Génesis 45:5 - Sharanahua: Diospan Tsain

⁵ Man ua asca huafianishaquin ratuquima mafo ranan shinanonainchaca huatananyamacahuun. Man ua chaca huanihuunshon nuno ua rucu Diosin nichini un yorafo numanon.

Génesis 45:5 Referans Kwoze

Génesis 50:20

Man ua chaca huapaini. Man ua chaca huahuunshon Diosin ua shara hua un yora ichapa numanon.

Lucas 23:34

Ascashon mastaifoan Jesús Apa cufini, —Upan, ato rau huahuu. Ua isca huaifo cuscan tsoan tapiamaquin. Un min facufiacun tapiafoma, —ishon Jesús apa cufini. Mastacatan ahuun sahuuti pashcananshcaquin. Aya cashuti ya cashunifo nan finonmanaton ahuun sahuuti fiqui tau huani.

Génesis 47:25

Ascaiton cumanifo, —Niaifo, min noco fasi shara hua non foni nama. Minhuunoashufin non isharaquin. Min nocohuunoa shinansharapainon. Nonfin Faraón yonomamisifo itiroquin, —ishon yoinifo.

2 Corintios 2:11

Non ascainocai Satanás noco fuparatiroma. Ascatan non asca huayamaino nocohuunoashu nan nocofunu funoi omitsiscacuana. Satanás noco amaquiri shinanmapai nan nocofunu rau huanonma. Non rau huayamaino fasi omitsiscatiro.

2 Corintios 2:7

Ascatan man aca cuscan afanan huacaquima rau huacahuun. Ascashon yoisharacahuun. Ahuun ointi unimamashcaquin afanan omitsiscanonma. Man yoisharayamaino afanan fasi ahuun nomuran omitsiscai finacaitiro afanancai shinansharatiroma.

1 Samuel 1:19

Ascan iyoconaino nocon Ifo Diosi cufinnifo. Cufinqui unutan Elcana ahuun yorafoya aton pushu Ramá ano nasonifo. Nocotan Elcana Ana fu oshani. Ascano man facu nanua ini. Taui furonanfacu cainni. Ascashon Anapan yoini isca huaquin, —Un nocon Ifo Diosi cufian cuscan ua furonanfacu inan. Ascacun ahuun anu Samuel iishquinran, —ishon yoini.

Filemón 1:15

Itsairaca Onésimo mimaqui pashcayoni. Ascashu afanan chipo mifu ipashquin.

Génesis 37:28

Mafo inanmitsamisifo ohuaiton pozo murannoa nushficashon inanmitsanifo. Veinte toro pui ahuun rafanan finifo. Ascano Egipto ari José iyonifo.

Génesis 50:19

Asca huaifoan José ato cumani, —Ratuyamacahuun. Diosin mato onaintimapaiquin arusu atiro. Uncai Diosima.

Génesis 50:21

Ascacun ratuyamacahuun. Un maton facufoya mato cushusharanon man yopaiyai cuscan mato inaincai, —ishon José ahuun ochifo yoini. Asca huatan ato noiquin ato oi tsii huapacufoantan ato yoini. Nicacani fasi unimacain afanan ratunifoma.