Hebreos 5:14 - Sharanahua: Diospan Tsain

¹⁴ Ascan tsoan Diospan tsain shafatifi oinfafainni cununi cuscan aashquin. Nanton tapitiro ahuara shara afainmain ahuara chaca aquimaquin. Nan cuscarafoan fasi paratama Diospan tsain tapi sharatirofo.

Hebreos 5:14 Referans Kwoze

1 Tesalonicenses 5:21

Ahuara futsan mato yosipaiyaiton Diospan Yoshin Sharahuunshon a yocacahuun nan tsain yoiai cuscamain icon iyamarai iconmaquin. Ascano nan tsain icon fusti tanasharacahuun. Tsain iconma icoinra huayamacahuun.

Efesios 1:18

Ascan un mato cufishoquin isca huafafaini, —Upan, aton nomuran cayacaficoin ato shinanmahuu mihuunoa tapisharanonfo. Ato tapimahuun min ato catonniqui mifu ipanonfo. Ascashon min yoiyoni cuscan nan mia icoinra huafoti min icaria tsoan oinyomisima cuscara sharacoin min ato inanshquinran, —ishon un mato cufishomisi.

1 Corintios 2:6

Ascan Diospan tsain nicasharaifoan man tapiafo non Diospan Yoshin Sharahuunshon cayacaficoin yoiaiton. Ascan futsafoanri cunu tapisharafiashon Diosin shinain cuscacai tsoa anori shinainma. Aton shinanpancai non mato yoiama. Aton niaifofoan shinainfo cuscaricai non mato yoiama. Ascashufi afo funocaniquin. Nan shinainfo cuscan man cuyoi futsui. Ipaitsi shinancani.

Efesios 4:13

Ascano nannorisi non icoinra huafain non Diospan Furunhuunoa tapinon. Ahuunoa tapitacai non afanan facu cuscara itiroma. Nan nocofunu mapo shara ya Jesús cuscaracoin non itiro. Ascashu nan Cristo noco imapaiyai cuscan sharacoin non itiro.

Filipenses 3:15

Man Jesús tanasharai nan un mato yoia cuscan marifi nannori shinancahuun. Un shinain cuscan futsan shinanyamaiton afincoin Diosin ato cayacafi tapimatiro.

Romanos 14:1

Tsain futsari un mato yoi. Tsoan Jesús Ifo huafiashocai ahuun tsain shara atirifi tapisharataima matofu ichanainton, —¡Aicho! No fu ichananhuun, —huacahuun. Man shinain cuscan shinanyamaiton afu fochishmanantananyamacahuun. Aqui tsain chaca huayamacahuun.

Génesis 3:5

Diosifin tapiaquin min na fimi pishon ahuamamishti min tapitiro. Ascashu nan Diosi cuscaracoin min itiroquin. Ahuara shara tapifain chacari min tapitiroquin, —ishon ronon yoiaiton.

Mateo 5:48

Ascano maton Upa Diosin nai muranshon nantifi yorafo noia cuscan marifi nansca huacahuun. Upa Diosin shinansharamisi cuscan marifi shinansharacahuun.

Salmos 119:103

Un mua min tsain fata cuscara shara. Nan fona fata sharafia min tsaincaifin fasi fata sharacoin un muicai.

1 Timoteo 4:7

Ascafia futsafoan shunipafo cuscara ato tapimapaicani. Ascan nanfocai Diospan tsainma. Ascacun ato nicayamahuu. Aton nicatamarocon Diospan tsain fusti oinsharahuu a cuscara shara iishquin.

Hebreos 6:1

Ascan noncai facufo cuscarama. Facufoancai ichapa tapiama. Ascan iyoafofoan paratama tapisharafo. Nanscarifiai non tau huaquin Jesucristohuunoa tapini cuscan nan fusticai non shinafafainima. Ascasho non tapini non ahuara shara huahuunshoncai noco chaca soashotiroma Upa Dios fu non ipanon. Non tapiniri Dios icoinra huayamashucai non afu ipatiroma. Ascatan non unu muran iquimamua nocon chaca soashonano non Jesús ifoashon futsafo ismatirohuunoa tapifain nan icoinra huafo futsafo non ato manmanshon cufishotiro Diosin ato yonomapaiyai cuscan anonfo nanrifi tapifain yora naashu funitirohuunoari tapifain icoinra huafoma Diosin ato omitsiscapanacafo muran potashquiai nanfohuunoa man non tapiyoni. Ascan afanan noncai tapimamisi yopaima nanfohuunoa noco tapimanon. Ascano afanan ascatama noficairocon non paratama Diospan tsain shara tapinon Jesús tanasharashquin.