapanacama. Ascan nan Diosin Yoshin Shara nipamisihuunshon Apa yoini isca huaquin, —Upa un atohuunoashu nai. Ascacun uhuunshon min aton chaca soashotiro min yorafo inonfo, —ishon Jesucriston Apa yoini. Ascan non chaca huamisi cuscan non unuyamashu omitsiscapanacafo muran non cacuana. Ascafia non afanan asca huatamarocon Cristo noco nashonihuunshon non afanan chaca shinanonma. Ascashu nocon nomuran chocatsa shara cuscara itiro. Ascashon Upa Dios nipanaca non yonosharashotiro.

Hebreos 1:3

Nanton Apa Diosin cuscaracoin. Noco ismacoin ahuu cuscaramain Apa Diosiquin. Apa shara imisi cuscan arifi nanscaracoin. Furunmun ahuun tsainmansi ahuamamishti huatiroquin. Ascan ahuun curushhuunshon ahuun tsainmansi onihuafoti yonotiro afin apaiyai cuscan anonfo. Ahuun tsainmansi nantifi onihuafoti cushusharafafainmisi. Nanfin nocohuunoashu nani nocon chaca noco soashoshquin non a cuscara shara inon. Ascashu Apa ari cani a futan nantifi iquifafainshquin.

Lucas 23:47

Ascaiton ranushumua niaifoan yoiquin. —Icocoinfinquin na nocofununcai ahua chaca huayomisima. Fasi sharacoin. Nan non oian cuscan nantifi Diosin acaran, —ishon ranushumua niaifoan yoini.

Lucas 23:41

Non chaca huamisicufin noco mastafoquin. Asca Jesuscai ahua chaca huayamafiamisicun mastaforan, —ishon futsan yoini.

1 Pedro 3:22

Ascan natian Criston Apa fu ica niaifocoin ipashquin. Tsoashtacai finontiroma. Ahuun oinmati afu nai muran icafo non nantifi yoshinfo non aton niaifofori nantifi ato yoiai cuscan aashcaniquin.

1 Pedro 1:19

Cristo fustitofin noco numatiroquin. A fustitocai ahua chaca huanacama. Nan chashoan facu muma sharacoin cuscara. Jesús aficoin noco nashoni ahuun imi fonihuunshon noco numashqui non afanan chaca inonma.

Hebreos 7:11

Uhuun yoramishtichin shinancapon. Upan Diosinhuunshon Moisés noco yononi cuscan yafi Leví funafoan nocohuunshon Dios cufimisifoan noco numatiroanocai Diosin Furun nichicuanima nocohuunshon Apa Dios cufimisi inon. Cristocai Aarón nan Leví ahuun funa cuscarama. Aafin Melquisedec cuscaraquin.

Hebreos 2:10

Upa Diosin nantifi onihuani ahuunoashu nantifi ica. Ascashon yorafori onihuani ahuun facufo icain afu ipanonfo. Ascacun Furun Jesús nichini nocohuunoashu omitsiscano non afu ipanon. Furun fusti nocohuunoashu omitsiscatiro noco chaca soashoshquin. Nan iconcoin Upa Diosin yononi Furunmun noco omitsiscashoano noco Ifo sharacoin inon. Ascashon Apa Dios icari noco iyoano non afu ipanon.

Hechos 4:27

Nanscarifi atan nan niaifo rafu Herodes yafi Poncio Pilaton Israeliyamafiashu nocon caifo Israelifo fu ichanaintafo min Furun nan min oinmati Jesús min catonni chaca huashcaquin.

Hechos 3:14

Jesuscai ahua chaca huamisima. Sharacoinfiacun mancai caimapaitama. “Jesuscai caimatamarocon rutumitsamisi Barrabás caimahuun,” man iquita.

Juan 14:30

Yoshin chacafoan aton niaifo Satanás uqui oi. Ofiashocai ua iquintiroma. Ascacun un matomaquinoashu cai. Afanan un mato yoiquin chai huaima.

Juan 8:29

Nan ua nichini ufu imisi. Uacai potamisima. Afi ua amapaiyai cuscan un amisiquin. Ascacun uqui unimacoin, —ishon ato yoini.

Lucas 24:46

Ato yoini, —Diospan tsain cununi isca huaquin, “Cristo nan Diosin catoan naafiashu afanan osha rafu non fusti finontan funishquin.” Ascacun uhuunshon ato yoifoanfafaintacahuun aton chaca shatucashon shinansharaifoan un ato chaca soashonon. Jerusalén ano ato yoiqui tau huatacahuun. Ascashon nan manifoati ato yoifoanfafaishcaquin.

Lucas 24:26

Man cununi isca huaquin, “Diosin yonoa nan catoan Cristo omitsiscayotan. Apa Dios fu niaifocoin iishquiran,” icashon ahuunoa cununiran, —ishon Jesús ato yoini.

Lucas 23:22

Ascaifoan afanan Pilato ato yoini, —Ahuuscacufin. Ahuacai chaca huamafinquin. Ahuashtacai chaca huatananma napanan. Unfin onaintimashon nichiqui catanon, —ishon ato yoini.

Lucas 1:35

Diosin oinmatinin afu nai muran icaton afanan María cumani, —Diosin ahuun Yoshin Sharapan miqui oshon mia facu nanumashquin. Nanto ahuun curushhuunshon ahuamamishti huatiro. Nanhuunshon mia facu nanumashquin. Ascan nan facu cainshquiaifin shara fustisi imisiquin. Ahuashtacai chaca huamisima. Naanfi Diospan facuquin.

Marcos 16:19

Ato yoitan Upa Diosin atomaquishon nocon Ifo Jesús nai muran ihuini afu niaifocoin inon.

Apocalipsis 3:7

Ascatan afanan Jesús ua yoiqui isca huaa, —Ua icoinra huafo Filadelfia anoa aton Diosin tsain yoimisi un yoipaiyai cuscan ua cunushoquin isca huai. “Unquian un maton Ifo Jesús, un mato yoisharapai man tapinon. Unfin ishara fustimisiquin. Uhuun tsainrifi iconcoin. Pushu ifo shafiya arus fusti pushu fuputiro yorafo iquimai iyamarai fupotiro futsafo iquinonfoma. Nanscarifiai maton niaifo David shafi cuscara ipaoni. Tsoa ahuun mai ano imapai iyamarai ato nitun huapaoni iquinonma. Nanscarifiai unfi David funaquin. Urus fusti un yoitiro upa Dios icano tsoa iquitiro iyamaraimain iquitiroma. Ascacun un mia yoi isca huaquin.

Hebreos 2:17

Ascacufin Jesús noco cuscara yoracoin ini. Nan non mumisi cuscan arifi muuyopaoni. Ascacun nocohuun ramapaitiro. Nan Apa Diosin yonoa cuscacoin amisi noco numashqui. Nocohuunoashu nani noco chaca soashoshquin. Ascacun nocohuunoa Apa Dios yoitiro isca huaquin, —Upan, un ato nashoni aton chaca soashoshquin. Ascan nan ua icoinra huafo aton chaca soashofain ato rauhuahuu, —ishon Apa yoitiro. Ascashu nocohuunshon Dios cufimisi niaifocoin itiro.

Hebreos 3:1

Ascacufin uhuun yoramishtichin matorifi Upa Diosin catonni ahuun yora sharafo icain man afu ipanon. Upa Diosin Furu Jesús nichini no fu ishon ahuun tsain shara noco tapimanon. Ascatan nocon numamisi icain nocohuunshon Apa Dios cufimisicoin. Ascacun maton nomuran Jesushuunoa shinanfafaicahuun.