Génesis 48:12 - Sharanahua: Diospan Tsain

¹² Ascatan José apaqui ratoconun ahuun facu rafu shucafurani. Ahuun facu rafu shucafuratan apa tsaoa naman José fuopacucahuani. Fuopacui ahuun fumanan tapaqui noconi.

Génesis 48:12 Referans Kwoze

Génesis 42:6

Nan Egipcio maifoti ano José aton niaifo ini. Nantofin manifoti yorafo tushufo inanpaoniquin. Ascano José ahuun ochifo aqui nococatan fuoshonpacufoannifo.

Efesios 6:1

Facufoan maton upa yafi uhua nicasharacoincahuun. Nocon Ifon Diosin yononi cuscan maton upa futan uhuan mato iquina. Ascan man ato nicasharacoianshu marifi man icoinsharatiro.

Éxodo 34:8

Nannori huaiton nicai Moisés maiqui fuopacuni nocon Ifo Diosi ismashquin nan ahuun noiai cusca nan nicasharapaicoin.

Éxodo 20:12

Maton upa yafi mato uhuari nicasharafain ato sharahuashofafaincahuun. Atohuunoari shinansharafain atohuunoa yoisharapacucahuun. Man ascaiton oinquin nan mai nocon Ifo Diosin mato inain man ano ipashquinon.

Génesis 33:3

Ascatan Esaú chaimashta otan Jacob fuopacucahuatan ahuun tau naman siete veces fuhuufuhuu ishoni.

Génesis 23:7

Nicain Abraham tutipacucahuan nan Hititafo yoini,

Génesis 19:1

Ascashu Diosin oinmati rafu a fu nai muran imisifo man fari caino Sodoma ano noconifo. Nantianri Lot pushu rasi ahuun shoi caincaiti ano tsaoa ini. Ascano ato fuchitan ato ano cani. Ato ano cashon ato yoini,

Génesis 18:2

Ascano Abraham funinacahuan nan nocofunu rafu non fusti chaimashta nicun fuchini. Ascaiton oin pano pushu caincaiti anoashu atoqui nocoriscatan ato tutishopacucahuani.

Génesis 48:11

—Un shinanpaoni un afanan mia oinnacama shafai. Ascafia mun miqui nocoa. Miqui fustima Diosin yonoa min facu rafuya un matoqui nocoaran, —ishon Jacob yoini.

Génesis 48:13

Ascano funitan José ahuun facu rafutan ocu rafusho mutsofainifo. Efraín ahuun mumihuurishon mutsoaino Manasés ahuun mushquiorishon mutsoni. Nanscaino Efraín ahuun shota Israel ahuun mushquiori niaino Manasés ahuun mumihuuri nia ini.