Hebreos 1:1 - Sharanahua: Diospan Tsain

¹ Uhuun yoramishtichin un mato cunu fomai man tapinon. Upa Diosin noco shunifo yoipaiyai cuscan ahuun tsain yoishomisifo yoiyopaoni ato tapimanonfo. Namapahuunshon ato yoifain namapan cuscarahuunshon ato yoifain ahuun nai oinmatihuunshon ato yoifain ahuun oicoinin ato yoipaoni.

Hebreos 1:1 Referans Kwoze

Lucas 24:27

Ascacun tau huaquin ahuunoa Moisés cununi cuscan yoifain Diosin tsain yoimisifoanri ahuunoa cununifo yoifain nantifi Diosin tsain ahuunoa cununi cuscan atofu cafoquin shafacafi ato yoifoni.

Hechos 2:30

Ascafiano David inonpacoai cuscan Diosin tsain yoiyopaoni. A Diosin yoiyotiani cuscan tapia ini. Diosin yoiyoni chipo ahuun funari niaifocoin ishqui oi. Nocon caifo Israelifo a cuscarari nocon niaifo inon. “Un mia icon yoi min funa chipo mia cuscarari min caifoan aton niaifocoin inon,” ishon Upa Diosin David yoini. Diosicai tsoa paratiroma David tapini.

Hechos 13:32

Nan tsain shara ahuunoa non mato yoi. Upa Diosin nocon shunifo yoiyoni cuscan nonfin aton funafoquin noco ashoan. Jesús funimana. Diosin tsain nan Salmo rafu yoini isca huaquin, “Min uhuun facu. Natian un nantifi un ismai un mihuun noiai cuscan oinonfo un min Upacun,” ishon cununi.

Génesis 3:15

Nan un mia yoiai cuscafin ainfo fu min noincasmatananpacunacaquin. Nan chipo oniafo furifin min noincasmatananpacunacaquin. Min ato tau chichoco nasaiton mia mapo coshapacunacaforan, —ishon yoini.

Hebreos 2:2

¡Shinancapon! Diosin nocon shunifo oinmatifo afu nai muran icafohuunshon ato tapimani. Ascafia ato yoini cuscan tsoan nicayamaiton Diosin ato onaintimacoinni.

Lucas 1:72

Ascashu noco shunifohuun Diosin ramapaipaoni. Abraham yoiyoni cuscacai Diosin ointi aquimanama. Yoiquin isca huani, ‘Un min funafo numashqui ato noicasmaifoan ato ahuusca huanonma. Ascano ratutama ua yonoshopacutirofoquin,’ ishon Diosin yoiyoni. Nocon Ifoan yoiyotiani cuscacoin man noco ashoin non isharacoincain non ahuun tsain tanapacushanon,” ishon Zacarías yoini.

Hechos 28:23

Ascatan —Non chipo mifu ichanantiroran, —huanifo. Ascano yora ichaparasi Pablo icano funifo nicacani. Funamanri yoitiashon ato yamu huani. Upa Diosin iquinaino ato yoifain Moisés cununi cuscan yafi Diosin ahuun yoishomisi futsafoanri Jesushuunoa cununifo cuscan ato icoinra huamapaiquin.

Juan 9:29

Non tapiafin Diosin Moisés fu tsainpaoniquin. Noncai a Jesús tapiamafinquin. Tii ahuu cuscararanfinquin a nocofunucai non tapiama, —huaifoan.

Juan 7:22

Un tunutitianfiacun ahuara shara huaa cuscan marifi tunutitian ahuara man huamisi. Moisés noco yononi cuscan manfin maton furonanfacufo rama caian ocho osha finoanno maton furonanfacufo man ato foshqui rupa shatumisiquin.

Lucas 24:44

Ascashon afanan ato yoini, —Munfin mato yoiyomisiquin. Uhuunoa Moisés non Diosin tsain yoimisifoan non fanainti uhuunoa cununifo cuscan nanscacoinfin un aiquin, —ishon Jesús ato yoini.

Génesis 6:3

Ascafia nocon Ifo Dios yoiqui isca huani, —Un yorafo oiancai sharama. Ascacucai un ato afanan chai nimapacunacama. Uhuun Yoshin Sharapan ato shinanmasharapaifiaino chaca huariacani. Ascacuncai un ato chai nimapacunacama. Ciento veinte fari fustiton nitirofoquin, —ishon Dios yoini.

