Hebreos 3:9 - Sharanahua: Diospan Tsain

⁹ “Maton shunifo tsoan istaipamanoashu icaino yoitimafiaifoan funaquima uhuun yono un ato ismapaoni. Tsoan oinyomisima cuscara shara cuarenta fari un ato ahuamamishti ismasharapaoni.”

Hebreos 3:9 Referans Kwoze

Hechos 7:36

Nanno Dioshuunshon ahuarashta tsoan oinyomisima shara ato ismani yoran atiroma cuscan ato ismani. Unuhuan ahuun anu oshin anori tsoan atiroma cuscan Dioshuunshon ato ismani. Tsoan istaipamashon nanscasi huapaoni.

Deuteronomio 4:9

Ascacun oinfain Diosin mato oinmana cusca nanfohuunoa shinaincai man ointiaquimapacunacama. Maton facufo non mato chatafo non maton shotafori nocon Ifo Diosin mato yonoa cusca ato tapimacahuun.

Josué 24:7

Ascan maton shunifoan ua fasi cufinnifo un ato numanon. Ascano un ato yafi Egipciofo faquishihuan nushmancayan huashoni Egipciofoan ato oinnonfoma. Ascashon un unuhuan oshi muran Egipciofo asamani nai futsunonfo. Un Egipciofo asamani cuscafin man man oinniquin. “Ascano man fari ichapa tsoa istaipama ano iyopaoni.

Deuteronomio 4:3

Man man oinni Baal-peor anoshon nocon Ifo Diosin nocon caifo onaintimai cuscan. Nanfoan Baal-peor icanoafoan ahuara rami huafo. “Nan nocon diosiran,” ishon yoinifo. Ascashon rami huashon anunifo Baalran huanifo. Ascano nocon caifo atirifoan yoiquin isca huanifo, “Nan Baal nocon diosiran,” ishon yoiafofin nocon Ifo Diosin ato onaintimaniquin. 24,000 ato namaquin futsaiton man man oinni.

Éxodo 19:4

Un Egipciofo acai cusca man man oian. Nan tutupan ahuun facu ahuun catu camaqui iyotiro cusca huaquin un mato iyoa man ahuuscanonma. Unfin mato uqui ihuuaquin.

Hechos 13:8

Ascafia Barjesús ahuun anu futsan Elimas nan shointian ahuun niaifoan Diosin tsain nicatima huani, —Niaifo Sergio Paulo, nan Bernabé yafi Saulo aton tsain nicayamahuu. Mia amaquiri yoitiroquin, —ishon yoini.

Lucas 7:22

Ascashon nan Juanpan ato nichian rafu Jesús yoini, —Un acaiton man oian cuscan uhuunoa man nicai cuscan Juan yoitacahuun. Ascashon fushofo un caya huaa oinsharaifo cuscan yoifain pastocoinfori un caya huaa nicasharanonfo nanrifi yoifain ato yoratisho coyo cuscara tocoi futsuafori caya huafain yora nipaiqui ranainfori un ato caya huaa yoifain man nacoinnafori un ato funimana. Ascashon yora ahuuomafori tsain shara un ato yoifafainmisi ahuuscashumain Diosin niaifo fu ipatirofoquin, ishon un ato yoimisi.

Josué 23:3

Nocon Ifo Diosi caifo futsafo matohuunshon aca cuscan man man nantifi oinmisi. Maton Ifo Diosin mato noicasmaifo mato rutumaquin cuyoni.

Números 14:33

Matohuunoashu mato facufori cuarenta fari tsoa istaipama anoashu omitsiscai. Un mato yonomisi cuscacai man aama. Nanscacun nannoshon maton facufoan chashoanfo cushumisi iishquicani. Nan man nantifi nai cuyoaitian maton facufo nan mai shara ano fotirofo.

Deuteronomio 11:7

Man oinmisi cuscacai maton facufoan oinmisifoma. Nantifi nocon Ifo Diosin mato shara huashoni cusca man oianfo. Nan tsoan oinyomisima cuscaran shara mato ashomisi man oian.