Hebreos 11:25 - Sharanahua: Diospan Tsain

²⁵ Ascan Moisés aafin tapini Egipcio niaifo icashu fasi isharacain arifi ato futan fari ranan unimacain chaca huatiro. Ascafiacai Moisés ascapainima. Ascapaitamarocon shinanquin isca huani, —Uncai Egipciofo futan chaca huapaima. Ascatama uhuun caifo nan Diospan yorafo omitsiscaifo cuscan urifi un atofu omitsiscairan, —ishon shinanni.

Hebreos 11:25 Referans Kwoze

2 Corintios 5:17

Ratoran Cristo Ifohuaashu afin fiananancoian yora funacoin ishquin. Ipaoni cuscacai afanan aima. Nantian Cristo ahuun nomuran afanan funacoin cuscara huai.

1 Pedro 2:10

Mancai ahuashta nicayopaonima. Ascafian natian man Diospan yoracoinfo. Diosin matohuun ramapaifiaiton mancai muyopaonima. Ascafia natian Diosin matohuun ramapaiyaitofin man man mumisiquin.

Santiago 5:5

Mato yonomisifo omitsisca cuscan mancai ascatamarocon man niyoashu man fasi isharamisi. Ahuashtacai man yopamisima. Moipan ichapa pii shoatiro. Tapiama shoacun ifoan rututiro pinonfo. Nanscarifiai mancai niyoashu isharamisi. Unimacain ahuara apaiyai fustisi man amisi. Man tapiama ascara chaca huafiashu samamashta man nai omitsiscai futsushquin.

Santiago 1:20

Upa Diosin Furun cuscara shara noco imapaifiaino non sinaitocai noco imapaiyai cuscan noco imatiroma.

Hebreos 11:37

Ascashon atirifi toquirinin tsacaqui ato rutufain atirifi nisatinin ato shatufain nopurifi ato rutunifo. Atirifi ahuuomafoan chashoanun fichi sahuuti huasho sahuunifo. Ato omitsisca huaquin nansca huanifo.

Hebreos 10:32

Shinancapon uhuun yoramishtichin. Man tau huaquin Jesushuunoa tapifain man ifo huapaoni cuscari ointiaquimayamacahuun. Futsafoan mato Jesús tanatima huafiaino manrocon nocon Ifo Jesús man tanasharacoinpaoni. Ascashon mato omitsisca huafiainfono nanscara tunufain man nocon Ifo tanasharacoinmisi.

Hebreos 4:9

Ascacufin natiari Upa Diosin ahuun yorafo aton nomuran unimamapai isharanonfo.

2 Timoteo 1:8

Ascacun noco Ifohuunoa futsafo yoi rafipaiyamahuun. Un cunu muranfiano uhuun rafipaiyamahuun. Un ahuun tsain shara yoiaiton ua omitsisca huashcani. Ascafia Diospan curushhuunoashu min ufu ahuunoashu omitsiscashotiro.

Colosenses 1:24

Ascacun un fasi unimai un matohuunoashu omitsiscamisi marifi man ahuara ahuuscarafiaino Cristo tanasharanon. Cristo nocohuunoashu omitsiscani cuscan urifi afu rafumisifo nan Diospan yorafohuunoashu omitsiscamisi. Un matohuunoashu omitsiscaifin nantianri un Cristohuunoashu omitsiscaiquin.

Romanos 5:3

Ascatari non Jesushuunoashu omitsiscafiaquin non shinanchacaquima Jesús tununi cuscan non tunucointiro. Ascatan non unimatiro.

Lucas 16:25

Abraham cumani, “Upan, min shinainmamun min mai anoashu isharapaoni. Asca Lázarofin omitsiscapaoniquin. Asca natianfin Lázaro man isharaquin fasi unimasharacoinquin. Asca minfin natian fasi omitsiscaiquin.

Daniel 3:18

Ascan noco Diosin noco numaiyamainocai non min diosfo noipacunacama. Niaifon, nan nocofunu oro ointsa min ramihua non ahuun ointaifi maiqui fuoshonpacunacama cufishquin. Ascacun non mia cayacafi yoi min icoinra huanon, —ishon yoinifo.

Hechos 7:34

Uhuun yorafo Egipto ano omitsiscai cuscan mun oian. Man pashapaiyaifoan mun nica. Ascan un fotoa ato caimashquin. Natian un mia Egipto ano afanan nichicai.”