Génesis 49:1 - Sharanahua: Diospan Tsain

¹ Nantian Jacob ahuun facufo cunani ato yoishquin, —Uqui fucahuun. Ua cutsaomui fucahuun un mato yoinon ahuuscamain man aicai.

Génesis 49:1 Referans Kwoze

Daniel 10:14

Ascan natian un miqui nocoa ahuarafo ishquiai cuscan mia tapimashquin. Min namapan oiain cuscan chipo ishquiran, —ishon ua yoini.

Deuteronomio 4:30

Man omitsiscaitian afanan man nocon Ifo Diosiqui nasoshquin nan nicasharashquin.

Apocalipsis 4:1

Ascashon nannori ua yoifain Diosin Yoshin Sharapan ahuara futsa ua oinmanaino nan namapan oian un huaa. Ascashon un oian Upa Diosin icaria caincaiti nan un oinyaino nan oi un nicaquin tau huaa nanrifi un afanan nica. Nan manuti nicatsa achacoin. Ascano ua yoiquin isca huaa, —Nuri uqui ohuu. Ahuarafo chipo ahuuscara aashquiai cuscan un mia oinmayoiran, —ishon ua yoia.

Hebreos 1:2

Asca huapaonifiashu natian noco yoipaiyai cuscan Furunhuunshon noco yoia. Furunhuunshon nantifi nai murannoafo yafi mai anoafori onihuani. Furun catonni nantifi nai murannoafo yafi mai anoafoti ahuuna inon.

2 Timoteo 3:1

Un mia tsain futsari yoinon. Ascacun un mia yoiai cuscan min nomuran shinanhuun. Jesús oti chaima ahuara chacacoin finonshquin. Ascano non omitsiscatiro. Ascafia non icoinra huaafo. Noco musu huamapaifafainshcani.

1 Timoteo 4:1

Diosin Yoshin Sharapan noco cayacafi tapimayoni atirifiton Jesús potaifo cuscan. Ascashocai afanan icoinra huapaitama nan yoshin chacafohuunshon ato yoipaiyaifo ato tanacani funoshcaquin.

Hechos 2:17

Upa Diosin noco yoi isca huaquin, “Uhuun facu oti chaima un manifoti anoafo uhuun Yoshin Shara atoqui nichishquin. Ahuunshon maton facufo nocofunufo non ainfofori inonpacoai yoishcaquin. Maton pushcoaifo namapan cuscara un ato ahuarafo ismai. Maton anifofoanri uhuunshon aton namapan cuscara ahuarafo shara oinshcani.

Lucas 2:26

Ascacun Diosin Yoshin Sharapan ahuun nomuran yoini, —Min naataishoma nan Diosin catoan maton Ifo Cristo min oinshquiran, —ishon yoini.

Daniel 10:1

Ascan Persia mai anoafoan aton niaifo ahuun anu Ciro. Fari rafu non fusti finoan aton niaifo imisi. Nantianri Ifo Diosin ahuara tsoa oinyomisima Daniel (nan ahuun anu futsa Beltsasar) oinmani. Ifo Diosin Daniel oinmani chipo ishqui ai cuscan iconcoin. Caifo futsafo afo ranan rutunanshquiaihuunoa ua yoini. Ifo Diosin Daniel yoipaiyai cuscan namai cuscarahuunshon tapimani.

Daniel 2:47

Ascashon niaifo Nabucodonosor Daniel yoini isca huaquin, —Icon, maton Diosin nantifi dios futsafo finoncoian. Nanfin nantifi niaifofoan aton Ifoquin. Uhuun namapan mian tapimana cuscan min yora ahuara tapiamafo Diosin ato tapimatiroran, —ishon Nabucodonosor yoini.

Hebreos 13:1

Manfin Cristo ahuun yorafoquin. Ascashu noinanfafaincahuun.