Génesis 49:22 - Sharanahua: Diospan Tsain

²² Joséfin nan ihui unu cusumun nia cuscaraquin. Ihui fimi ichapaya shara cuscaran. Ihui poyanfoan pushu cunu mata shara huatiro cuscaran. Nanscarifi ai Joséhuunoashu yora isharamisi ato cushusharamisi.

Génesis 49:22 Referans Kwoze

Génesis 41:52

Ascano chipocun cainyaitian José yoini isca huaquin, —Un nuno Egipcio ano omitsiscafiaiton Diosin ua facufo inan. Ascan uhuun facu chipocuton anu Efraín itiroran, —ishon yoini.

Génesis 46:27

José ahuun facu rafu Egipto anoashu cainnifo. Ascano sesenta ahuun yorafo Jacob ahuun mai anoashu a fu Egipto ano fonifo.

Génesis 48:16

Ahuun oinmati a fu nai muran icaya ua nichini un ahuara chaca finononma. Nan furonanfacu rafu Diosicoinin shara huapacunaca. Nan rafu isharapainon uhuun anu non uhuun shota Abraham anu non uhuun upa Isaac anuhuunoari futsafoan yoisharanonfo. Aton funafo ichaparasi inonforan, —ishon Jacob yoini.

Génesis 48:5

Un nuno Egipto mai ano miqui nocoataima min facu rafu cainnifo. Nan rafufin uhuun facu cuscaraquin. Uhuun facu Rubén non Simeón nan rafuri ato cuscaran uhuun facu rafu cuscarari.

Génesis 48:1

Ascan shafa ranan finoanno futsan José tapimani isca huaquin, —Min upa isininqui, —ishon yoini. Ascano apa oincaquin ahuun facu rafu Efraín yafi Manasés iyoni.

Génesis 49:23

Futsafoan noicasmacaquin chaca huaquin. Rutupaiquin piannifo. Pianfiafocai nanima. Nanfoanfin José omitsisca huanifoquin.

Génesis 48:15

Ato asca huatan Israel ahuun facu José Dioshuunshon yoi sharani isca huaquin, —Uhuun shota Abraham yafi uhuun upa Isaac Diosi nicacoinpaoni. Nan Diosiri ua cushumisi nantishon tapiquin natianri.