Hebreos 11:34 - Sharanahua: Diospan Tsain

³⁴ Ascan atirifi niaifo chacapan futsafo yonocun ato chi uru muran potamafiafo Diosin ato cushushara coinni coononfoma. Atirifi ato nopun rutupaifiaquicai tsoan ato anima. Ascano atirifi shaca fuacai isininfiaifoan Diosin ato mutsismani. Ascanocai nan ato noicasmaifoan ahuun ranushumuafo atoqui fufiaifoan nanfoancairocon Diosin curushhuunshon ato ichonifo ato ahuusca huanonfoma.

Hebreos 11:34 Referans Kwoze

1 Pedro 4:12

Uhuun yoramishtichin omitsiscafiai mustairiyamacahuun. Shinanchacayamacahuun. Man tunucoiainton oinquin Upa Diosin tapitiro man Jesús tanacoian. Ascacun shinanqui isca huayamacahuun, —Ahuuscain un omitsiscaimun, —ishon anori shinanyamacahuun.

1 Samuel 20:1

Ascano David Naiot Ramá mai anoashu Jonatán icano ichoni. Nocoshon yocani, —¿Un ahua chaca huamun? ¿Un min upa ahua chaca huamun ua rutupaiyai? —ishon David Jonatán yocaiton.

Éxodo 18:4

Uhuun facu futsa ahuun anufin Eliezerquin. Nan uhuun upan ahuun Diosifin uarifi numaquin Faraón ua non uhuun caifofoya rutupaifiaiton Diosin noco numa shara noco rutunonfoma. Nanscacufin uhuun facu un nannori anuaquin Eliezeran, —ishon Moisés yoini.

1 Samuel 19:10

Ascan ahuun ashin David tsacapaiquin curushcain tsacani. Asca canufainnicai David ichoacuncahuanaino ashi cunuhuu nitani. Ascaino nan yamu David ichoni Saúl rutunonma.

Salmos 124:7

Puiya trampa muran iquiashu caicaintiro cuscan norifi non samamashta carisca noco noicasmamisifoan noco ahuusca huanonma. Nan trampa cuscaran chacanaino non ichoa.

Lucas 21:24

Ato rutufain atirifi achicashon mai futsafoari ato nichishcani. Ato asca huatan a Israelifoma Jerusalén ano iyoshcani. Nan Diosin ato nasopaiyaitian Israelifo afanan Jerusalén ano fushcani. Yora futsafo afanan aton niaifo inonma.