Hebreos 1:14 - Sharanahua: Diospan Tsain

¹⁴ Ascano Upa Diosin nan ahuun oinmati afu nai muran icafo yononi noco cushusharanonfo. Ratoranfoan Jesús ifoancanashu afu ipatirofo. Diosin yononi nanfo ahuun oinmati afu nai muran icafoan ato cushusharanonfo.

Hebreos 1:14 Referans Kwoze

Salmos 34:7

Asca tsoan Ifohuunoa yoisharafafainmisifin naanquifin Ifo Diosin ahuun oinmati nai muran a fu icano aqui nichishquiquin nan cushusharanon.

Mateo 18:10

Facufohuunoa isca huaqui shinanyamacahuun, “Na facucai ahuamaran,” ishon atohuunoa shinanyamacahuun. Un mato cayacafi yoi Upa Diosin ahuun oinmatifoan facufo cushusharafafainmisifo. Nan oinmatifori Upa Dios fu ifafaincani.

Daniel 6:22

Uhuun Diosin ahuun oinmati a fu nai muran icaton ua nichian. Uhuun Ifo Diosin ua oian un ahua chaca huayamafain min ointaifiricai un ahua chaca huamisima. Ascan uhuun Ifo Diosin ahuun oinmati a fu nai muran imisiton masharofo atushcuru acainocai ua ahuusca huatirofomaran, —ishon Daniel yoiaiton.

Hechos 27:23

Un mato yoiai cuscan Diospan oinmati afu nai muran icaton ua yamu tapimana. Unfin Diosin ahuun yoraquin. Un ahuun oinmati. Yamu ahuun oinmati nai muranshon uqui nichian ua yoinon.

Hechos 5:19

Iquifiafoan yamu nacucahuanaino Diospan oinmati afu nai muran icaton atoqui nocoshon ato yoini, —Dios fu tsainti pushu anoshon ato yoitacahuun. Ahuuscashomain nocon Ifo Jesús ato nimapacutiroquin ato yoitacahuun, —ato huani. Yoitan ato cunu fupotifo fupushoni. Fupushonano cain furanifo.

Hechos 12:7

Ascantapaiyaino Diosin ahuun oinmati afu nai muran ica cunu muran niriscatani. Faquishfiashu punariscatani. Ascaino Pedro moinpaiquin pipasni, —Funiriscahuun, —huaino ahuun cuno mupucumuriscatani.

Lucas 1:19

Afanan cumaquin, —Unfi Gabrielquin. Un Dios fu imisi. Ascacun nanton ua nichian un ahuun tsain shara mia yoinon.

Mateo 1:20

Nanscara ahuun nomuranshon shinanfiaino ahuun namapan Diosin ahuun oinmatinin afu nai muran imisi aqui oshon yoiquin isca huani, —José minfin David funaquin. Ascacun shinanchacaquima María fihuu. Nan facu nanuafin Diosin Yoshin Sharapan nanumanaquin.

Daniel 3:28

Ascaifoan oinquin niaifo Nabucodonosor yoini isca huaquin, —¡Aicho! Sadrac non Mesac non Abed-nego aton Diosi fasi sharacoin. Ahuun oinmati a fu nai muran icaton nichia ahuun oinmati rafu non fusti nunoa numanon. Un yonoa cuscan huatamarocon aton Diosi icoinra huacashon man shinanfo isca huaquin, “Non natirofiashu non Dios fusti icoinra huaino noco yoiai cuscan aashquin. Noncai diosiran huafo icoinran huaima noco yoiaifo cuscan non aima. Noncai nanfo cufinmaran,” ishon yoinifo.

Lucas 16:22

Ascashu Lázaro naani. Naacun Diosin oinmati afu nai muran icafoan ahuun yoshin Dios icari iyonifo. Nannori Abraham ica ini. Ascashu nan mafo ichapayari arifi naacun mai huanifo.

