Hebreos 10:13 - Sharanahua: Diospan Tsain

¹³ Ascashu nan Apa ari noconitian yafi natianrifi ato manaiyoi nan noicasmaifo Apa Diosin aton curush shatumaitian afanan ahuushta inonfoma. Ascano nantianri Jesús fusti nantifiton aton Ifocoin iishquin.

Hebreos 10:13 Referans Kwoze

Hebreos 1:13

Afanan Upan Diosin Furun yoiquin isca huani, “Min ufu niaifoaitiancai nan mia noicasmafoan afanan mia ahuusca huatirofoma. Minfin nantifi ato iquiniran,” ishon yoini. Asca anoricai ahuun oinmati afu nai muran icafo yoimisima. Ascashon Furun fusti catonni nantifiton aton Ifo inon.

Lucas 20:43

Mia noicasmaifoan min ato finoncoian. Un ato shatumashquin mia afanan ahuusca huatiroma. Min ato iquiniran,’ ” ishon Diosin yoini cuscan David cununi.

1 Corintios 15:25

Ascashon Criston nantifi nan noicasmamisifo ato finoaintian afanancai a noicasmamisifocai ahuashta ishcanima. Nantifitsi ato iquiyamaiton.

Marcos 12:36

Diospan Yoshin Sharanun David ahuun nomuran shinanmana cuscan yoini, “Upa Diosin uhuun Ifo Cristo yoini isca huaquin, ‘Minfin ufu niaifocoinquin. Mia noicasmaifoan min ato finoncoian. Un ato shatumashquin mia afanan ahuusca huatiroma. Min ato iquiniran,’ ” ishon Diosin yoini cuscan David cununi.

Mateo 22:44

“Upa Diosin uhuun Ifo Cristo yoini isca huaquin, ‘Minfin ufu niaifocoinquin. Mia noicasmaifoan min ato finoncoian. Un ato shatumashquin mia afanan ahuusca huatiroma. Min ato iquiniran,’ ” ishon Diosin yoini cuscan David cununi.

Daniel 2:44

Ascan nan niaifofo mani futsafo fu icaitian Diosin nan nai muran icaton ahuun yorafo ichanan huai. Nanfin ato niaifo iishquin. Tsoancai Diosin yafi ahuun yorafo potayamafain cuyopacunacama. Diosin ahuun yorafo futan nantifi niaifo futsafo ato shatumashqui afanan tsoa nipanonfoma. Ascanfia Diosin yafi ahuun yorafocai unupacunacama. Diosifin nantifiton niaifo ipanacaquin. Nantofi manifoti iquinaquin.