Hebreos 3:7 - Sharanahua: Diospan Tsain

^7-8 Ascan Diosin Yoshin sharapan yoiquin isca huani, “Upa Diosin mato yoiai cuscan nicasharacahuun. Tsoan istaipama mato shunifo icafotian un atohuunoa tapipaoni uamain nicasharafain ua nicacasmacaniquin. Ascashon nanfoan ua nicacasmapaonifo. Ascacun ato cuscara iyamacahuun. Maton ointi mutoyamacahuun. Ascatamarocon Jesús mato yoiai cuscan fusti nicasharafafaincahuun.”

Hebreos 3:7 Referans Kwoze

Hebreos 3:15

Ascano un rama mato cunushona cuscan afanan mato yoi, “Upa Diosin mato yoiai cuscan fusti nicasharafafaincahuun. Maton shunifoan Upa Dios nicacasmacani aton ointi mutopaonifo. Ascacun ato cuscara iyamacahuun. Maton ointi mutoyamacahuun. Ascashu yoitimashuni iishcaquima,” ishon Diospan tsain cununi.

Apocalipsis 3:20

Shinancapon uhuun yoramishtichin. Un matofu rafupaicoin un matoqui nocoa. Yora pushu muran iquipaiquin iquisi pushu ifo cunatiro iquimanon. Nanscarifiai un matoqui nocoa mato yoiquin isca huashquin, ‘Un mifu rafupairan,’ ishon un mato yoipacumisi. Ascano tsoan ahuun nomuranshon ua nicaquin ua yoiquin isca huai, ‘Ifon, uqui ohuu. Un mia fuchipaifain un mia yopacoinran,’ ishon yoiaino un afu rafui. Arifi ufu rafuaino.

Hebreos 4:7

Ascano Upa Diosinhuunshon afanan David yoini isca huaquin, “Natian Diosin tsain man nicafiai maton ointi mutoyamacahuun. Ascashu yoitimari iyamacahuun,” ishon David yoini.

Juan 10:27

Ua icoinra huafoan ua nicasharatiro. Un ato onancoianno ua tanafo.

Hebreos 3:13

Ascatamarocon shafatifi yoinonansharafain noco Ifohuunoa shinanmatanansharafafaincahuun. Ahuara chacafoan noco paratirofo. Ascafia non shinanmasharatanainnocai nocon ointi non mutotiroma.

Mateo 17:5

Ascashu Jesús fu tsaincaino coin osho sharacoin atoqui cuyopacuni. Ascaino coin murannoa oi nicanifo yoiqui isca huaiton, —Nanfin uhuun Facuquin. Un fasi ahuun noi. Nanfin un catoanquin. Un aqui unimacoin. Ascacun a nicacoincahuun, —ishon Upa Diosin yoini.

Juan 10:3

Caincaiti ano nocoaiton nan nocofunun caincaiti cushumisiton fupushotiro chashoan cushumisiton iquimapacunon. Ascan chashoan cushumisi iquiaiton ahuun chashoanfoan ahuun oi onanti huanifo. Nantifi ahuun chashoanfo anu futsapacuni. Aton anun cunapacuaino chashoanfoan mufainifo.

Juan 5:25

Un ahuara futsa iconcoin mato yoinon. Natian nan naa shinantsain uhuun tsain nicacoianshu ufi Diospan Facu icoinra huashu afanan Diosimaquin itamarocon afu nipasharatiro.

Juan 10:16

Yora futsafoanri ua icoinra huashquicani. Afocai Israelifoma. Nanforifi un uhuun Upa icano iyotiroquin. Nanfoanri mai ano niyocashon ua nicasharayoshcani. Ascan Israelifo yafi mani futsafoanri ua icoinra huacanashu fusti cuscaracoin iishcaniquin. Nantifi nan icoinra huafoti Upa Diosin yorafo iishcaniquin. Urusu fusti un aton cushumisi un iishquin.

Hebreos 9:8

Ascacun nanfohuunshon Diosin ahuun Yoshin Sharapan noco shafacafi tapimani nan pano pushu ipaonitian ahuun caifohuunshon Dios cufimisi niaifon fusti cunu osa futsa ocu murancoin iquipaoni Dios fu tsainshquin. Ascano nan cunu ocu murancoin anunifo, —Nuno fasi shara finacoianran, —ishon. Nantiancai tsoan tapiatai inima chipo Jesushuunshon nantifi Diospan yorafo afu tsaintirofo.

Mateo 22:43

Ato yoini —¿Asca ahuuscai David Diospan Yoshin Sharahuunshon nan Diosin catonni yoiqui isca huanimun?

Hechos 28:25

Tsoancai nannorisi shinannifoma. Ato yoiai cuscan fochismanantanannifo. Amaquinoashu foataifoma Pablonun ahuun tsain unutaquin ato yoini isca huaquin, —Nocon shuni Isaías nanton inonpacoai yoimisi Diospan Yoshin Sharahuunshon nocon shunifo iconquin yoini isca huaquin,

Marcos 12:36

Diospan Yoshin Sharanun David ahuun nomuran shinanmana cuscan yoini, “Upa Diosin uhuun Ifo Cristo yoini isca huaquin, ‘Minfin ufu niaifocoinquin. Mia noicasmaifoan min ato finoncoian. Un ato shatumashquin mia afanan ahuusca huatiroma. Min ato iquiniran,’ ” ishon Diosin yoini cuscan David cununi.

Hechos 1:16

Isca huaquin, —Uhuun yoramishtichin ua nicacahuun. Judaspan ato tapimaita ahuuscashomain nocon Ifo Jesús achicanicain. Nocon shuni David Diospan Yoshin Sharahuunshon inonpacoai cunuyoni cuscan Judaspan man aca.

Hechos 8:29

Oinfoicai Felipe fu noconanni. Noconanshon Diospan Yoshin Shara Felipe yoini, —A taramutiyahuun aqui catanhuun —huani.

Hebreos 10:15

Nannori Diosin Yoshin Sharapan yoiquin tau huani isca huaquin, “Uhuun yorafoan ua icoinra huacun aton nomuran uhuun tsain ato nanumafain aton ointi muranri uhuun tsain cunui cafisca huashquin ua ointiaquimaiyamacai ua tanasharanonfo,” ishon yoini.