Hebreos 7:25 - Sharanahua: Diospan Tsain

²⁵ Ascan non ahuunoashu Apa Dios fu ipapaiyaiton nocohuunshon Apa Dios yoifafaini isca huaquin, —Upa Diosin, un ato nashoni aton chaca soashohuun. Ascashon mi ano ato imahuu, —ishon nocohuunoa Apa yoishquin. Ascatan nocohuunoa Apa yoia cuscan nanscacoin noco huashoshquin non afu ipanon. Ascaicai non funopacunacama.

Hebreos 7:25 Referans Kwoze

Romanos 8:34

Jesucristo noco nashocun Apan funimani. Apa Dios icano ato nantifi iquinon. Natianri Upa Dios noco cufishofafaini. Nan iconcucain tsoan, —Min chaca huamisiquin. Asca omitsiscapanacafo muran mia potanon, —noco huatiroma.

1 Timoteo 2:5

Iconcoin Diosifin fustiquin. Futsa yamai. Afin sharacoinquin. Yorafocai a cuscarafoma. Nantififain man non chaca huamisi. Ahuara chacacai Dios fu itiroma. Nan Jesús nocon cuscara nocofunuquin. Arus fustitofin noco nashoniquin nocon chaca soashoshquin non Dios fu ipanon. Nantifi yorafo numapaiquin noco nashoni. Upa Diosin yorafo tapimapaiquin Furun Jesús mai ano nichini noco nashoshquinon.

Judas 1:24

Ascan uhuun tsain unutaqui nocon Dioshuunoa un mato yoisharapai. Nanton mato cushusharatiro man chaca huanonma. Unimacoincain ahuun ointaifi mato imasharatiro. Nannoshocai tsoan matohuun ahua chaca nuutatiroma. Ascashu unimacoin man aqui nocoshquin. Nantofin mato nansca shara huashotiroquin.

Juan 14:6

Ascaiton Jesús cumani, —Unfin na faiquin. Unfin iconmisiquin. Uhuunoashufin yorafo nipatirofoquin. Tsoacai afi uhuun Upa icano nocotiroma. Uhuunoashu fustifin uhuun Upa ari nocotirofoquin.

Efesios 2:18

Ascano Jesús noco nashonicun ahuun Yoshin Shara fustihuunoashu Israelifo yafi mani futsafori Upa Diosiqui funonfo afu rafupacushquin.

Romanos 5:2

Non icoinra huacun Upa Diosin noco noiaino non afu shafatifi rafutiro. Ascano unimacoinquin non tapitiro noco imapaiyai cuscan shara non atiro.

Hebreos 11:6

Ascan non icoinra huayamaquicai non Dios unimamatiroma. Ratoran futsan Dios fu ipaicoinquin icoinra huatiro natian Dios nia. Ascashori tsoan fasi onanpaicoinquin icoinra huaiton naanfin aqui nocoaiton Dios fasi shara huashquiquin.

Efesios 3:20

Non Upa Dios nocon nomuranshon shinain cuscan non yocafiamisi atofin fasi finonmafain noco ashotiroquin. Ahuun curushhuunshon nocon nomuran mutsismainifoanna cuscan huafain ahuamamishti noco ashotiro.

Hebreos 9:24

Ascan nan Dios fu tsainti pushufin nocofunufoan onihuaniquin. Amurannoa ahuarafo nan Diosin icaria cuscaracoin. Ascan Cristocai funinaca huatan amuran iquitama. Apa Diosin icaricoinrocon cayacafi iquini nocohuunoa Apa Dios cufishofafainshquin.

Juan 14:13

Ahuara uhuun anuhuunshon Uhuun Upa man yocaiton un mato ashotiro. Ascaiton yorafoan “Upa Dios shararan,” huanonfo.

Daniel 6:20

Chaima nocotan niaifo ahuun nomuran shinain ahuun oi omitsiscayanan cunani isca huaquin, —¿Daniel, nan min Diosin nipanaca min ashonmisi cuscan nantomun mia numaiquin masharofoan mia pinonfoma? —ishon niaifoan Daniel yocaiton.

Daniel 3:17

Noco chii urumanhuan muran potacun nocon Diosin nan non ashomisi cuscan noco numatiro. Niaifon, min niaifofiacun min noco asca huapaiyai cuscan nocon Diosin noco numashquin.

Hebreos 5:7

Jesús mai ano iyoashu omitsiscapaoni. Ascashu nocohuunoashu naitian oi ashcafinin uaiyanan Apa Dios cufinquin isca huani, —Upashtan, mian numapaiquin mian numatiro un nanonma. Ascafia un apaiyai cuscan huaima nan mian amapaiyai cuscan fusti ua huahuun, —ishon Apa Dios yoini. Ascashon nan Apa amapaiyai cuscan fustisi shinanquin cufiai cuscan nicacoinni.

Hebreos 13:15

Nocon shunifoan apaonifo cuscacai afanan Diosin fuchipaima. Noncai afanan inafo rutuima nocon chaca soashonano Upa Diosin nocoqui unimanon. Ascatamarocon Jesús noco nashonihuunshon non Upa Dios aicho huai. Ascan non yoiquin isca huanon, —¡Aicho! Upa Diosin, min Furun Jesús uhuun Ifo. Ahuunshon un mia aicho huairan, —ishon non yoifafainon.