Hechos 12:23

Herodescai, —Un Diosinma. Dios fustifin shararan, —inima. Asca huaifoannocai Diosin oinmatinin afu nai muran ica yonoa isinin imariscatani. Noinmanhuarasi ahuun shaqui muran fospitanaino nariscani.

Lucas 2:9

Ascaino atoqui nocon Ifoan ahuun oinmati afu nai muran icafo fotoi chashapacucahuani. Faasi funununnoafo Diosihuunshon ato chashariscatani. Ascaino nan chashoanfo cushumisifo fasi ratui futsunifo.

Lucas 2:13

Ato yoiqui unutapaiyaino samamashta atirifi Diosin oinmati afu nai muran ica atoqui cuyopacunifo. Ascashon Diosihuunoa yoisharacaquin isca huanifo.

Mateo 2:13

Man fishihuunoa tapicoianfo atomaquinoashu foafono Diospan oinmatinin afu nai muran imisi José ahuun namapan yoiquin isca huani, —Funinaca huahuun. Nan facu yafi ahua Egipto ano iyoriscatahuun. Ascashu nanri iyohuu nan un mia afanan yoiaitian. Nan Herodes facu funaiqui rutushquin, —ishon Diospan oinmatinin José yoini.

Tito 3:7

Ascano Diosin nocohuun ramapaiquin yoini isca huaquin, —Uhuun facu mia nashoni. Min chaca mia soashoshquin. Ascacufin natiancai mihuun ahua nuamaran, —ishon yoini. Ascacun norifi non ahuun facufo icaino non afu ipatiroquin.

Apocalipsis 5:6

Ascatan nannori chashoan cahuashara fustifia ahuun masho siete nantirifi ahuun furo un oian. Rutuafo ointsafia Diospan tsaoti ano nia ica. Nannorifi nan rafu non rafuri Diosin onihua yafi nan veinte cuatro icoinra huafo cushumisifoan tarati huayacunafo. Tsoa futsacai a cuscarama. Nanton ahuamamishti huatiro. Diosin Furun manifoti ano nichian ahuun Yoshin Sharahuunshon nantifi yorafo onancoinon.

1 Pedro 1:12

Diospan Yoshin Sharapan ato tapimani man inonpacoai yoini nanfoan niyocashon oinyotirofoma. Ascatamarocon afoan oinyamafiaino mancaifin oinshquiquin. Ascan nan tsain shara Jesushuunoa nantififain man non nicamisi. Upa Diosin icanoshon ahuun Yoshin Shara nichini ahuun curushhuunshon mato Jesushuunoa yoimisi. Nan man nicamisi cuscari Diospan oinmati afu nai muran icafoanri tapipaicoincani.

Mateo 25:34

Ascatan un Niaifoshon nan ua tanamisifo un yoiqui isca huashquin, “Uqui fucahuun. Uhuun Upa Diosin mato unimamanon. Nan mai onihuaitian matohuunoa shinanquin isca huani, ‘Un icano un ato iquimanonpacoi uhuun yorafo inonfo. Uhuunafori atona inonpacoiran,’ ishon Upa Diosin shinanyoni.

Judas 1:14

Ascan Adán nan Diosin onihuaquin tau huani. Anoashu siete facu pacuafo. Ascano ahuun unutani ahuun anu Enoc ini. Nan Enoc nan chanimisifohuunoa inonpacoai cuscan yoiquin isca huani, —¡Oincapon! Nocon Ifo oi. Nan afu nai muran icasharafori ichapacoin afu fucani. Tsoancai ato tanan huatiroma. Nantian nantifi yorafo yoipacushquin niyoshon man amisi cuscan.

1 Pedro 1:4

Ascashon Upa Diosin noco yoini cuscan noco numapacunaca non afu ipanon. Diosin ica cuscarifiai norifi non aqui nocoaitian a cuscara shara iishquin. Noco imapacuai cuscan unupacunacama icain chacapacunacama icain sharapacunaca fusti. Charofo sharashta iyofiashu chipo tsasi futsutiro. Ascan noncai charo cuscarama. Chipo noco Diosin imashquin cuscacai fianananpacunacama. Non afu isharapacunaca.

