Génesis 6:14 - Sharanahua: Diospan Tsain

¹⁴ Ascacun nan ihui ahuun anu cipris shashohuan huahuu. A muran cunufo huahuu. Ascashon ocumuran yafi ahuun pishiri foin foyaquin shara huahuu a muran unu iquinonma.

Génesis 6:14 Referans Kwoze

1 Pedro 3:20

Ascan nan Noén shashohuan huai chain Diosin funaquima yorafo manayopaoni aton chacamain shatucaniquin ahuun tsain icoinra huashcaquin. Ascan Noén fustiton ahuun yorafo yashon nicacoinnifo. Ocho yora shashohuan muran iquinifo asashcaquima. Ascaino atirififoancai tsoanshta Dios nicapainima. Ascano faitahuan nocoaino asai futsunifo. Cristo funiataima aton yoshin icafo muran cani ahuun tsain ato yoishquin.

Lucas 17:27

Ascan nantian Dios shinantama pisharafain ayafain fianansharacainaifoanno faitahuan noconi. Nanscasi ariaifoanno. Noé ahuun shashohuan muran iquitapaiyaino oinhuanrasi furiai unuyamacaiyaino faitahuanun nantio manifoti unuhuan marafumuni. Ascaino asai futsunifo.

Mateo 24:38

Ascano nantian tsoan Dios shinantama pii sharafain ayafain fianansharacainaifoanno. Fai tahuan noconi. Nanscasi ariaifoanno Noé ahuun shashohuan muran iquini.

Éxodo 2:3

Ascano oshu rafu non fusti finoannocai tsoan afanan onutiro inima. Ascatan shihuati ocumuran nafuqui shara huashon aqui foin raishani unu iquinonma. Ascashon nan muran ahuun facu ratani. Ascatan unu Nilo cusumunri nushachifo muran notani.

Génesis 6:15

Natian shashohuan huahuu. Ahuun chainipa ciento treinta y cinco metros huafain ahuun ashfa veintidos metros y medio huafain ahuun cuya trece metros y medio huahuu.