Hebreos 1:6 - Sharanahua: Diospan Tsain

⁶ Ascashon Furun mai ano nichini yoracoin inon ahuun oinmati nan afu nai muran icafo yoini isca huaquin, “Nantifi uhuun oinmati ufu nai muran icafoan, uhuun facu Jesús noicoincahuun. ‘Min uhuun Iforan,’ yoicahuun,” ishon anori ato yoini.

Hebreos 1:6 Referans Kwoze

Colosenses 1:18

Tsoancai Jesús finontiroma. Ahuashta oniataima nantifi finonyopaonishaquin. Natianrifi nantifi finoncoian. Aafin ahuun yorafo nan icoinra huafo ato Ifocoinquin.

Colosenses 1:15

Ascan noncai Upa Dios non ointiromafiano Furun Jesús mai ano oni. Ascashon Furunmun noco tapimani ahuu cuscaramain Apa Diosiquin. Ascan Furun Jesusfin nan Apa cuscaracoin. Ahuun ointi cuscarari. Ahuashtacai oniataima Apa Dios fu nai muran iyopaoni.

1 Pedro 3:22

Ascan natian Criston Apa fu ica niaifocoin ipashquin. Tsoashtacai finontiroma. Ahuun oinmati afu nai muran icafo non nantifi yoshinfo non aton niaifofori nantifi ato yoiai cuscan aashcaniquin.

Juan 1:14

Ascan Criston Apa Dios icanoashu mai ano oni yoracoin ishquin. Nocoashu no fu iyopaoni. Nantifi yorafo noimisi. Nocohuun ramapaicoin. Ahuun tsain iconcoin. Arusu fustifin Upa Diosin facucoinquin. Apa Dios shara imisi cuscan arifi nanscacoinmisiquin. Man non oinpaoni.

Romanos 8:29

Non Jesús Ifo huataima Upa Diosin tapiyoni ratofoanmain icoinra huaicain. Icoinra huaafotaima shinanni isca huaquin, —Nanfo uhuun facu cuscara un ato imashquinran, —ishon shinanyoni. Ascashon Furun Jesús funimaqui tau huani. Ascashon nocorifi funimashquin a cuscara non inon ahuun chipo facufo inon icai.

1 Juan 4:9

Upa Diosin nocohuun noiquin noco ismani isca huaquin. Ahuun Furun fusti manifoannatihuunshon nichini ahuunoashu non afu nipanon.

Juan 1:18

Tsoancai Upa Dios oinmisima. Ascafia ahuun Facu fu rafumisiton ahuunoa noco yoimisiquin. Ahuunshon non tapitiro ahuu cuscaramain Upa Diosiquin.

Hebreos 10:5

Ascacufin Criston Apa Dios icariashu mai ano fotoataima iquisi Apa yoiquin isca huani, “Upan, mincai fuchipaima moipan imihuunshon chaca soanonfo. Ascacun mian chipo yorafoan caya cuscara onihuashoin un mia ufiri inanmunon. Ascashu yorafoti un naashoshquin ato chaca soashoshquin.

Juan 3:16

Unfin Upa Diosin Facu fustiquin. Ascafiashu nantifi yorafohuun fasi noiquin ua nichini atohuunoashu un nanon. Nan ua icoinra huafoti omitsiscapatamarocon Upa Dios fu ipasharanonfo.

Hebreos 1:5

Upa Diosin ahuun oinmati afu nai muran icafocai yoiqui, “Man uhuun facunatoncoinforan,” ato huamisima. Furun fusti yoiqui isca huani, “Unfin min upaquin. Minfin uhuun facucoinquin,” ishon Furun yoini. Ahuun oinmati afu nai muran icafohuunoacai anori yoimisima.

Mateo 24:14

Ascano nan tsain shara Diosin nantifi yorafo iquinai cuscan manifoti uhuun tsain yoimisifoan yoiaitian un afanan oshquin.