Juan 16:13

Ascafiatan Diospan Yoshin Shara matoqui oshon mato ahuarashta Diosin tsainhuunoa mato tapimashquin. Aafin iconmisicoinquin. Ahuunshon mato yoitama uhuun Upan yoia cuscan nannoricoin mato tapimai. Inonpacoai cuscari mato tapimai.

Hechos 3:21

Ahuun yonoshomisifoan nan inon pacoai Jesushuunoa yoinifo isca huaquin, “Upa Diosin yoiyotiani, ‘Un chipo nantifi funa shara imai. Afanan ahua chaca inonma. Un asca huayoai chain uhuun facu ufu nai muran iyoiran,’ ” inonpacoai cuscan Diospan tsain yoinifo.

Hebreos 2:3

Diospan nai oinmatifoan ato yoini cuscan nicacasmaifoan ato onaintimani. Nanscarifi huaquin Furun nan nocon Ifo Jesús noco yoini cuscan non nicayamacaiyaiton mimacai huaquin noco onaintimashqui. Ascan nantorifi yoini nocohuunoashu chipo nashquiai. Ascashon noco chaca soashonano non afu ipanon. Ascano yoiaiton nicacashon afu rafumisifoan nannori noco tapimani.

Hebreos 3:5

Ascan Moisésfin Upa Diospan oinmatiquin. Upa Diosin ahuun yora nan Israelifo ato yonopaiyai cuscan iquisi Moisés yoiyoni. Ascacun arifi nantifi ato yoinon. Inon pacoai ato yoipaiyai cuscan Moisés tapimayoni ahuun caifori ato yoinon.

Hebreos 4:8

Ascashon Josué ahuun caifofo aton mai ano iyoni nannoashu isharanonfo. Ascafia nan maicoinhuunoacai Diosin chipo noco yoima. Nan Israeli maihuunoa yoiquicai isca huacuanima, —Natian man ua nicasharaquicai afanan man shinanchacaima. Ascatamarocon maton nomuran unimacain ufu man rafucacaishquinran, —ishoncai yoi cuanima.

Hebreos 5:5

Nanscarifiai Cristocai afiri catonmunima yorafohuunshon Dios cufimisi niaifocoin iishquin. Ascatama Apa Diosin catonquin isca huani, “Min uhuun facucoin natian un mia catoan nantifiton aton Ifo min inon,” ishon Apa Diosin yoini.

Hebreos 9:19

Upa Diosin Israelifo yonoai cuscan nantificoin Moisés ato tapimafain ato yononi. Ascashon nantifi ato tapimaqui anaitishon nii uhuapamashta futsan ahuun anu hisopo ahuun ponya uhuapamashta fini. Fishon moipan facun ahuun imi yafi unu osishon nan hisopo ponyamishti pishtanufain chashoanun rani amuran pocotan Diosin yononi cuscan ahuun papio cunuaqui imin fasha fashafain Israelifoquiri imin ato fashacuni. Ascashon ato yoini isca huaquin, —Nan imihuunshon man tapitiro Upa Diosin noco yoiyotiani cuscacoin ashu non afu ipatiro. Ascashu non ahuun yorafo itiroran, —ishon Moisés ahuun caifofo yoini.

Hebreos 11:2

Ascacun nocon shunifoan Diosin ato yoini cuscan fasi icoinra huacoinpaonifo. Upa Diosin atoqui unimacoinquin atohuunoa tsain shara yoini.

Hebreos 12:25

Ascacun ¡Oinfain! Diosin mato yoipaiyai cuscan nicatimayamacahuun. Nan mai anoshon nocon shunifo Moisés ato yoini cuscan nicayamaifoan Upa Diosin ato onaintimani. Ascashu na mai anoashu Moisés noco cuscara cainni. Ascan Jesuscai ascarama. Apa Dios icariashu nocoqui fotoni. Nanton noco yoiai cuscan non nicayamaino fasi musucoin. Ascan non Furun nicayamacaiyaiton Upa Diosin noco onaintimaquin finacoin.