Hebreos 6:17

Ascacun Diosin noco tapimapai ahuun tsain iconcoin fusti noco yoiquin isca huatiro, —Un mato yoiyotiani cuscan ashofin man ua icoinra huatiroquin, —ishon Diosin yoini. Ascacun non tapitiro noco yoiyotiani cuscan nannoricoincun. Ahuun tsain fiananantiroma. Ascashon yoiyotiani cuscan afanan yoiquin isca huani, —Unfin Diosicoinquin. Tsoancai ua finontiroma. Ascacun un mato yoiai cuscan man ua icoinra huatiroran, —ishon yoini icoinra huanonfo.

2 Tesalonicenses 1:7

Ascashu nocon Ifo Jesús mai ano nasoaitian noco numai oshquin non afanan omitsiscapanonma. Nan oaitianri ahuun oinmati mutsisipafori nai ariashu afu fotoshcani. Ascaino nantifi ahuun yora nan cuscara sharacoinfo aqui unimacaquin ahuunoa non yoiquin isca huashquin, —¡Aicho! Nocon Ifo Jesús tsoa futsacai mia cuscarama. Min nantifi finoncoian. Min sharacoin. Non mia noiran, —ishon non yoishquin. Ascan non mato Jesushuunoa yoipaoni cuscan man man icoinra huaa. Ascashu nan Jesús nocoaitian marifi man noco futan yoisharashquin. Ascan nantianri Apa Dios icoinra huayamafain ahuun tsain shara ahuunoa yoiaifo cuscan nicacasmamisifo omitsiscapanacafo muran ato potashquin. Anoashucai tsoa raqui fopanacama. Nocon Ifo Jesús icanoricai nocopacunacafoma. Ahuun curush shararicai tsoan oinnacama.

Filipenses 2:25

Ascano manfin uqui Epafrodito nichiniquin un yopai cuscan ua ashonon. Ascacun nanfin uhuun ushto cuscaracoinquin. U futan Diosin tsain yoifafaini. Afin fasi mato shinain. Ascan un shinanracafin afanan un mato ari nichishquin.

2 Corintios 9:12

Man ato shara huai cuscan nan ahuuomafoan fiishcani. Ficashon unimacai yoishcani, —¡Aicho! Upa Diosin min noco shara huamisiran, —ishon yoishcani.

Romanos 15:27

Unimacaquin ato inanpaiquin. Yoinifo isca huaquin, —Jerusalén anoa Jesushuunoa yoimisifoan nocoqui nichini. Noco nichiamacun na tsain shara non nicacuanama. Ascacun nan non aya cuscan nofiri non ato inanpai ato shara huaquin, —ishon yoiaifoan.

Romanos 13:6

Diospan oinmatifo cuscara mato shafatifi yonoshcaquin man isharanon. Ascacun mato pui yocaifoan ato inancahuun ahuunshon mato shara huashononfo.

Hechos 13:2

Ascan shafa futsaino nanfo ichananshon piqui tununifo nocon Ifo Jesús cuficani. Asca huaifono Diospan Yoshin Sharapan yoini, —Un Bernabé yafi Saulo catoan ua yonoshononfo. Ato cufishocahuun. Ascan un ato tapimatiro un ato yonomai cuscan, —ishon ato yoini.

Hechos 11:22

Ascano Jesús icoinra huafo Jerusalén anoa nicacaquin Bernabé Antioquía anoshon nichinifo.

Lucas 1:23

Ascashu yorafohuunshon Dios cufimisifo ato yono anaiticatan Dios cufiti pushu murannoashu fonifo. Ascaino Zacarías arifi ahuun pushu ano cani.

