Génesis 6:6 - Sharanahua: Diospan Tsain

⁶ Asca huaifoan oin nocon Ifo Diosin ahuun nomuran fasi isincoin muuquin yoini, —¡Ohua! Un yorafo oni huanima shara icuanaran, —ishon shinanni.

Génesis 6:6 Referans Kwoze

1 Samuel 15:11

—Saúl ua tanasharayamafain un yonoa cuscan afanan ua nica sharaima. Ascan uhuun nomuran mun fasi shinain. Un Saúl catonyamani niaifo icama shara icuanaran, —ishon nocon Ifo Diosin Samuel yoiaiton nicaquin Samuel arifi fasi shinancoinni. Yamutishon nocon Ifo Diosi cufinshini.

Efesios 4:30

Diospan ahuun Yoshin Shara matoqui nichini matofu rafupacunon Jesucristo oaitian afu man ipanon. Ascacun ahuunshon tapitirofo non Diospan yorafocun. Ascano man natian icai cuscan aquin Diospan Yoshin Shara ahuun nomuran omitsiscamayamacahuun.

Hebreos 3:10

“Un ato ahuara ismafiaitocai ua tsoan nicapaonima. Uarocon nicacasmapaonifo. Ascaifoan oinquin un mato shunifoqui sinapaoniquin. Nantianri un yoini isca huaquin, ‘Nanfoan aton nomuran amaquiri shinanchacamisifo. Ua tanatama. Un ato shinanmapaiyai cuscacai tsoan tapipaonima.’

1 Samuel 15:29

Nocon Ifo Diosin arus fusti sharacoin. Ahuunoashu fusti Israelifo isharatirofo. Nancai chanimisima. Nocofunun afanan shinan futsatiro cuscacai nocon Ifo Diosicai ascarama. Nancai shinan rafuyama. A shinain cuscaracai fianananpacunacama, —ishon Samuel Saúl yoini.

Éxodo 32:14

Nannori Moisés huaiton nicaquin nocon Ifo Diosin shinan futsani. Ascashocai Israelifo cuyonima. Nan ato yoia cusca ato rutuqui cuyopaifiaquin.

1 Samuel 15:35

Ascan nan Samuel naitiancai afanan Saúl oinnacama. Afanan oinyamafiaquin fasi ahuunoa shinancoinpaoni. Nocon Ifo Diosinri ahuun nomuran fasi shinancoinni. —¡Ohuashta! Un Saúl Israelifoan aton niaifo imanima shara icuanaran, —ishon Diosin shinanni.

Santiago 1:17

Nocon Upa Diosin nai muran ifiashon nuno mai ano noco shara huashofafaini. Nantofin nantifi noco oni huashosharaniquin. Fari non oshu non fishifo non nantifi chashaifoti Upa Diosin onihuani. Ahuara shara futsaforifi nantifi noco onihuashoni. Noco shara fustisi onihuashoni. Nanscarifiai fari tsacaino nocon yoshin samamashta fiananantiro. Asca Diosincai fianananpacunacama. Ascataricain ointi rananya ipanacama. Nanscasipacunaca.

Hebreos 3:17

¿Tsoafoquimun Upa Diosin cuarenta fari sinaniquin? Ascano nanfoanfin Dios nicacasmafain chaca huapaonifoquin. Ascaifoan Upa Diosin tsoa istaipamashon nantifi ato namapacuni.

Romanos 11:29

Upa Diosin nocon caifo inanonpacoai cuscan yoiyonishaquin afanan shinan futsanpacunacama.

Génesis 6:7

Ascashon nocon Ifo Diosin yoiqui isca huani, —¡Ohuashta! Un yorafo oni huafian man chaca huaifohuunshon uhuun nomuran un isincoin mui. Ascacun nantifi yorafo mai ano icafo un ato cuyocoin. Nantifi yorafo cuyofain yoinafo cuyofain yoina naman sharaifori cuyofain puiyafori un cuyoshquiran, —ishon nocon Ifo Diosin yoini.