Hebreos 6:16 - Sharanahua: Diospan Tsain

¹⁶ Ascacufin non tapitiro Diosin nan yoiai cuscacoin huamisi. Ascan futsan noco ahuara yoiquin icoinra huamapaiyai cuscan nan futsan finoncoiaiton nannoricoinrifi noco yoiaihuunshon non icoinra huatiro. Ascan tsoancai, —Anorimaran, —ishon fochishmatiroma.

Hebreos 6:16 Referans Kwoze

Hebreos 6:13

Nocon shuni Abrahamrifi nanscaracoin ipaoni. Ascashon Upa Diosin yoiyoni isca huaquin, —Unfi Diosicoinquin. Tsoancai ua finontiroma. Urusu fustifin un iconmisicoinquin. Uncai chanitiroma. Ascacun un mia shara huaquin ahuara yoipaiyai cuscan mian icoinra huatiro. Ascashon min funafo ichaparasi un mia ato cainmashoshquin. Ascan mincai ato tanan huatiromaran, —ishon Diosin Abraham yoiyoni.

Génesis 31:53

Min shota Abraham yafi uhuun shota Nacor aton Diosin noco oin. Nanton noco oin non shara huatanainton, —ishon Labán yoini. Jacob cumani isca huaquin, —Uhuun upa Isaac Upa Diosi nicacoinmisi. Urifi Diosihuunoashu mian yoiai cuscan un aicai, —ishon Jacob yoini.

Génesis 21:23

Ascacun ua yoihuu mincai ua non uhuun facufo non uhuun funafori min noco parapacunacama. Nuno min maiyamafiacun un mia sharahuamisi cuscan uhuun caifoya noco shara huahuu, —ishon Abimelec Abraham yoini.

Génesis 14:22

—Ma. Un min ahuarafo fitiroma. Diosin nantifi mai anoafo oni huafain nai murannoafori oni huani. Ascan mina mian inanshon min yoitiro isca huaquin, “Un Abram inan cuscahuunoashu ahuara fasi ichapayaran,” ishon min yoitiro. Uncai mia ahuashta fiantiroma. Nannorifi un nocon Ifo Diosi yoiaquin. Uncai mina ahuara fipaima.

Gálatas 3:15

Ascacun uhuun yoramishtichin natian non amisi cuscahuunoa un mato iscara tapimai man tapinon. Afu nocofunu ahuara yoiyoshocai shinan futsatiroma manmain ahuun anu cunushon. Nanscarifiai Upa Diosin Abraham yafi ahuun funa fusti yoiyoni. Ahuun funa ichapafohuunoacai yoiyonima. Abraham funa Cristo fustihuunoa yoiyoni.

Génesis 21:24

Nannori huaiton nicain, —Ai. Min ua yoia cuscan un nannoricoin min non min facufo non min funafori un mato paranpacunacama. Un non uhuun yorafoanri mato shara huapacunacaran, —ishon Abraham yoini.