Génesis 49:10 - Sharanahua: Diospan Tsain

¹⁰ Min funafo futsan niaifo ipanaca. Futsan nocoataima futsafoan niaifo iishquicani. Nan futsa nocoano niaifo ano nantififain man nicasharashquin.

Génesis 49:10 Referans Kwoze

Apocalipsis 11:15

Ascaino Diosin oinmati afu ica futsan ahuun manuti chaan chaan acaino nai muran Upa Dios icarishon oi ashcafinin yoiafo isca huaquin, “Natian nocon Ifo Diospan Facu nantonfin nantifi yora manifoti ato iquina. Ascashu arusu fusti aton niaifo unupacunacamaran,” ishon yoiafo.

Romanos 15:12

Isaías arifi isca huaquin cununi, “Nocon shuni Isaí ahuun funapan manifoti ato iquishquin. Shinanquin isca huashquin, ‘Nan fusti nocon Numamisi inonran,’ ishon yoishquicani,” ishon Isaías cununi.

Juan 12:32

Ascafiatan ihui coyan iquinanqui ua mastashon uaya finifoanshcani. Nanhuunshon un nantifi yorafo uqui omashquin, —ishon ato yoini.

Juan 19:15

Ascafiaiton, —Iyoshon mastatahuun nanon. Ihui coyan iquinanquin mastahuun, —oi ashcafinin huaifoan. —¿Iconmun unmun maton niaifo mastaicai? ¿Manmun mastanpaicai? —Pilaton ato huaiton. —Cesari fustifin nocon niaifoquin. Nocon niaifo futsa yamai, —ishon nocon yorafohuunshon Dios cufimisi niaifofoan yoinifo.

Mateo 1:21

Ascan nan caianofin anuqui Jesusran min huashquicain. Nantonmain ahuun yorafo chaca soashofain ato numashquiamaiton, —ishon yoini.

Mateo 25:32

Ascashu nantifi manifotifi uqui fushcani. Chashoan cushumisiton ahuun chashoanfo yafi nan chashoan ointsafo aton anu cabra aton ichanan huai. Nan chashoanfosi tiri futsa huafain nan cabrafori tiri futsa huai.

Mateo 21:9

Ascano nan yorahuanrasi afufori foaifo futan acachori foaifoan nantififain oi ashcafinin yoinifo. ¡Aicho! David nocon niaifo ipaoniton ahuun funa nocoqui oi. Nanfin Dioshuunoashu nocoqui oiquin. Ascacun Upa Diosin nan shara huahuu, ishon yoinifo.

Mateo 17:5

Ascashu Jesús fu tsaincaino coin osho sharacoin atoqui cuyopacuni. Ascaino coin murannoa oi nicanifo yoiqui isca huaiton, —Nanfin uhuun Facuquin. Un fasi ahuun noi. Nanfin un catoanquin. Un aqui unimacoin. Ascacun a nicacoincahuun, —ishon Upa Diosin yoini.

2 Corintios 5:10

Ascan nan non icoinra huafoti Cristoqui non nocoshquin. Nantianri noco yoipacushquin non mai ano niyoshon shara huayamaraquinmain non chaca huamisiquin. Non ahuara shara huamisicun ahuara sharacoin noco inanshquin. Asca non ahuarashta chaca huamisicun ahuara shara noco inanpaifiaquicai noco inantiroma. Ascashu funoshcani.

Juan 19:12

Ascaiton nicaquin Pilatonun Jesús caimapairiani. Ascafiaino nocon caifo Israelifoan tsain isininpaton yoinifo, —Tsoa, “Unfin niaifoquin,” icafin Romanonfoan niaifocoin Cesari chaca huaiquin. Ascan min na nocofunu Jesús caimanacai nocon niaifocoin Cesari min ahuun yorahuancoinma, —icashon oi ashcafinin yoirianifo.

Juan 18:31

—Mafi iyotacahuun. Maton shunifoan yononi cuscamain chaca Israelifoan huaquin. Nanfin maton fuyamisiquin. Ahuamain chaca huaquin mafi ahuuscara huacahuun, —huaiton. —Maton yorafoan yononifo cuscacai non tsoa mastatiroma naanon —icashon yoinifo.

Juan 9:7

Asca huatan, —Siloé carayanun nashitahuun, —huani. Carayan ahuun anu futsa —Nichiaran —yoimisifo. Asca huaa caashu nashianan fuchocomutan oinsharacufainiquin. Ascatan naso curani.