Mateo 24:31

Ascaino nantianri uhuun oinmatifo ufu nai muran icafo un nichishquin aton manuti fasi curushcai chaan chaan acaino uhuun yorafo manifoti anoafo yafi nai murannoafori uqui fushcani.

Mateo 13:41

Uhuun oinmatifo ufu nai muran icafo un nichishquin nantifi futsa chaca huamamisifo yafi nan chaca huafafainaifo uhuun yorafomaqui ato pashcashcani.

1 Pedro 3:7

Nocofunufoan marifi nanscarifiai maton ahuinshtafo fu isharacain shara huafafaincahuun. Atohuunoa shinansharacahuun. Ainfofocai nocofunu mutsisipa cuscarafoma. Ascashon ato cushusharacahuun. Diosin matohuun ramapaiyaino man afu ipanaca. Maton shara huaa cuscari Upa Diosin maton ahuinfori nanscarafosi sharashta huashoshquin afu ipanonfo. Ascan ato shara huacahuun man Dios cufiain cuscan mato ashonon.

Santiago 2:5

Ascacun uhuun yoramishtichin ua nicasharacapun. Un matohuun noicoinshon un mato cayacafi shinanmasharapai. Yora ahuuomafohuunoa nan icoinra huamafoan shinanmisifo isca huaquin, —Nan ahuuomafocai ahuamaran, —ishon shinancani. Upa Diosincai atohuunoa anori shinainma. Nanfifin yora ahuuomafo catoan Jesús icoinra huacoinonfo. Ascacun nan ahuuomafoan Upa Diosin noicoiainfoan ato yoiyoni cuscan nantifi ahuunafori atona iishquin.

Hebreos 10:11

Ascan nan atohuunshon Dios cufimisi Israelifoan shafatifi inafo rutupaonifo Upa Diosin aton chaca soashonon. Ascashon nanfoanrifi shafatifi aton yorafohuunshon ahuarafo Dios inanfafainpaonifo. Ascafiaquicai nanfoan ato chaca soashopacunacama.

Hebreos 8:6

Ascafia Diosin Furun Jesús yononi cuscan nan Moisés yononi cuscan finoncoian. Ascacun Jesús Apa icarishon nocohuunoa Apa cufifafaini nocon chaca soashonano non afu ipanon. Ascan Levipan funafoancai asca huapaonifoma. Upa Diospan Furun Jesús yoiyotiani cuscacai ato yoimisima. Ascano atorifi yoiyotiani cuscan sharafiashu nan Furun yoiyotiani cuscacaifin fasi shara finacaiaquin.

Hebreos 6:12

Ascacun tushcuicaquima nan Diospan yora futsafoan Jesús icoinra huacoincashon ato yoiyotiani cuscan manasharamisishacaquin man ahuun Yoshin Shara fiafo aton nomuran unimamanon. Ascan marifi atohuun caocahuun Jesús tanasharacoinshcaquin.

Hebreos 5:9

Nocohuunoashu omitsiscafiaquin Apa Diosin yoiai cuscan nicacoinni. Ascashon yorafo ismani ahua chaca huamisima. Ascashu ishara fustimisi. Ascashu nocon Numamisi sharacoin itiro. A nicasharaifoti Upa Dios fu ipatiroquin.

Filipenses 2:17

Un mato yoisharamisi man Jesús icoinra huacoinnon. Asca Upa Dios un yoitiro isca huaquin, —Upa Diosin, mian yononi cuscan un Filiposofo min Furun Jesushuunoa yoimisi. Nan icoinra huanonfo min ato yoiai cuscan acoinonfo. Un ato mia icoinra huamahuunshon ua rutushquicaniran, —ishon un Upa Dios yoitiro. Ascano ua rutufiafo uhuunshon man Jesús icoinra huano un unimatiro. Ascacun marifi ufu unimacahuun Diosin ua shara huaino un matohuunoashu natiro.

