Hebreos 12:5 - Sharanahua: Diospan Tsain

^5-6 Ascafia nan noco yoia cuscacoin non ayamaiton oinquin Upa Diosin nocohuun noiquin noco onaintimatiro noco tapimashquin. Ahua futsa shinantama nancairocon non tanasharanon. Ascashon nantifi ahuun yorafo ato nansca huashoan. Ascacun nanfoan tapinonfo Diospan facufocun. ¿Man man ointiaquimanamun Diosin maton nomuran unimamapai man ahuun facufocun mato tapinonfo? Ascan ahuun tsain cununi isca huaquin, “Uhuun facushtan unfin min Ifocoinquin. Ascacun un mia onaintimai min tapinon afanan mian tanasharanon. Ascacun nan mato onaintimaitian tapicahuun afanan ascashcaquima. Mato asca huaitian mato nomuran shinanchacayamacahuun. Mato cayacaficoin tapimapaiquin,” ishon cununi.

Hebreos 12:5 Referans Kwoze

Apocalipsis 3:19

“Ascan un mato noiyamaquicai anori un mato yoicuanama. Ascafia nan un noicoiainfo fusti un ato onaintimashqui chaca shatunonfo. Ascashon nanfori un ato yoisharapai ua tanasharanonfo. Ascacun man chaca shinanmisi cuscan afanan anori shinanyamacahuun. Natian uhuun tsain nicacoincahuun un mato yoiai cuscacoin ashcaquin.

Santiago 1:12

Tsoan omitsiscafiaquin tunucoianfin nanfin unimacoin itiroquin. Ascacun Upa Diosin ahuunoa yoiyoni isca huaquin, —¡Aicho! Mian nicasharafain niyoshon mian noimisi. Ascashufin natian min ufu ipatiroquin, —ishon yoini.

Hebreos 12:7

Upa Diosin mato tapimapaiyai cuscan funaquima tapicahuun. Ascashu omitsiscafiacaquin shinanchacatamarocon tunucoincahuun. Ascano omitsiscaquin man tapitiro man Diospan facufo. Apafoan ato facu tapimatirofo cuscan nanscarifiaquin Upa Diosin noco cayacafi tapimani. ¿Rato facumun apan onaintimatiromaquin tapimasharashquin?

Lucas 24:6

Afanancai nunomafinquin. Manfin funiaquin.

Lucas 24:8

Ascaiton nan Jesús ato yoimisi cuscan shinanriscatanifo.

Gálatas 6:9

Futsafo shara huafafainquin unuyamacahuun. Ascashon isca huaquin shinanyamacahuun, —Mun imafofo shara huayomisi. Natian un ascaima. Afanan un asca huapaima. Nanscanonquin, —ishon anori shinanyamacahuun. Non ascai unuyamacun Diosin afi noco inanpaiyaitian noco inansharashquin.

1 Timoteo 1:20

Noco yora rafu nanscara rafuquin. Himeneo yafi Alejandro un ato Satanás inan ato onaintimanon. Ascashon tapinonfo afanan noco Ifo Jesús chaca huanonfoma.

Hebreos 13:22

Uhuun yoramishtichin un mato cunushona maton nomuran mato shinansharamashquin. Un mato chitoshta cunushona. Ascacun funaquima un mato cunushona cuscan ua nicasharacapun.