Hebreos 11:14 - Sharanahua: Diospan Tsain

¹⁴ Ascan nannori yoiaifoan non tapitiro nanscara yorafo nuno mai ano ipaitama Diosin icari capai afu ipashcaquin.

Hebreos 11:14 Referans Kwoze

2 Corintios 4:18

Ascano natian noco omitsisca huai cuscan non shinantamarocon nan non oinyomisima cuscara non shinain. Diosin icanoshon noco unimamapacunon non shinain. Ahuaraton noco omitsisca huai cuscan samamashta cuyotiro. Ascan Diosin chipo noco imai cuscan noco unimamai cuscacai cuyopacunacama.

Hebreos 13:14

Nuno nan mai anoashu non omitsiscafiaquicai non shinanchacaima. Man nonmain tapiashu nuno nan mai ano non ipanacama. Ascatan man non tapiari chipo Dios icari nocoashu non afu ipashquin. Ascacun nan non manasharamisi.

Hebreos 11:16

Ascan ari nasopaitama Dios icarirocon fasi shinannifo ari nocopaicaquin. Nanfoan tapinifo nanno fasi shara finacoian. Ascashon Upa Diosin nan icari ato itishara huashoano afu ipanonfo. Ascacufin atohuunoa ranotama yoini isca huaquin, —Unfin ato Diosiquin, —ishon yoini.

Filipenses 1:23

Nan rafu shara. Asca uncai catontiroma. Urifi un Jesús ari capaicoincain afu ishquin. Nan fasi shara finacoinfiashu un shinan man ua fasi yopacoin un mato ahuun tsain shara yoinon.

Éxodo 2:22

Ascano nantianri facu nanuni. Ascashu furonanfacu cainni. Cainyaintian Moisés yoini isca huaquin, —Nunocai uhuun maima. Un yora futsafo aton mai ano ica. Ascashofin uhuun facushta un anuquin Gersonran huaicai, —ishon Moisés yoini.

Hebreos 11:13

Nantifi na rama yorafohuunoa mato yoia cuscan afanan atohuunoa un mato yoi. Diosin ato yoiyoni cuscan fiashuma naanifo. Fiataiyamafiaquin Dios icoinra huanifoan chipo fiishcaquin. Ascacun Diosin ato yoiyoni cuscan aton nomuranshon oincoin cafiscai unimacoinnifo. Ascashon yoinifo isca huaquin, —Nunocai non ipanacama. Na mai anoashu nan mai futsa aria yora futsa cuscarafo nonran, —ishon yoinifo.

Hebreos 11:15

Ascan aton mai ipaoni shinantacani nasopai ari naso cuanifo.