Génesis 50:10 - Sharanahua: Diospan Tsain

¹⁰ Ascan Goren-ha-atad nan unu Jordán chaimashta ano noconifo siete shafa oshatan fasi oi ashcafinin uainifo.

Génesis 50:10 Referans Kwoze

Hechos 8:2

Ascano nan Dios tanasharapaiyaifoan Esteban mai huanifo. Noicani fasi uainifo.

1 Samuel 31:13

Ascashon chipo aton shaofo ihui naman Jabes ano mai huanifo. Ascashon siete osha finoanno Israelifoan nannoshon piqui tununifo.

Deuteronomio 34:8

Ascano Israelifoan nica Moisés natian aton fuyamisi cusca oshu fusti machi rafu nushmancayan Moab mai anoshon manonifo.

Deuteronomio 1:1

Tsoa istaipama unu Jordán fari oaiquiri Israelifo icafo ini. Nan mai unu Jordán ocuma futsa ahuun anu Arabá ini. Nannoshon Moisés ahuun yora Israelifo yoini cusca nicanifo. Nan pushu rasi ato chaima icafo. Zuf non Parán non Tofel non Labán non Hazerot non Dizahab. Nan ato nushmancayan Israelifo icafo ini.

Génesis 50:11

Ascaiton Canaán anoafoan oincaquin yoinifo isca huaquin, —Nan Egipciofo fasi shinanmitsacani oi ashcafinin uaicaniran, —ishon yoinifo. Ascashon nan unu Jordán chaimashta anuni Abel-mizraim.

Génesis 50:4

Ascano manoquin ununifo José niaifo Faraón ahuun niaifo patasharinoafo yoini isca huaquin, —Man uhuunoa shinansharaquin Faraón ua yoisharashocahuun.

Génesis 27:41

Apan inanpaiyai cuscan shara chipocuton fini ascan nantiatari Esaú ahuun ushto Jacobqui shinanchacani. Ahuun nomuran shinanni isca huaquin, —Upa nati chaima. Upa naano un uhuun ushto un rutuiran, —ishon shinanni.

Génesis 50:3

Asca huatan cuarenta shafa ahuun caya muran ahuara huanifo funa payocononma. Asca huatan cuarenta shafa nanno huayonifo. Setenta shafa oshatan Egipciofo uainifo Jacob manocani.

Génesis 50:9

Yorafo caballo taramutiyaton José fu fonifo. Yora ichaparasi a fu fonifo.

Números 20:29

Ascano atoqui nococatan Israelifoqui chaninifo Aarón man naa tapinonfo. Nicacatan nantifi Israelifoan oshu fusti Aarón manocoinnifo.

2 Samuel 11:26

Ascan Urías ahuin Betsabé ahuun funu naa nicain fasi uaini.