Génesis 49:33 - Sharanahua: Diospan Tsain

³³ Nannori ato yoitan racapacucahuatan nan raca anoashu nani.

Génesis 49:33 Referans Kwoze

Génesis 49:29

Shafan futsa Jacob ahuun facufo yoini isca huaquin, —Un samamashta nai. Nan nocofunu Hitita ahuun anu Efrón ahuun mai ari mahua quini. Nanno uhuun shunifo mai huanifo. Nan mahua quini anuni Macpela. A muran uarifi mai huacahuun.

Génesis 25:8

Ascano fasi anifoshtacoianshu nai tsifoscumucoinni. Nan ahuun shunifo nai ari icafo ari cani.

Hebreos 12:23

Nannori nantifi Jesús icoinra huafo afu icafo. Ascan nan Dios icari aton anufo cunupacua afu ipanonfo. Ascacufin marifi man Diosiqui oaquin. Ascan nanton yoishquin ratotomain icoinra huacoinnashu afu ipanaca iyamarai icoinra huamisimaquin. Ascashu icoinra huashuma afu ipanacama. Nan icoinra huafotisi ato a cuscara shara imai chaca huamisima cuscara inonfo.

Hebreos 11:22

Ascan José arifi Dios icoinra huacoinpaoni. Ascashon natichaima ahuun yorafo yoiquin isca huani, —Chipo Upa Diosin nocon funafo nan Israelifo Egipto anoshon ato iyoshqui. Focaquin uhuun shaofori foshcaquin. Nan man icaino afanan ua mai huashcaquin, —ishon ato yoiyoni.

Hechos 7:15

Ascatan Jacob yafi ahuun yorafori Egipto ano fonifo. Nannoashu nocon shunifo ya nai cuyonifo.

Lucas 2:29

“Ifon, min nantifi tapicoian. Mian yoiyotiani cuscan mun oian. ¡Aicho! Natian unimacaini un nai manmain min facu nan nocon Numamisi mun oianmashu.

Génesis 49:1

Nantian Jacob ahuun facufo cunani ato yoishquin, —Uqui fucahuun. Ua cutsaomui fucahuun un mato yoinon ahuuscamain man aicai.

Génesis 35:29

Ahuun unutani nan naitian fasi shacainacahuan fustitan nani. Fasi anifocoianshu ahuun shunifo ari cani. Naacun ahuun facu rafutan Esaú futan Jacob mai huanifo.

Génesis 25:17

Ascano Ismael ciento treinta y siete fariya ini. Ascashu nani. Ahuun shuni ipaonifo ari cani.

Génesis 15:5

Asca huatan Diosin Abram chifi caimani. Caimashon yoiquin isca huani, —Nai ari oinyohuu. Nan fishifo min tanan huatiromainquin tananhuahuu. Nanscarifi min funafo chipo iishquin. Tsoan ato tanan huatiroma ishquinran, —ishon nocon Ifo Diosin Abram yoini.

Génesis 49:32

Uhuun shota Abraham nan mai yafi mahua quini Hititafo murannoa fini. Uari nan quini muran un naacun ua mai huacahuun, —ishon Jacob ahuun tsain unutaqui ahuun facufo yoini.

Génesis 50:1

José apa naano icopacufoantan uaini. Uaiyanan tsoani.