Hebreos 3:16 - Sharanahua: Diospan Tsain

¹⁶ ¿Ascan tsoafoanmun Dios nicacasmafain ahuun tsain cachiquiri huapaonifoquin? Nantifi nocon shunifo Moisés ato Egipto mai anoashon iyoni. Nanfoanfin Dios nicacasmapaonifoquin.

Hebreos 3:16 Referans Kwoze

Números 14:2

Ascashon nantifishon Moisés yafi Aarónqui tsain chaca huanifo. Yoiquin isca huanifo, —Non Egipcio mai anoashu iyamarai tsoan istapaima anoashu non naa shara icuana.

Números 14:30

Un mato yoiyoni cusca nan mai sharacoin un mato inain. Ascafia nan ua nicacasmai ratora futsacai nan mai ano ipanacama. Ascafia nan Caleb yafi Josué fusti nanno itirofo.

Deuteronomio 1:38

Min nanno iquitamarocon mia ashomisi cusca nan Nunpan ahuun facu Josué nan mai shara ano iishquiquin. Nantofin maton caifo iyoshquiquin nan mai shara fiishcaquin atona inon. Ascacun ahuun nomuran unimamahuun. Josué tsain shara yoihuu min caifo Israelifo iyoaitian ratuquima ua icoinra huashquinon,” ishon Ifo Diosin ua yoini.

Números 14:38

Nan doce nocofunun mai shara ano oinfoanfafainnifo. Nan ato muran Josué yafi Caleb tsoan istaipama ano ifiashucai nan rafu nanima.

Números 14:24

Ascafia nan uhuun oinmati Calebcai nicayosmamisifo cuscarama. Nantofin ua icoinra huafain ua tanasharamisiquin. Ascacun nan mai shara rama oianfin un nanno imaiquin nan ahuun mai inon. Ascano ahuun funafori nanno ishquicani. Unfin nan mai ato inanshquiquin nanno inonfo.

Números 14:4

Ascashon nan shinainfo cusca afi ranan yoinonannifo, —Non niaifo futsa catononcahuun noco afanan Egipcio mai ano iyoicanon, —icashu yoinannifo.

Números 14:11

Atoqui nocotan nocon Ifo Diosin Moisés yoini isca huaquin, —¿Ahuutianmun na yorafoan uqui tsain chaca huaquin unucaniquin? Diosincai ahuamaran, ishon aton nomuran shinanquin shatuyamacaicani. Un ato tsoan atiroma cusca ismafiamisi uacai icoinra huapaicanima. ¿Ahuutianmun ua icoinra huacaniquin?

Judas 1:5

Un natian mato cunushoni cuscan man man tapiyofianicun un afanan mato yoi futsai nan chacafohuunoa man tapinon. Nocon Ifoan nantifi nocon shunifo Egipto anoshon caimafianicun atirifiton icoinra huayamaifoan nan icoinra huafomati chipo namaqui cuyoi.