Hebreos 7:16

Moisés yononi cuscacoin Leví ahuun funafo fustifin Dios cufimisifo itirofoquin. Ascafia Jesuscai Moisés yononi cuscahuunoashu noco Dios cufishomisi icama. Aafin Diospan curushhuunoashu nipanacaquin. Ascashu noco Dios cufishomisi ica.

Hebreos 2:18

Nanscarifi aquin Satanás chaca huamapaipaoni. Ascan Jesús omitsiscafiaquicai chaca huamisima. Ascacun nocorifi Satanás chaca huamapaiyaitian Jesús nocohuun ramapaitiro. Non muumisi cuscan arifi muuyopaoni. Ascashon noco numatiro non chaca huanonma.

Juan 14:16

Un Upa Dios yocain mato futsan nichishonon maton ointi fucash huanonma man isharanon. Maton tapimamisi inon. Amain Diosin Yoshin Sharashofin. Aafin iconmisiquin. Mato fu ipashquin. Icoinra huafoanmacai a onantirofoma. Ascarifi atacai ahuamain huaincai tapitirofoma. Ascan manfin onanmisiquin mato fumain icufin. Ascatari maton nomuran matofu rafui.

2 Timoteo 1:12

Ascan nan ua yononi cuscacoin un huamisi. Ascacun ua omitsisca huamisifoquin. Un omitsiscafiai un rafiama. Rafitamarocon un Jesús onancoinfain un icoinra huai. Ascan un Jesús yoini isca huaquin, —Ifon ua cushusharahuu. Un chipo mifu isharapacunon, —ishon un yoini cuscan natian nan oaitian ua ashoshquin. Nan un icoinra huacoinna.

Daniel 3:29

Ascan un isca huaquin yonoi, “Nan ratoran caifo futsa tsain futsayashu Diosiquin tsain chaca huaifin un aton caya pashcaquin futsaicain naanonfo. Aton pushuri non paon huaquin futsano nanno mani futsushqui. Sadrac non Mesac non Abed-nego aton Diosin ato numa cusca rato diosi futsacai asca huatiromaran,” —ishon niaifo Nabucodonosor yoini.

Hebreos 7:24

Ascafia Jesuscai ato cuscarama. Aafin nipanacaquin. Nanrifi noco Upa Dios cufishomisi unupacuyamacain nanscasi apanaca.

Daniel 9:16

¡Ohuashta! Ifon, noco shinanpun. Min noco shara huashomisi. Ascan min yorafo Jerusalén anoafoqui afanan sinayamapun. Upa Diosin nan pushu rasifofin Jerusalén anoafo minaquin. Nan machi shara nannoa mina. Ascan noco futan nocon shunifoan mia chaca huamisihuunshon Jerusalén ano icafo caifo futsafoan ato cashu mutsama huaafo.

Daniel 3:15

Un afanan mato yoi fusti. Nan nocofunu ointsa cuyamasoa un oro rami huahuunoa man manutifo nicaquin ahuun ointaifin man maiqui fuoshopacucahuantiro. Man ascashonaino shara itiro. Mato ahuusca huaima. Ascan un yonoa cuscan afanan man ayamaiton un samamashta mato chii urumanhuan muran mato potamashquin. Un mato asca huaiton rato diosi futsacai mato numatiroma un mato namanonmaran, —ishon niaifoan yoiaiton.

Efesios 3:12

Ascashon non Jesús icoinra huashu non ranotama Diosqui otiro afu tsainshquin. Ascashon non tapitiro non aqui oaitocai noco potaima. Ascano ratutama non Dios fu itiro.

Hebreos 7:8

Ascacun ahuun caifo Israeli shoco futsafoan. Nan Leví ahuun funafo ahuarafo futsa futsa huaquin la décima parte ato inanfianifo nanfo man naamisifo. Ascano arifi Melquisedec Abrahamna futsa futsa huaquin la décima parte fiini. Ascacun Diospan tsain cununi cuscan Melquisedec natian nia.

Romanos 5:10

Non Upa Dios noicasmayopaonitian Furunmun noco nashoni noco numano non afu ipanon. Natian Jesús niahuunshon mima huaquin noco numanon Upa Dios fu non ipasharanon.

1 Corintios 1:21

Tsoanshtacai aton shinanpan Dios onantirofoma. Diosin fustitofin nantifi tapisharacoianquin. Icoinra huamafoan yoiquin isca huafo, —Jesús icoinra huafoan ahuunoa yoiafo fasi amaquiriran, —ishon yoifiafo Diosin nocon chaca soashona non afu nipanon nonfin icoinra huaicai.

Hebreos 2:9

Ascan Jesús arifi noco cuscara iyopaoni. Nantian Diospan oinmati afu nai muran icafoan Jesusri finonyopaonifo. Nocohuunoashu omitsiscacain noco nashoni. Upa Diosin nocohuun ramapaiyaino Furun Jesús nantifi manifotihuunoashu nani. Ascano noncai afanan napanacama. Upa Diosin nantifi yorafo yononi ahuunoa