Hebreos 11:9 - Sharanahua: Diospan Tsain

⁹ Ascashon nan Diosin yoiyotiani cuscacoin icoinra huashu nan Diosin nichian mai ano nocoashu Abraham nan mai futsa aria yora futsa ahuun caifo cuscarama iyopaoni. Nannoashuri pano pushu tapasi cuscara muran iyopaoni. Ascan ahuun facu Isaac yafi ahuun shota Jacoborifi nanscara muran iyopaonifo. Upa Diosin Abraham yoini cuscan nan rafu nannoricoini ato yoini.

Hebreos 11:9 Referans Kwoze

Génesis 12:8

Ascatan nannoashu cai pushu rasi Betel ano noconi. Nanno fari oaiquiri machi ichaparasi ini. Nannori ahuun pano pushu pochini. Ascano Betel pushu rasi faricaiquiri icano pushu rasi futsafoan ahuun anu Hai fari oaiquiri ini. Ascashon nannori afanan Abram toquiri putsainishon Ifo Diosi ahuun anuhuunshon cufinni isca huaquin, —Uhuun Ifo Diosiran, —ishon Abram yoini.

Génesis 13:18

Ascaiton nicashon Abram ahuun pano pushufo nii ichapa ano foni. Ascashon nanno anuni Hebrón. Nocofunu ahuun anu Mamre arifi nanno chaimashta ica ini. Abram nocon Ifo Diosi yoisharapaiyaiton afanan toquirifo putsainishon Ifo Diosi cufinni ahuunoa yoisharanon.

Hebreos 6:17

Ascacun Diosin noco tapimapai ahuun tsain iconcoin fusti noco yoiquin isca huatiro, —Un mato yoiyotiani cuscan ashofin man ua icoinra huatiroquin, —ishon Diosin yoini. Ascacun non tapitiro noco yoiyotiani cuscan nannoricoincun. Ahuun tsain fiananantiroma. Ascashon yoiyotiani cuscan afanan yoiquin isca huani, —Unfin Diosicoinquin. Tsoancai ua finontiroma. Ascacun un mato yoiai cuscan man ua icoinra huatiroran, —ishon yoini icoinra huanonfo.

Génesis 18:9

Ascashon nan rafu non fustiton Abraham yocani, —¿Ranimun min ahuin Sara? —ishon yocaifoan. —Pano pushu muranran, —ato huaiton.

Génesis 13:3

Asca Néguev anoashu funainquimashta cafoicai Betel yafi Hai nushmancayan noconi. Nanno nocoshon ahuun pano pushu pochini. Nannori Abram toquirifo putsainini. Ascashon nocon Ifo Diosi nannoshon cufinshquin. Ascan nanno afanan nocoshon ahuun Ifo Diosi cufinni.

Génesis 35:27

Ascano Jacob apa Isaac pushu ano noconi. Apa pushu rasi Mamre ano noconi. Mamre anu rafu non fustiya ini. Ahuun anu futsa Arba futsari Hebrón. Nanno Abraham yafi Isaac ipaonifo.

Génesis 28:4

Upa Diosin min shota Abraham yoiyoni cuscan mia non min funafori nannori yoiquin. Nuno non icanocai nocon maima. Diosin min shota Abraham yoiyoni cuscan nan mai futsa noco inanshquin nocona inon, —ishon Isaac furu Jacob yoini.

Génesis 25:27

Ascano nan facu rafu yosini. Yosiashu Esaú cahuancacainmisicoin icain niimisi sharacoin ini. Ascan Jacobcai ascara inima. Pushu chaima fusti ipaoni.

Génesis 23:4

—Nunocai uhuun maima. Unricai mato caifoma. Ascan ua mai inancahuun uhuun ahuin mai huanon, —ishon Abraham ato yoini.

Génesis 18:6

Ascatan Abraham ahuun pano pushu ano ichoni Sara tapimaicai. Ascashon ahuin Sara yoini, —Ariscahuu. Veinte dos litros de harina firiscahuu ato misi huashoshquin, —ishon ahuin yononi.

Génesis 17:8

Nuno icanoafo min caifoma. Un nantifi nan mai Canaán min non min funafori un nantifi nan mai mato inain matona ipanaca. Unri min funafo aton Diosiri iishquinran, —ishon Diosin yoini.

Génesis 36:7

Ahuun ushto fu ina ichapayacoianshu chipocumaqui pashcacainni. Ahuun inafo ahua pimatiroma oin mai futsa ari cani.

Génesis 47:9

Ahuun fari yoini, —Uhuun fari ciento treinta. Nan ciento treinta farifiashu mun nan maitifi cahuacacaimisi. Uhuun upa yafi uhuun shunifo aton fari ua finonmainifoantan inifo. Unfin mun omitsiscapaoni, —ishon yoini.

Génesis 21:34

Filisteofo mai ano fari ichapa Abraham nan mai ano iyopaoni.

Génesis 31:25

Machi ahuun anu Galaad ano Labán Jacobqui noconi. Nanno pano pushu muran Jacob ica ini. Ascashon Labán arifi nanno pano pushu huani.