Efesios 3:6

Ascan nan tsain sharacai tsoan Jesushuunoa tapiyopaonima. Ascan mani futsafori Upa Diosin yorafo itirofo. Ascacun natian matorifi Diosin tapimai. Israelifo yafi mani futsafo Jesushuunoashu Diospan yora fusti cuscarafo. Ascano Upa Diosin uhuun caifo Israelifo yoiyotiani cuscan Jesucristohuunshon manifoti nanscarifi huaquin inantiro.

Gálatas 3:29

Ascan man Cristo ahuun yorashu marifi man Abraham funafo itiro. Ascaino nantifi Upa Diosin Abraham yoiyoni cuscan matonnari itiro.

Gálatas 3:9

Ascashon Abraham icoinra huamisicun Upa Diosin a shara huashomisi. Nanscarifi aquin icoinra huafoti ato shara huashomisi.

Gálatas 3:7

Ascacun tapisharacahuun. Nan icoinra huafoti Abraham facu cuscarafo.

Romanos 8:17

Non ahuun facufocun Apan ahuun facucoin inantiro cuscan nocori inanshquin. Criston ahuun Furuncoinin noco fasi omitsiscashoni. Omitsiscafianishaquin natian Apa Dios fu isharapacunaca. Nantifi Apanari ahuuna. Ascano norifi ahuunoashu natian non omitsiscafiai norifi chipo non afu Upa Dios ano isharapacunaca. Apan Cristo inan cuscari norifi non ahuun facufocun nocori inanshquin.

Hechos 16:26

Ascatanaino fasicoin mai nayanaiyainacahuani. Ascaino a cunu ahuun quishifo tsucu tsucusini. Ascatanaino cunu fupotifo afincoin fupucui futsuni. Ascatapaiyaino cunopan ato munushafo afincoin oshoriquitan mushorimuni.

Génesis 32:24

Ascano yamunacucahuanaino nocofunu aqui noconi a fu achinanshu shafacoinnifo.

Mateo 4:11

Asca huaino Satanás Jesusmaquinoashu caino Diosin ahuun oinmatifo afu nai muran icafo aqui fotonifo pimashcaquin.

Marcos 10:17

Ascano nocofunu aqui ichotoshini. Ichotoshitan ratoconun mai chachishon yoini, —Tapimamisiton, minfin sharacoinquin. ¿Unmun ahuuscatiroquin Dios fu ipashquin? —ishon yocaiton.

Romanos 11:14

Uhuun caifori un yoimisi Upa Diosin ua matoqui nichini. Man unimaiton oincani afoanri mato shutipaitirofo Jesús icoinra huapaicaquin.

1 Corintios 1:21

Tsoanshtacai aton shinanpan Dios onantirofoma. Diosin fustitofin nantifi tapisharacoianquin. Icoinra huamafoan yoiquin isca huafo, —Jesús icoinra huafoan ahuunoa yoiafo fasi amaquiriran, —ishon yoifiafo Diosin nocon chaca soashona non afu nipanon nonfin icoinra huaicai.

Hebreos 2:3

Diospan nai oinmatifoan ato yoini cuscan nicacasmaifoan ato onaintimani. Nanscarifi huaquin Furun nan nocon Ifo Jesús noco yoini cuscan non nicayamacaiyaiton mimacai huaquin noco onaintimashqui. Ascan nantorifi yoini nocohuunoashu chipo nashquiai. Ascashon noco chaca soashonano non afu ipanon. Ascano yoiaiton nicacashon afu rafumisifoan nannori noco tapimani.

Hebreos 9:28

Ascashu Cristo aafiri inanmucain noco nashoin fustini. Yora ichapafohuunoashu omitsiscacai noco nashoni. Ascafia chipo afanan ahuun yorafoqui mai ano nasoshquin. Ascanishaquin nantian afanan nocohuunoashu naima nocon chaca soashquin. Ascatamarocon ratoranfo aqui unimacai manaifoan ato numashqui afu ipanonfo.